Барлық теріге арналған алма шырынынан жасалған маска

Бет терісін маусымға қарай күту: үй жағдайындағы табиғи маскалар

Жылдың қай мезгілі болмасын, бет терісі ерекше күтімді қажет етеді. Арнайы косметикалық өнімдермен қатар, үй жағдайындағы күтім де теріге өз пайдасын тигізеді. Табиғи өнімдерден дайындалған маскалар бет терісін тазартуға, нәрлендіруге және ылғалдандыруға көмектеседі.

Тері түрлері

Бет терісі әдетте төрт түрге бөлінеді: құрғақ, майлы, біріктірілген және қалыпты.

Үй жағдайында тері түрін қалай анықтауға болады?

1
Бетіңізді тазартқыш құралмен жуып, теріні толықтай тазартыңыз.
2
3 сағат күтіңіз (ештеңе жақпай-ақ қойыңыз).
3
Екі қағаз майлық алыңыз: бірін маңдайға, екіншісін бетке (щека аймағына) 15 секунд басып тұрыңыз.

Қалыпты тері

Екі майлықта да май дағы анық байқалса.

Құрғақ тері

Май дағы өте әлсіз байқалса немесе мүлде байқалмаса.

Майлы тері

Екі майлыққа да май көп мөлшерде сіңсе.

Біріктірілген тері

Май дағы бір майлықта екіншісіне қарағанда көбірек байқалса.

Теріңіздің ерекшелігін анықтағаннан кейін ғана косметикалық өнімдер мен маскаларды соған сай таңдаған дұрыс. Бұл — нәтижеге әсер ететін ең маңызды қадамдардың бірі.

Алмадан жасалатын маскалар: тазарту, нәрлендіру, сергіту

Алма — дәруменге бай табиғи өнім. Одан жасалатын маскалар теріні күтуде әсіресе пайдалы: реңін жақсартып, жұмсартып, ылғал теңгерімін сақтауға көмектеседі.

Дәруменді маска

Алманы үккіштен өткізіп ұсақтаңыз.
Бетке жағып, 20 минут ұстаңыз.
Салқын сумен жуыңыз.

Ескерту: теріңіз құрғақ болса, алдын ала жеңіл крем жаққан жөн.

Тазартқыш маска

Үккіштен өткен алмаға жұмыртқаның сарысын қосыңыз.
Қоспаны бетке жағып, 20 минут ұстаңыз.
Жылы сумен жуыңыз.

Нәрлендіретін маска

Алма мен сәбізді үккіштен өткізіңіз.
Бетке жағып, 20 минут ұстаңыз.
Салқын сумен жуыңыз.

Жұмсартатын маска

Алманың жартысын және аздаған асқабақты езгішпен ұсақтаңыз.
1 ас қасық бал, 1 ас қасық сүт және аздап лимон шырынын қосып араластырыңыз.
Масканы бетте 20 минут ұстаңыз.
Жылы сумен шайыңыз.

Сергіткіш маска

Үккіштен өткен алманы ыстық сүтке араластырыңыз.
Қоспаның бетін жауып, 30 минут тұндырыңыз.
Дайын болған масканы бетке жағып, тағы 30 минут ұстаңыз.
Жылы сумен жуыңыз.

Барлық теріге арналған: алма шырыны маскасы

Алманы шырынсыққышпен сығыңыз немесе жіңішке үккіштен өткізіп, шырынын бөліп алыңыз.
Шырынды мақтаға не дәкеге сіңіріп, бетке қойыңыз.
20 минуттан соң салқын сумен жуыңыз.

Маусымдық нұсқалар

Қысқа арналған маска

Сұлы ұнына үгілген алманың шырыны мен аздаған сүт қосып араластырыңыз.
Қоспаны бетке жағып, 30 минут ұстаңыз.
Жылы сумен тазартыңыз.

Жазға арналған маска

Үккіштен өткен алмаға 2 шай қасық бал қосып, жақсылап араластырыңыз.
Масканы бетте 20 минут ұстаңыз.
Жылы сумен жуып тастаңыз.

Қысқа кеңес

Масканы қолданар алдында білектің ішкі жағына аздап жағып, аллергиялық реакция жоқтығына көз жеткізіңіз. Масканы көрсетілген уақыттан артық ұстау теріні тітіркендіруі мүмкін.