Қазақша рефераттар

Айдардың сүйікті спортшысы кім

Сабақ туралы қысқаша мәлімет

Сынып және пән

  • Сынып: 3-сынып (орыс сыныбы)
  • Пән: Қазақ тілі
  • Сабақ түрі: Қайталау сабағы

Сабақтың мақсаты

  • Өткен білімді саралау, пысықтау.
  • Ойлау және сөйлеу қабілеттерін дамыту.
  • Сауатты жазуға дағдыландыру, өз ойын еркін жеткізуге баулу.
  • Ұлттық салт-дәстүрді білуге тәрбиелеу.

I. Ұйымдастыру кезеңі

Қазақстан бүкіл әлемде халқы үш тілді қолданатын жоғары білімді ел ретінде танылуға тиіс: қазақ тілі — мемлекеттік тіл, орыс тілі — ұлтаралық қатынас тілі, ағылшын тілі — жаһандық экономикаға кірігу тілі.

Н. Ә. Назарбаевтың сөзімен айтқанда, сендердің міндеттерің — осы үш тілді жақсы меңгеру. Бүгінгі сабақта қазақ тілін қаншалықты меңгергенімізді, білім деңгейімізді ортаға саламыз.

Маусым және Наурыз туралы әңгіме

Сұрақтар

  • Қазір жылдың қай мезгілі?
  • Көктемде қандай айлар бар?
  • Наурызда қандай мереке бар?

Дұрыс: Наурыз мейрамы келе жатыр.

Наурыз мәні

22 наурыз күні күн мен түн теңеліп, күн ұзара бастайды. Бұл — халықтың қыстың ауыртпалығынан аман шығып, мал-жанын сақтап қалғанын білдіретін ерекше күн. Сондықтан ертедегі түркі тектес халықтар бұл күнді жаңа жылдың басы деп қарсы алған.

Ежелгі атауы «ұлы іс» деп айтылып, келе-келе «ұлыс» сөзіне айналғандықтан, мейрамды «Ұлыстың ұлы күні» деп те атайды.

Мерекеге арнайы дайындалып, Наурыз көже пісіреді, қазақы киім киеді. Киімдердегі ою-өрнектер әріптерге ұқсап келеді.

Көркем жазу

Ою-өрнектерге қарап, әріптерді еске түсіреміз. Бүгін «О» әрпін көркем жазамыз.

Жазып отырып, «О» әрпінен басталатын сөздер ойла: орамал, орындық, орман.

Ұлттық ойындар арқылы қайталау

«Бәйге»

Бәйге — ұлттық спорт ойындарының бір түрі. Ат спортының бұл түрі түркі тектес халықтарда да кездеседі: өзбектерде — «пайга», қырғыздарда — «чабыш».

Өткен сабақтағы «спорт» модулін еске түсірейік: спорт сөзіне байланысты сөздер жазыңдар.

«Жамбы ату» (сұрақтар)

  1. ҚР Президенті кім?
  2. Спорт түрлерін ата.
  3. Дыбыстар нешеге бөлінеді?
  4. ҚР-ның мемлекеттік тілі қандай?
  5. Қазақстанның әйгілі спортшыларын ата.
  6. Қазақтың ұлттық ойындарын ата.
  7. Бір жылда неше ай бар?
  8. Бір айда неше апта бар?
  9. Бір аптада неше күн бар?
  10. Қазақ тілі сабағы аптасына неше рет болады?
  11. Сыныпта неше оқушы бар (ұл, қыз)?
  12. Сыныпта неше парта бар?
  13. Мен кіммін?
  14. «Не?» сұрағына жауап беретін сөздер қандай?
  15. «Кім?» сұрағына жауап беретін сөздер қандай?
  16. Алма қандай?
  17. Көктем айларын ата.
  18. Мектебің қай көшеде орналасқан?
  19. VII қысқы Азияда ойындары қайда өтті?
  20. Биылғы қысқы Олимпиада Ресейдің қай қаласында өтті?

«Қыз қуу» (жұптастыр)

Жұппен жұмыс: сөз тіркестерін сәйкестендір.

  • Тау шаңғысы
  • Мәнерлеп қуу
  • Суға жаттығу
  • Ұлттық шаңғысы
  • Футбол залы
  • Жаттығу жүзу
  • Таңертеңгілік ойындар
  • Қыз маусымы

Аудармасын сұра: тау шаңғысы, ұлттық ойындар, футбол маусымы, ептілік, күшті.

«Теңге алу» (сөйлемді толықтыр)

Сөйлемдерде кейбір сөздер түсіп қалған. Көмекші сөздерді қолданып, сөйлемді аяқта.

3-тапсырма

  1. Бос уақытымда мен …
  2. Маған … ұнайды.
  3. Кейде … барамын.
  4. Мен … айналысамын.
  5. Мен … жақсы көремін.

Көмекші сөздер

  • сурет салғанды
  • кітап оқимын
  • киноға
  • футбол
  • бокспен

«Көкпар» — мәтінмен жұмыс

Оқылым. Айтылым. «Менің арманым»

Менің атым — Айдар. Мен төртінші сыныпта оқимын. Бос уақытымда спортпен шұғылданамын. Біз досым екеуміз бокс үйірмесіне қатысамыз. Менің сүйікті спортшым — Серік Сәпиев. Ол — қарағандылық боксшы. Мен де өскенде атақты боксшы болуды армандаймын.

Слайдта: мәтін оқылады, аударылады; кейін мәтін бойынша сұрақтарға жауап беріледі.

Мәтін бойынша сұрақ-жауап

  1. 1) Айдар нешінші сыныпта оқиды?

    Айдар төртінші сыныпта оқиды.

  2. 2) Ол бос уақытында не істейді?

    Ол бос уақытында спортпен шұғылданады.

  3. 3) Айдар кіммен бірге бокс үйірмесіне қатысады?

    Айдар досымен бірге бокс үйірмесіне қатысады.

  4. 4) Айдардың сүйікті спортшысы кім?

    Айдардың сүйікті спортшысы — Серік Сәпиев.

  5. 5) Айдардың арманы қандай?

    Айдардың арманы — атақты боксшы болу.

Сергіту сәті

Қысқа сергіту жаттығулары.

«Аударыспақ» — жазылым тапсырмасы

5-тапсырма

Сөйлемдерді қазақ тіліне аударып жаз. Жіктік жалғауларын белгіле.

  1. 1) Я спортпен айналысқанды люблю.
  2. 2) Сен два раза в неделю жаттығу залына барасың.
  3. 3) Мы досым екеуміз футболиспіз.
  4. 4) Вы спорттың қай түрімен занимаетесь?

Қосымша жұмыс

  • «Шаңғы» сөзін жікте.
  • «Ептілік» сөзіне дыбыстық талдау жаса.