Сабақтың мақсатын, айқындатқызу

Сабақтың тақырыбы

Модерация — топтық жұмысты белсендендірудің тиімді тәсілі.

Жалпы мақсаттар

Топтық жұмыстың жаңа әдісімен танысу.
Әдістің ерекшелігі мен идеясын түсіну.
Осы әдісті тәжірибеде қолдану жолдарын қарастыру.

Күтілетін нәтиже

Қатысушылар модерация әдісін біледі.
Модерацияны сабақта тиімді қолдануға ұмтылады.
Топтық жұмысты белсендендіру үшін модерацияны қолдана алады.
Жасалған жұмыс бойынша кері байланыс алуды ұйымдастырады.
Топ ішінде жайлы орта құрып, әңгімелесуге мүмкіндік жасайды.

Түйінді идея

Модерация әдісін қолдану арқылы табысты оқытуға қол жеткізуге болады.

I. Ұйымдастыру кезеңі

1 минут

Жағымды ахуал қалыптастыру үшін «Шеңбер бойынша сөз тізбегі» ойыны ұсынылады. Бұл ойын қатысушылардың сөздік-мағыналық ойлауын, топтық қарым-қатынасын және сөйлеу мәнерін дамытуға ықпал етеді.

Ойын ережесі

Қарапайым бір сөйлем таңдалады.
Қатысушылар сөйлемді әртүрлі дауыс ырғағымен кезекпен айтады.
Әр адам жаңа интонация қолдануы тиіс: сұраулы, қуанышты, таңданған, немқұрайлы және т.б.
Басқа қатысушының интонациясын қайталауға болмайды.
Егер қатысушы жаңа интонация ұсына алмай, қайталаса — ойыннан шығарылады.

Мысал сөйлем

«Біз құзыретті, кәсіби білімі бар мамандармыз».

II. Білім алу ортасын құру

5 минут

Сабақтың тақырыбымен таныстыру.
Сабақтың мақсатын қатысушылармен бірге нақтылау.
Күтілетін нәтижені анықтау: «Осы коучингтен не күтесіздер? Нені үйреніп қайтасыздар?» сұрақтарына жауапты стикерге жазып, дауыстап оқып, «корзинаға» салу.

Қысқаша түсінік (мини-лекция)

Бұл әдісте қатысушылар өз ойларын немесе шешу жолдарын стикерге жазады. Кейін сол жазбалар негізінде топпен бірге қорытынды жасалады. Модерация шағын топта жүзеге асады және пікір алмасуға, ортақ шешімге келуге бағытталған.

Практикаға арналған тақырып

Талқыланатын мәселе: «Үлгерімі төмен оқушылардың алдын алудың жолдары» (интербелсенді тақтада көрсетіледі).

III. Мағынаны түсіну: модерацияның бірінші кезеңі

5 минут

Бір жағдай туғызу (жетелеуші сұрақ)

«Үлгерімі төмен оқушылардың алдын алудың жолдары бар ма?» — қатысушылардың «иә» деп жауап беруіне бағытталған сұрақ. Одан кейін мәселе мектеп өмірінен алынған нақты мысалдар арқылы елестетіліп беріледі.

Мәселенің өзектілігі

Мектеп өмірінде, әсіресе жас мамандар үшін, ең қиын бағыттардың бірі — үлгерімі төмен оқушылармен жұмыс. «Бес саусақ бірдей емес» дегендей, әр сыныпта кемінде бір үлгерімі төмен оқушы кездесу ықтималдығы жоғары.

Үлгерімі төмен оқушының жалпы сипаттамасы

Ойлау қабілетінің дамуы әлсіз.
Есте сақтау қабілеті төмен.
Өз ойын толық жеткізе алмайды.
Үй тапсырмасын жиі орындамай келеді.
Сабаққа ынта-жігері төмен.
Жаңа материалды баяу меңгереді.
Сабақтан себепсіз көп қалады.

Негізгі бағдар

Оқушылар үлгерімінің төмендеуі — күрделі мәселелердің бірі. Педагог үшін ең маңызды қадам — үлгермеушіліктің себептерін анықтау, содан кейін ғана нақты қолдау тетіктерін ұсыну.

Талқылауға арналған сұрақтар

Мұғалім ретінде үлгерімі төмен оқушылардың алдын алудың қандай жолдарын ұсына аласыздар?
Ұрпақ болашағына үлес қосатын ұстаз ретінде қандай нақты көмек көрсете аламыз?