Ситуациялық сұрақ
Кездесу кешінің мәні
Асулардан асып келе жатқан жастар үшін зор болашақ бүгіннен басталады. Бұл кеш — мектеп бітіруші түлектерді жоғары оқу орындарында белгілі бір мамандық бойынша білім алып жүрген студенттермен жүздестіріп, ой бөлісуге мүмкіндік беретін тәрбиелік әрі бағыт-бағдар беретін кездесу.
Мақсаты
Оқушылардың болашақ мамандығын таңдауға жүйелі көзқарасын қалыптастыру, кәсіби қызығушылығын арттыру және саналы, тиянақты білім алуға ынталандыру.
Міндеттері
- Мектеп бітіруші түлектердің кәсіби-шығармашылық танымын кеңейту.
- Болашақ мамандықты дұрыс таңдауға бағыт-бағдар беру.
- Еңбек пен кәсіби іс-әрекет саласына нақты көзқарас қалыптастыруға көмектесу.
Күтілетін нәтиже
Кездесу барысында түлектердің және негізгі орта мектепті аяқтаушы оқушылардың салмақты шешім қабылдап, белгілі бір мамандық бағыты бойынша нақты таңдау жасауына ықпал ету.
Жүргізушілердің құттықтау сөзі
1-жүргізуші
Армысыздар, аяулы ұстаздар, мектеп табалдырығынан білім сусындап, бүгін студент атанған жастар және биылғы жас түлектер!
2-жүргізуші
Бірінші кілт — білімге,
Екінші кілт — дұрыс жол.
Үшінші кілт — бақытқа,
Жетелейді білсең сол.
Ортақ ой
Талабы бар адам өмірден жол табады. Еңбегіне лайық нәтижеге жетіп, тұлға болып қалыптасады. Жастар — елдің болашағы, ал болашақтың берік негізі — білімді ұрпақ.
Білім туралы ой-түйін
Жаңа Қазақстанға бастар жол — жаңашылдық пен білім. Ел дамуының басым бағыты ретінде білім сапасын арттыру, жоғары оқу орындарының халықаралық талаптарға сай болуы және әлемдік рейтингтерге ұмтылуы айтылды. Сондай-ақ бірегей білім беру жобаларына ерекше мән берілді.
Негізгі үндеу
Осындай сенім жүктелген істі атқару үшін білімді болу — әрқайсымыздың ортақ міндетіміз.
Музыкалық тарту
Кеш мазмұнын көркейту үшін 10-сынып оқушысы Жұматай Тұрсынайдың орындауындағы ән ұсынылады.
Кеш бағдарламасы
Кештің мағыналы әрі мазмұнды өтуі үшін баршамыз белсенді қатысуға шақырыламыз. Төменде іс-шараның негізгі кезеңдері берілген.
-
1
Танысу кезеңі
Қонақ студенттермен және қатысушылармен танысу.
-
2
Ситуациялық сұрақтар
Өмірлік жағдайлар арқылы шешім қабылдау дағдысын дамыту.
-
3
Сергіту сәті (ойын)
Интерактив арқылы көңіл сергіту, қатысым орнату.
-
4
«Мамандығым — мақтанышым»
Пікірсайыс: мамандық таңдаудың өлшемдері мен құндылығы.
-
5
«Ең үздік студент»
Белсенділік пен жауаптарға сай марапаттау кезеңі.
-
6
Қорытынды
Түйін сөз, ұсыныстар, алғыс білдіру.
Қонақ студенттер
Осы бөлімде мектебімізден түлеп ұшқан түлектер — қазіргі таңда әртүрлі оқу орындарында білім алып жүрген студенттер таныстырылады.
Сергіту: сұрақ-жауап және ойын
Кездесуді жандандыру үшін жүргізушілер студенттерге сұрақтар қойып, шағын ойын ұйымдастырады. Ойын шарты: араларыңыздан бес студент шығып, шардың ішіндегі сұрақтарға жауап береді.
Жүргізушілердің сөз үлгілері
Армысың, студенттер, хал-жағдай қалай? Жүрегім бір өзіңді сағынады-ай. Дүниені шарқ ұрып іздесем де, өзіңнен басқа жақсы табылмады-ай.
Армысың, айналайын жиналғандар, сахнаның төрінде сыйланғандар. Барлық студенттерім бас қосыпты, айтыңдаршы, кімде арман бар?
Бір сұрақ қояйын: қасиетті кітапты білесің бе?
Құран деп жауап берген студент дұрыс айтады. Тағы бір сұрақ: «Оқу — білім бұлағы» деп кім айтқан?
Музыкалық үзіліс
Келесі кезекте әсем әнге жол беріледі. (Орындаушының аты-жөні көрсетіледі.)
Ситуациялық сұрақтар
Төмендегі жағдаяттар қатысушылардың сабыр, жауапкершілік, этика және шешім қабылдау қабілетін бағалауға көмектеседі.
1-жағдаят
Сізді 20 ақпан күні сағат 15:00-де өтетін мектептегі студенттермен кездесу кешіне шақырды. Дәл сол уақытта мектепке кіре бергеніңізде бір оқушы қолындағы шелектегі суды абайсызда үстіңізге төгіп алды. Сол сәттегі әрекетіңіз қандай болады?
2-жағдаят
Бүгін сіз ашық сабақ өткізгелі тұрсыз. Барлық материалды интерактивті тақтаға сақтап қойғансыз. Сабақ басталар сәтте электр жарығы өшіп қалды. Сабақты оқушыларға және қатысып отырған ата-аналарға қалай түсіндіресіз?
3-жағдаят
Ертең сіз қиын пәннен мемлекеттік емтихан тапсырасыз. Бірақ дәл сол күні ең жақын досыңыздың туған күні. Барсаңыз — дайындық төмендеуі мүмкін, бармасаңыз — досыңыз ренжуі ықтимал. Қандай шешім қабылдайсыз?
4-жағдаят
Сіз жатақханада тұрасыз. Демалыс қарсаңында бөлмедегілердің бәрі кілттеп, үйлеріне кетіп қалды. Баратын жеріңіз жоқ. Қарныңыз аш, бөлмеде шайдан басқа тағам жоқ. Не істейсіз?
5-жағдаят
Сіз — 1-курс студентісіз. 17 қараша — студенттер мерекесіне орай отырыс ұйымдастырылған. Үйдегілерден 2 сағатқа сұранып шықтыңыз, алайда 2,5 сағат болып кетті. Сол сәтте сыртқы есік ашылып, үйдегілер айқайлап сізді алып кетті. Достарыңыздың алдында қатты ұялдыңыз. Әрекетіңіз қандай?
6-жағдаят
Сіз емтихан тапсырып жатырсыз. Жоғары баға қою үшін мұғалім ақша талап етті. Қалтаңызда ақша жоқ. Ал айналаңыздағы адамдардың көбі сол әрекетке барып, емтиханнан оңай өтуде. Уақыт та аяқталуға жақын. Қандай әрекет жасайсыз?
Қорытынды идея
Бұл кездесу — түлектердің өз болашағын саналы таңдауға бағытталған алаң. Студенттердің тәжірибесі мен кеңесі оқушыларға мақсат қоюға, қиындықты дұрыс еңсеруге және білімге жауапкершілікпен қарауға көмектеседі.