Қазақша рефераттар

Бірінші шартым

Сабақ туралы қысқаша мәлімет

Білім саласы
«Әлеуметтік орта»
Ұйымдастырылған оқу іс-әрекеті
Айналамен таныстыру
Тақырыбы
«Құстарға жем береміз»

Мақсаты

Балаларға құстар туралы жалпы мағлұмат беру, табиғатқа сүйіспеншілігін арттыру, әсемдік пен әдемілікті көре білуге баулу және табиғатты қорғап, аялауға үйрету.

  • Балалардың бойында жанашырлық пен қамқорлық қасиеттерін қалыптастыру.
  • Құстарды жүйелі түрде қосымша қоректендірудің маңызын түсіндіру.
  • Құстар туралы түсінігін кеңейтіп, ой-өрісін дамыту.
  • Қабылдау процестерін, көрнекі-бейнелі және тілдік ойлау элементтерін дамыту.
  • Қоршаған ортаға қамқорлық танытып, өзара әрекетке (сөйлеуге) қызығушылығын арттыру.

Сабақтың барысы

1) Кіріспе әңгіме

Тәрбиеші: Балалар, сендер балабақшаға қай уақытта келесіңдер?
Балалар: Таңертең келеміз.

Таң атты, күн шықты. Ендеше, бір-бірімізбен жылы амандасайық.

2) «Қайырлы таң!» жаттығуы

Барлығы бірге: «Қайырлы таң, көздерім!»

Барлығы бірге: «Қайырлы таң, құлақтарым!»

Барлығы бірге: «Қайырлы таң, қолдарым!»

Барлығы бірге: «Қайырлы таң, аяқтарым!»

Тәрбиеші: Ояндыңдар ма?
Балалар: Иә, біз ояндық!

  • Көздерім көріп тұр.
  • Құлақтарым естіп тұр.
  • Қолдарым қол соқты.
  • Аяқтарым топылдады.

3) Жыл мезгілі және құстар

Тәрбиеші: Қазір жылдың қай мезгілі?
Балалар: Көктем.
Тәрбиеші: Көктемде бізге нелер ұшып келеді?
Балалар: Құстар.

4) «Сиқырлы баққа» саяхат

Тәрбиеші: Сендер сиқырлы баққа барғыларың келе ме?
Балалар: Иә, барғымыз келеді.

Тәрбиеші: Қолымдағы сиқырлы таяқша бар. Мен таяқшамды сермесем, біз сиқырлы бақта боламыз.

Тәрбиеші: Қандай керемет бақ! Балалар, сендерге ұнай ма? Бақта нелер өсіп тұр?

Көрініс

Әуен ойнап, баққа тауыс құсы ұшып келеді. Айнала жарықтанып кеткендей әсер береді.

5) Тауыс құсының шарттары: құстарды тану және қамқорлық

Тауыс құсы: Өз бағыма қонайын деп ұшып келсем, балалар да келіп қалыпты. Менің шарттарым бар: орындасаңдар, қонақ етемін әрі сыйлығым да болады.

1-шарт: Қандай құстарды білесіңдер?

Балалар: Торғай, қарлығаш, қарға, сауысқан.

Тәрбиеші: Дұрыс. Құстарды шартты түрде екі топқа бөлуге болады. Сендердің атағандарың — дала құстары. Ал үйлеріңде қандай құс бар?
Балалар: Тауық.

Тәрбиеші: Тауыққа қандай күтім жасайсыңдар?
Балалар: Су береміз, жем береміз.

Тақпақ

Шыр-шыр еткен торғайды

Қорғамасақ болмайды.

Кіп-кішкентай торғайлар

Ағаштарды қорғайды.

2-шарт: Бақ одан әрі әсем болсын деп, бірнеше құс ала келдім. Осы құстарға қалай қамқорлық жасар едіңдер?

Тәрбиеші: Мынау — көгершін. Оны «бейбітшілік құсы» деп те атайды. Ол еркіндікті жақсы көреді.

Тәрбиеші: Құстар аш болмас үшін не береміз?
Балалар: Жем береміз.

Тәрбиеші: Шөлдемес үшін не береміз?
Балалар: Су береміз.

Балалардың жұмысы

Балалар құстарға жем мен су дайындап, қамқорлық жасау әрекеттерін орындайды.

6) Сергіту сәті: «Ұшты — ұшты» ойыны

Тәрбиеші: Осындай ғажайып бақта тауыс құсымен бірге ойын ойнағыларың келе ме?
Балалар: Иә.

Барлығы бірге: «Ұшты — ұшты» ойынын ойнайық.

7) Қорытынды және сыйлық

Тауыс құсы: Құстарға жасаған қамқорлықтарың ұнады, ойындарың да жақсы болды. Сендерге мына құстарды естелікке беремін.

Тәрбиеші: Ендеше, балабақшаға қайтатын уақыт келді. Сау болыңыздар!