Қазақша рефераттар

Жедел сұрақ

Сабақ туралы мәлімет

Пән мұғалімі

География пәні мұғалімі — Сәуле

Сабақтың тақырыбы

«Тапқыр достар» интеллектуалдық-экологиялық сайыс

Сабақтың түрі мен әдісі

Әдісі
Топтық жұмыс
Типі
Сыныптан тыс сайыс-сабақ

Сабақтың мақсаты

Оқушылардың қоршаған ортаның сапасы мен ластануы туралы білімін тереңдету, экологиялық сауаттылығын арттыру және табиғатқа жауапкершілікпен қарау мәдениетін қалыптастыру.

Білімділік

  • Қоршаған ортаның сапасы мен ластануы ұғымдарын түсіндіру.
  • Сыртқы орта факторларының өзара байланысын, соның ішінде «адам – қоғам – табиғат» бірлігін ұғындыру.
  • Ұжымда жұмыс істеу, тыңдай білу, өз көзқарасын дәлелдеп қорғау дағдыларын дамыту.

Тәрбиелік

  • Экология курсынан алған білімді өмірлік жағдайларда қолдануға үйрету.
  • Жалпыадамзаттық және ұлттық құндылықтарды қатар меңгерген, өзіндік пікірі бар тұлға қалыптастыру.
  • Отанын сүйетін, табиғатты аялауға бейім азаматтық ұстанымды нығайту.

Дамытушылық

  • Қосымша материалдар арқылы сабаққа қызығушылық пен белсенділікті арттыру.
  • Ойлау қабілетін, логикалық пайымдауды және шешім қабылдауды дамыту.
  • Қоршаған ортаның сапасын жақсарту жолдарын қарастыру; тірі табиғатпен ізгілікті қарым-қатынасты қалыптастыру.

Көрнекіліктер мен ресурстар

Слайд-шоу

Мақал-мәтелдер

Қазақстанның физикалық картасы

Табиғатты аялауға шақыратын өлеңдер

Видеоролик

Кіріспе: экологиялық ұстаным және жауапкершілік

Экологиялық тәрбиеге мемлекеттік деңгейде ерекше мән беріледі. Бұл бағыттағы ұстанымдар еліміздің ұзақ мерзімді даму құжаттарында айқын көрініс тапқан.

Экологиялық ұғымдарды күнделікті өмірмен байланыстырып отыру — ұстаз бен тәрбиешінің ғана емес, отбасындағы ата-ананың да маңызды міндеті. Өнегелі әрекет арқылы бала табиғатқа жанашыр көзқарасты бойына сіңіреді.

Жүргізуші сөзі

Жер-ана адамдарды көмекке шақырады!
Ей, замандас! Ең алдымен досыңды ұқ!
Досың — жер, су, ауа, өсімдік.
Ала жүріп осылардың сыйлығын,
Осыларды қорлау деген не сұмдық?!

Жер ешкімге жазбайды деп арыз да,
Барын сарқып ала беру парыз ба?
Жоқ, замандас! Әр ұрпаққа туған жер —
Не берсе де, беретіні қарызға!

Хамит Ерғалиев

Сайыс форматы

Қатысушылар

Сайысқа 9–10-сынып оқушыларынан екі топ қатысады:

  • «Жасыл ел»
  • «Жас эколог»

Бағалау балдық жүйе бойынша жүргізіледі.

7 кезең

  1. 1.Таныстыру
  2. 2.Жедел сұрақ
  3. 3.Ойлан тап
  4. 4.Сен білесің бе?
  5. 5.Ойлы болсаң, шешіп көр
  6. 6.Сөз тапқанға...
  7. 7.Өнерпаз болсаң

I кезең: «Таныстыру»

Әр топ өз атауын, белгісін және ұранын таныстырып, қорғайды (5 ұпай). Сонымен қатар топ басшылары жеке сынға түседі.

Тапсырма: мақалдың жалғасын табу

Әр басшыға 1 минут ішінде 5 сұрақ қойылады. Әр дұрыс жауап 1 ұпай.

1-топ: «Жасыл ел»

  • 1. Бір тал кессең, он тал ек.

  • 2. Бұлақ көрсең көзін аш, құдық көрсең шегенде.

  • 3. Тау бұлағымен көрікті, бұлақ құрағымен көрікті.

  • 4. Сулы жер — нулы жер.

  • 5. Арманымен ер сұлу, орманымен жер сұлу.

2-топ: «Жас эколог»

  • 1. Орман — ел дәулеті, жер сәулеті.

  • 2. Атаңнан мал қалғанша, тал қалсын.

  • 3. Сулы жер құрақсыз болмас, тау бұлақсыз болмас.

  • 4. Ер — елдің көркі, орман-тоғай — жердің көркі.

  • 5. Дала көркі — мал, өзен көркі — тал.