Қазақ елімізді әлемдік деңгейге жеткізу - біздің қолымызда екенін айтып түсіндіру
Тәуелсіздік – тірегіміз
Бұл тәрбие сағаты еліміздің өткеніне, бүгініне, ертеңіне шолу жасап, туған жердің тілі мен тарихын, салт-дәстүрін, әдебиетін қадірлеу мен құрметтеуді дәріптеуге арналған. Қазақ елін әлемдік деңгейге көтеру – әрқайсымыздың қолымызда екенін ұғындыру басты мақсат.
Көрнекілігі
Интерактивті тақта.
Барысы
Сәлеметсіздер ме, құрметті қонақтар, оқушылар, ұстаздар! Бүгінгі «Тәуелсіздік – тірегіміз» тәрбие сағатына қош келдіңіздер!
Рәсім
Қазақстан Республикасының Әнұраны орындалады.
Жыр жолдары
Кең байтақ, көз жетпейтін жерім менің,
Таулы орман, жасыл жайлау, көлім менің.
Бүгінде бар әлемге даңқың жетті —
Тәуелсіз Қазақстан — елім менің!
Егеменді, ерікті ел екенбіз,
Жылдан-жылға кіргендей берекеміз.
Тәуелсіздік таңы атқалы жиырма екі жыл —
Халайық, құтты болсын мерекеміз!
Тербетіп тұрса болды жер-бесігім,
Дәулеттің тілеймін мен көл-көсірін.
Көз тимей, кірбің түспей қабағына —
Жалғыз-ақ, құтты болғай енді осы күн!
Қорытынды лебіз
Ұлы дархан, ұлы елім! Бүгін — азаматтығымыздың айбыны, азат күніміздің айдыны, ерікті еліміздің еңсесін көтеріп, мерейін асқақтатқан киелі әрі қастерлі мереке — Тәуелсіздік күні. Мереке құтты болсын!