Сөйлемді жалғастыр жаттығуы

Сабақтың тақырыбы: Алақай, мен 5 - сыныпта оқимын!
5 - сынып оқушыларына арналған тренинг сабақ
Сабақтың мақсаты:
5 - сынып оқушыларына орта буында (орта мектепте) оқу жағдайына бейімделу кезеңінде психо - педагогикалық қолдау көрсету.
Сабақтың міндеті:
 5 - сынып оқушысының жаңа әлеуметтік статусы туралы түсінігін дамыту;
 Өзінің мүмкіндіктеріне және жетістіктерге ұмтылуға деген дұрыс қатынас қалыптастыру;
 Басқалармен тату өмір сүрудің қажеттілігін және өзара түсіністіктің маңызды екендігін түсіндіру;
Қажетті құралдар: дәптер, қалам, карандаш, жұмсақ ойыншық немесе доп.

Жұмыс жоспары:
1. Танысу. Өзіңді мақта! жаттығуы.
2. Жаттығу Орнымызды ауыстырамыз .
3. Топтық ереже қабылдау.
4. Ой қозғау . Сөйлемді жалғастыр жаттығуы.
5. Мен кіммін? Мен қандаймын? жаттығуы.
6. Жаттығу Мен үшін не маңызды? .
7. Дос іздеймін жаттығуы.
8. Кері байланыс. Қорытындылау.
9. Үйге тапсырма.

1. Танысу. Өзіңді мақта! жаттығуы.
Қазір біздер балалар, шеңберге тұрамыз. Сіздермен өте қызықты жаттығу орындаймыз. Атауы да ерекше – Өзіңді мақта! . Өзімізді мақтауға бізге сиқырлы доп көмектеседі. Әрбір оқушы қолына сиқырлы допты алғаннан кейін өзін мақтауы керек. Сіздерден ұялмауларыңызды сұраймын. Ендеше, ойынды өзімнен бастайын. Мен өзімді ақылдымын және мейірімдімін деп мақтағым келеді, себебі мен әрқашан өзімнің оқушыларыма және олардың ата - аналарына, сонымен бірге басқа да адамдарға көмектесемін . Осылай допты келесі адамға береді. Бұл жаттығу оқушыларда өзіне деген сенімділікті және батылдықты дамытады.

2. Жаттығу. Орнымызды ауыстырамыз .
Бұл ойын кішкене қимылдауға, көңіл - күйді көтеруге, сонымен қатар бір - бірі туралы қосымша ақпарат алуға мүмкіндік береді. Бір орындық алынып тасталады да, жүргізуші босаған орынға отырып алу үшін келесідей тапсырма береді: кімнің достары көп, алмұртты жақсы көретіндер, оқуды жақсы көретіндер, домбыра тарта алатындар, балмұздақты жақсы көретіндер, ата - анасына көмектесетіндер және т. б. орындарын ауыстырсын .

3. Топтық ереже қабылдау.
Жүргізуші таныстықтан кейін топтық ереже қабылдауды ұсынады, егер қатысушылар ережемен келіскен болса қолдарын шапалақтайды, егер келіспесе – аяқтарымен жерді тысырлатады.
 Ашық әңгімелесу
 Белсенді болу және әзілдесе білу
 бағаламау
 сөзді бөлмеу
 көп қатынасу

4. Ой қозғау . Сөйлемді жалғастыр жаттығуы.
Оқушыларға сөйлемді жалғастыру тапсырылады. Жазбаша орындау керек.
Бастауыш мектепте маған бәрінен де есте қалғаны...
5 - сыныпта мен (менің).... келеді .
Оқушыларға 5 - сыныпқа келгенде олардың өмірінде қандай өзгерістердің, жаңалықтардың болғандығы туралы әңгімелеу ұсынылады.
• 5 - сыныпта қандай қиындықтар болды?
• Келіспеушіліктер туындаған сәттер болды ма?
• Қандай қызықты оқиғалар болды?

5. Мен кіммін? Мен қандаймын? жаттығуы.
Оқушыларға сөйлемді жалғастыру тапсырылады. Жазбаша орындау керек.
 Менің ойымша, мен... .
 Басқалар мені... ойлайды .
 Мен... болғым келеді .
Әрбір сөйлемге 5 - 6 сөзден жазуға болады.
Сөздер тізімі:
Ұқыпты, белсенді, қонақжай, тәртіпті, білімді, жауапты, еңбекқор, кешірімді, таза, шыдамды, батыл, сенімді, қарапайым, мәдениетті, қамқор, мейірімді, сабырлы, жылы жүзді, адал, сыпайы, білімге құштар, кеңпейіл,... т. б.
Оқушылардың жауаптары тыңдалады. Оқушылардың көпшілігіне ортақ, сәйкес келгендері саналады.

6. Жаттығу Мен үшін не маңызды?
Балалар ата - аналарымен бірге демалысты елсіз аралда өткізуге көп уақытқа кетіп бара жатырмыз деп ойлауы керек. Ата - аналары балаларына өздерімен бірге чемодан және онда салатын өздеріне ең маңызды деген тек үш нәрсені ғана алуға рұқсат береді. Сіз не алып кетер едіңіз? Сол нәрселерді қағазға жазыңыздар. Әрі қарай балалар тізімді оқып және осы үш нәрсені не үшін таңдап алғандықтарын әңгімелеп беруі керек.
Педагог - психолог: Бокушева А. Н.
Алақай, мен 5 - сыныпта оқимын! жүктеу



Ұқсас жұмыстар

«Ойын–технологиясы негізінде қолайлы орта туғызу – баланы субъект ретінде дамыту шарты»
1- сынып оқушыларының мектепте оқуға бейімделуі
Баланың логикалық ойлау қабілетін дамыту жолдары
Балабақшада сауат-ашуды түсіндірудің әдістері
Пандемияның бастауыш мектеп жасындағы балаларға әсерін теориялық зерттеу
Мектеп жасындағы балалардың ойлауын дамытуда дидактикалық ойындарды қолдану әдістемесі
ИНКЛЮЗИВТІ ОҚУШЫЛАРҒА АРНАЛҒАН ПСИХОЛОГИЯЛЫҚ ОЙЫНДАР
Тіл мүкістігі бар балалар
Мектепке дейінгі баланың зияткерлік дамуында «Ата-ана – бала- педагог» байланысының атқаратын ролі
Мүмкіндігі шектеулі балалармен жүргізілетін түзету және дамыту жаттығулары
Бастауыш сыныпта сөйлемді оқыту жолдары
“Мүсін” жаттығуы
Мектептің 7 - сыныбын бітірген соң жұмыс істеп жүріп оқуын ФЗО (фабрика - зауыт оқуы) қабырғасында жалғастырды
Ата салтым - асыл мұрам, ардағым, Бабалардың жалғастырар арманын
Марғасқа жырау (туған және өлген жылдары белгісіз) (XVII ғ. ) - ақын, жауынгерлік рухтағы жырларды шығарушы, қазақ поэзиясындағы көне дәстүрді жалғастырушы
Аранций өзегі - бауырдағы қақпалық вена мен артқы (адамда - төменгі) қуыс венаны жалғастырып тұратын веналық (көктамырлық) өзек
Шәкәрім атамның өлеңін жалғастырсам
Директор мырза сөзін жалғастырып
Жайылма сөйлемді көрсетініз
Бірыңғай толықтауыш қатысқан сөйлемді табыныз