Орын басу және алмасу реакцияларыСабақтың мақсаты:Білімділік: химиялық реакция типтерінің жіктелуін сипаттай білу, орын басау және алмасу химиялық реакция теңдеулерін жаза білуге баулу
Сабақтың мақсаты
Білімділік
Химиялық реакция типтерінің жіктелуін сипаттай білу. Орын басу және алмасу реакцияларының теңдеулерін дұрыс құрастыруға және жазуға үйрету.
Дамытушылық
Химиялық реакциялардың төрт типін талдай отырып, теңдеулерді жазу және ауызша түсіндіру дағдыларын дамыту. Реакция теңдеуі бойынша есептеулер жүргізуді қалыптастыру және есептің шартын сауатты жазуға дағдыландыру.
Тәрбиелік
Ұйымшылдыққа, жауапкершілікке және уақытты тиімді пайдалануға тәрбиелеу.
Сабақтың жоспары
-
1
Ұйымдастыру кезеңі
Сыныптың дайындығын тексеру, сабақтың мақсатымен таныстыру.
-
2
Үй тапсырмасын тексеру
Ой қозғау сұрақтары, топтастыру стратегиясы, перфокартамен жұмыс және химиялық диктант.
-
3
Жаңа сабақ
Орын басу және алмасу реакцияларын таныстыру, мысалдар арқылы талдау.
-
4
Бекіту кезеңі
- «Кім шапшаң» — топтық жұмыс
- «Жаңбыр тамшылары» — жеке жұмыс
-
5
«Бейнет түбі — зейнет»
Қорытындылау және бағалау.
-
6
Үйге тапсырма
Келесі сабаққа дайындыққа бағытталған тапсырмалар беру.
Үй тапсырмасын тексеру: тапсырмалар жиынтығы
Ой қозғау (сыныппен жұмыс)
Үй тапсырмасы оқушылардың белсенді қатысуын арттыру мақсатында сұрақ-жауап және топтастыру стратегиялары арқылы тексеріледі.
«Менен сұрақ — сіздерден жауап» (жеке жұмыс)
- Айырылу реакциясы дегеніміз не?
- Қосылу реакциясы дегеніміз не?
- Екі реакцияның ұқсастығы мен айырмашылығын көрсету үшін Венн диаграммасын құрыңдар.
- Химиялық реакция теңдеулері дегеніміз не?
- Зат массасының сақталу заңын кім ашты? Заңның анықтамасын айтыңдар.
Перфокартамен жұмыс (топтық жұмыс)
Әр топ берілген тапсырмаларды орындайды: салыстырмалы молекулалық массаны есептеу және массалық қатынасты анықтау.
1-топ
- 1А-ның салыстырмалы молекулалық массасын есептеңдер.
- 3Е-нің массалық қатынасын анықтаңдар.
2-топ
- 3Г-ның салыстырмалы молекулалық массасын есептеңдер.
- 4Д-ның массалық қатынасын анықтаңдар.
3-топ
- 6А-ның салыстырмалы молекулалық массасын есептеңдер.
- 3Е-нің массалық қатынасын анықтаңдар.
Химиялық диктант (топтық жұмыс)
Слайдтағы сөйлемдерді толықтырып жазыңдар. Тапсырма терминдерді дұрыс қолдануды және құбылысты ғылыми тілмен сипаттауды бекітеді.
- Жануарлардың тыныс алуына оттек ________ қажет.
- Қанттың судағы ерітіндісінде қант ________ және су ________ біртіндеп араласады.
- Оттек суда ерігенде, оттегінің ________ судың ________ арасына орналасады.
- Қанттың ________ құрамына оттегі және сутегі ________, сондай-ақ көміртек ________ кіреді.
- Балық суда еріген оттегі ________ арқылы тыныс алады.
Жаңа сабаққа көшу
Проблемалық сұрақ
Қосылу және айырылу реакцияларынан басқа химиялық реакция түрлері бар ма?
Осы сұрақ арқылы оқушылар химиялық реакциялардың өзге типтерін (орын басу және алмасу) анықтауға бағытталады. Слайд: «Химиялық реакциялар».