Қазақша рефераттар

Жай бөлшектердің оқылуын меңгерту

Сабақ туралы қысқаша мәлімет

Сабақтың тақырыбы
Жай бөлшектер. Жай бөлшектерді оқу және жазу
Пән / сынып
Математика, 5-сынып
Сабақтың түрі
Жаңа білімді меңгерту
Әдіс-тәсілдер
Сұрақ-жауап, түсіндіру
Көрнекіліктер
Компьютерлік слайдтар, үлестірмелі карточкалар, сөзжұмбақтар, суреттер

Сабақтың мақсаттары

Білімділік

  • Үлес, жай бөлшек және оларды оқу мен жазу тәсілдерін түсіндіру.
  • Есеп шығару дағдыларын жетілдіру.
  • Жай бөлшектердің дұрыс оқылуын меңгерту.

Дамытушылық

  • Оқушылардың ойлау қабілетін дамыту, пәнге қызығушылығын арттыру.
  • Ауызша және жазбаша түрде жылдам есептеуге дағдыландыру.

Тәрбиелік

  • Ұқыптылыққа, жинақылыққа және шапшаңдыққа тәрбиелеу.

Сабақтың барысы

  1. I. Ұйымдастыру кезеңі

    Сабаққа кіріспе

    Оқушылармен амандасып, сыныпты түгелдеймін. Олардың сабаққа дайындығын тексеріп, жұмыс тәртібін нақтылап, сабақтың жоспарын қысқаша таныстырамын.

  2. II. Үй тапсырмасын тексеру

    Өзара тексеру

    Үй тапсырмасы тақтаға ілінеді. Оқушылар дәптерлерін бір-бірімен алмастырып, дайын жауап арқылы өзара тексереді.

    Үй тапсырмасы: №750 есеп

    ЕҮОБ-ты жақша сыртына шығару

    Азайғыш пен азайтқыштың коэффициенттерінің ең үлкен ортақ бөлгішін жақша сыртына шығарып жазыңдар:

    • 1)

      42x − 30y = 6(7x − 5y)

    • 2)

      56x − 24y = 8(7x − 3y)

    • 3)

      60m − 36n = 12(5m − 3n)

    • 4)

      75m − 15n = 15(5m − n)

    • 5)

      95a − 35b = 5(19a − 7b)

    • 6)

      88a − 55b = 11(8a − 5b)

  3. III. Жаңа сабақты түсіндіру

    Негізгі ұғымдар

    Жай бөлшек және оның бөліктері

    a/b — жай бөлшек. Мұнда a — алым, b — бөлім.

    • Бөлім бүтіннің неше тең бөлікке бөлінгенін көрсетеді.
    • Алым сол бөліктердің нешеуі алынғанын көрсетеді.

    Бөлшек сызығының мағынасы

    Жай бөлшек — бұл бөлу амалының жазылуы:

    a/b = a : b

    4/9 = 4 : 9

    Мысалы, 5/8 бөлшегінде 5 — бөлінгіш, 8 — бөлгіш.

    Жай бөлшекті оқу ережесі

    Жай бөлшекті оқығанда алдымен бөлім (сызықтың астындағы сан) шығыс септігінде айтылады, содан кейін алым (сызықтың үстіндегі сан) атау септігінде оқылады.

    Мысал

    7/10

    Оқылуы: «оннан жеті»

    Мысал

    4/5

    Оқылуы: «бестен төрт»

    Натурал сандардың бөліндісін бөлшек түрінде жазу

    Екі натурал санның бөліндісін жай бөлшек түрінде көрсетуге болады:

    2 = 2/1

    6 = 18/3

    28 = 56/2

  4. IV. Қорытынды

    Нәтиже
    • Жай бөлшектің алымы мен бөлімінің мағынасын қайталаймыз.
    • Бөлшек сызығының бөлу амалын білдіретінін нақтылаймыз.
    • Бөлшекті дұрыс оқу ережесін мысалдар арқылы бекітеміз.

  5. V. Үйге тапсырма

    Бекіту

    Жай бөлшектерді оқу және жазу тақырыбы бойынша ережелерді қайталап, сыныпта қарастырылған үлгілерге ұқсас бірнеше жаттығу орындау.

Дереккөз және авторлық белгі

Білім беру ұйымы

Оңтүстік Қазақстан облысы, Сарыағаш ауданы, №127 Т. Бердияров атындағы жалпы орта мектеп.

Орындаған

Аулан Анар