Ұйымдастырылған оқу іс - әрекетінің технологиялық картасы Қарлығаш тобыБілім беру саласы
Ұйымдастырылған оқу іс-әрекетінің технологиялық картасы
Тақырыбы: «Ою ойғанның ойы ұшқыр»
Мақсаты
Балалардың ұлттық ою-өрнек туралы білімдерін тереңдету, халықтың тұрмыс-салт дәстүріне қызығушылығын ояту. Қабаттап бүктелген қағаздан ою-өрнек қию арқылы бейнелеу өнерінің жаңа тәсілдерімен таныстыру.
Нәтиже
Ою-өрнектің тұрмыста кездесетін түрлерін атап, олардың мәнін түсіндіре алады.
Дағды
Қағазды қабаттап бүктеп, үлгі бойынша қауіпсіз қиып, жапсыруды меңгереді.
Құндылық
Ұлттық мәдениетке құрмет, бірлік пен ынтымаққа тәрбиелеу.
I кезең. Дәлелдеу – ояту
Шаттық шеңбер
Бір шаңырақ астында,
Тату, тәтті тұрамыз.
Бірге ішеміз асты да,
Бірге сайран құрамыз.
Армысыздар, қонақтар!
Қош келдіңіздер, апайлар.
Алдарыңызда балақай —
Көрсетерміз сабақ-ай!
Әңгіме сұрақтары
- Балалар, біздің Республикамыз қалай аталады?
II кезең. Іздену, ұйымдастыру
Сұрақ-жауап арқылы бағыттау
- Біз қай ұлттың баласымыз?
- Біздің қандай рәміздеріміз, тіліміз, салт-дәстүріміз бар?
- Мына жерден нелерді көріп тұрмыз?
- Бұл бұйымдардың барлығы немен әшекейленген?
Негізгі түсінік: ою-өрнек
Ою-өрнек — күнделікті тұрмыста қолданылатын көптеген заттарда кездесетін ұлттық көркем өрнек. Ол ұрпақтан ұрпаққа жалғасып, әр дәуірдің талғамы мен мәнін сақтап келеді.
Кең тараған түрлері
Қайда кездеседі?
- Үй жиһаздары мен тұрмыстық бұйымдарда
- Ұлттық киімдерде
- Зергерлік бұйымдарда
- Ыдыс-аяқта
Мағыналық астары
- Қошқар мүйіз — молшылықтың нышаны
- Ағаш — ынтымақ пен бірлікті білдіреді
- Ирек — өмір жолы, су белгісі
- Шеңбер — жарық, баянды өмірді меңзейді
Енді ою-өрнек туралы білетін тақпақтарыңыздан үзінді немесе мақал-мәтелдер айтып көрейік.
Сергіту сәті
Қимыл-қозғалыс арқылы бой сергітіп, назарымызды қайта жинақтаймыз.
Практикалық жұмыс: қауіпсіздік және топтық тапсырмалар
Қауіпсіздік ережелері
- Қайшыны дұрыс ұстап, абайлап қолдану.
- Желімді мөлшермен пайдаланып, жұмыс орнын таза ұстау.
- Бір-бірімізге кедергі жасамай, ұқыпты жұмыс істеу.
Топтарға бөлу және тапсырмалар
Балалар төрт топқа бөлінеді. Әр топ өз бұйымын ұлттық ою-өрнекпен әшекейлейді. Тәрбиеші жұмыс барысында жеке көмек көрсетеді.
1-топ
Алдарындағы үлгі бойынша оюды қиып, киіз үйге желімнің көмегімен жапсырады.
2-топ
Сандықты ұлттық ою-өрнекпен әшекейлеп безендіреді.
3-топ
Көкірекшені ұлттық ою-өрнекпен сәндейді.
4-топ
Сәукелені ұлттық ою-өрнекпен әшекейлеп безендіреді.