Қазақша рефераттар

Қаланың көшелері

Қазақ тілі • 3-сынып

Тақырып: «Үлкен қалада»

Бұл сабақ жоспары оқушылардың сөздік қорын кеңейтіп, мәтінмен жұмыс істеу дағдыларын бекітуге және туған жерге деген сүйіспеншілікті қалыптастыруға бағытталған.

Сабақтың мақсаты

  1. Түрлі тапсырмалар арқылы алған білімді бекіту, қазақша сөздерді дұрыс айтуға дағдыландыру.
  2. Ойлау және сөйлеу қабілеттерін дамыту.
  3. Оқырмандыққа және отансүйгіштікке тәрбиелеу.

Сабақ сипаттамасы

Түрі
Дәстүрлі сабақ
Әдісі
Оқу, баяндау, аудару, сұрақ-жауап, жұптық жұмыс
Көрнекілігі
Үлкен қалалардың суреттері, презентация, кестелер, жазба сөздер

Сабақтың барысы

I. Ұйымдастыру кезеңі

  • Оқушылармен амандасу.
  • Отырғызу, түгендеу.
  • Сабаққа дайындықты тексеру.

II. Сұрақ-жауап және үй тапсырмасын тексеру

Оқушылар бір-біріне сұрақ қойып, жауап береді. Үй тапсырмасы сұралады, назар сабаққа шоғырландырылады.

III. Өткенді қайталау

  1. Мақалдарды оқып, жуан және жіңішке сөздерді ажырату.
  2. Әр сөздегі буын санын анықтау.
  3. Мақалдарды орыс тіліне аудару.
  4. Мақалдардың ортақ тақырыбын айту.

Мақал-мәтелдер

  • Ер — елде, гүл — жерде.
  • Отан — отбасынан басталады.
  • Отан — оттан да ыстық.
  • Отансыз адам — ормансыз бұлбұл.

IV. Жаңа сабақ

1) Сөздік (жаңа сөздер)

Қазақша Орысша
Жұмыс істейді работает / работают
Жүреді ходят
Ғимарат здание
Көрікті красивый
Жағасында на берегу

Сөздікпен жұмыс

  • Сөздерді мәнерлеп оқу.
  • Аудармасын айтып, қайталап оқу.
  • Жуан буынды сөздерді тауып оқу.
  • Әр сөздің буын санын анықтау.
  • Әр сөзбен сөз тіркесін құрастыру.

1-тапсырма. Мәтінмен жұмыс

Мәтін

Петропавл — менің туған қалам. Ол Есіл өзенінің жағасында орналасқан. Петропавл — көрікті қала. Қалада биік үйлер, кең көшелер, дүкендер, кітапханалар, театрлар, ауруханалар, мектептер бар. Қалада зауыттар мен фабрикалар жұмыс істейді. Көшеде автобустар мен машиналар жүреді. Бұл — үлкен қала.

Мәтін бойынша жұмыс

  • Мәтінді мәнерлеп оқу.
  • Орысша аудармасы берілген сөйлемді тауып оқу.
  • Сөйлемдерге сұрақ қою.
  • Көптік жалғауы бар сөздерді тауып оқу.

2-тапсырма. Жазбаша жұмыс

Мына сөздерді көпше түрге айналдырып жаз. (Көптік жалғаулары: -лар, -лер, -дар, -дер, -тар, -тер.)

қала ғимарат зауыт театр жер өзен ескерткіш

Қосымша бөлім: Петропавл туралы суреттер

Петропавл қаласына қатысты суреттерді тамашалап, нысандарды атап шығыңдар: көшелер, ғимараттар, өзен жағасы, мәдени орындар.

3-тапсырма. Сұрақ-жауап

  1. Сен қайда тұрасың?
  2. Сен қай қалада тұрасың?
  3. Сен қай көшеде тұрасың?
  4. Қазақстанда қандай ірі қалалар бар?
  5. Қазақстанда қандай үлкен қалалар бар?
  6. Петропавлда нелер бар?
  7. Петропавл қай өзеннің жағасында орналасқан?
  8. Қазақстанда қандай үлкен өзендер бар?

4-тапсырма. Сөйлем құрап үйрен

  • Ауыл.
  • Үлкен ауыл.
  • Бескөл — үлкен ауыл.

5-тапсырма. Сөйлемдерді толықтырып жаз

Алматы — үлкен __________.

Қалада көшелер, мектептер, алаңдар, театрлар __________.

Қаланың көшелері __________.

Алматы — __________ қала.

V. Қорытындылау

Нені білдік?

Үлкен қала туралы жаңа сөздер мен мәтіннің мазмұнын меңгердік.

Нені үйрендік?

Көптік жалғауын дұрыс қолдануды және сұрақтарға толық жауап беруді үйрендік.

VI. Бағалау

Сабаққа белсенді қатысқан оқушылардың жұмысы бағаланады, кері байланыс беріледі.

VII. Үй тапсырмасы

Сөздікті жаттау және мәтіндегі жаңа сөздерді қайталау.