Сабаққа зейіндерін аударту

Қазақ тілі 3 сынып
Сабақтың тақырыбы: Диктант Сауысқанның белгісі
Сабақтың мақсаты: оқушылардың дыбысты есту қабілеттерін тексеру. Орфография мен орфоэпияның айырмашылықтарын ажырата білу қабілеттерін тексеру.
Міндеттері:
Білімділік: - оқушыларды сөздерді сауатты әрі әдемі жазуға үйрету;
- білімдерін тексеру;
- қос дыбысты әріптердің жазылуын пысықтау.
- қатемен жұмыс жасату;
Дамытушылық: оқушылардың сөздік қорын арттыру,
- дыбыстарды ажырату дағдысын қалыптастыру,
- тыныс белгілерін дұрыс қоя білуге машықтандыру.
Сабақтың түрі: қайталау сабағы
Әдістемелік тәсілдері: мәнерлеп оқу, түсіндіру, бақылау, өзін - өзі тексеру, қатемен жұмыс

Сабақтың жоспары:
Ұйымдастыру кезеңі - 3мин.
Үй тапсырмасын тексеру - 5мин.
Жаңа сабақ - 20мин.
Сабақты бекіту - 5мин.
Үйге тапсырма беру - 3мин.
Қорытындылау - 6мин.
Бағалау - 3мин.

Ұйымдастыру кезеңі:
А) Сәлемдесу.
Ә) Оқушыларды түгендеу.
Б) Сабаққа зейіндерін аударту.
Сабақты Ы. Алтынсариннің Кел, балалар оқылық! өлеңімен бастау.

Сауысқанның белгісі
Орман ішімен түлкі келе жатты. Алаңқайлардан жүгіріп өтеді. Қалың ағаштардың арасынан ептеп жүреді. Бір бұтаға да соқтықпайды. Кенет ол жер бауырлап жата қалды. Балапандарын ертіп бөдене келе жатыр екен. Сол арада сауысқан шық ете қалды. Бөдене мен балапандары пыр етіп ұша жөнелді. Түлкінің әрекеті зая кетті. Бөдене түлкіден құтылып кетті.

Сергіту сәті
Тапсырма. 1. Балапандарын, ағаштардың деген сөздерді құрамына талда, белгіле.
2. Ептеп, зая сөздерін басқаша қалай айтуға болады?
- мұғалім мәтінді бір қайтара оқиды,
- қиын сөздерді талдап, мағынасын түсіндіріп, тақтаға жазылуын көрсетеді,
- мәтінді оқушылар талдайды,
- бір сөйлемнен тексере отырып жазады,
- қайталауға байланысты тапсырмалар орындайды.
Үйге тапсырма: ережелерді қайталау. Бағалау.