Қазақша рефераттар

Шығармашылық тапсырмалар

Ана тілі · 4-сынып Сабақ жоспары Диалогтік оқыту · Топтық жұмыс

Сабақтың тақырыбы

Джанни Родари: «Ғажайып жаңбыр», «Шоколадтан салынған жол»

Дереккөздер: оқулық, слайдтар (АКТ).

Жалпы мақсат

  • Топтық әрекетте диалогтік тәсілді қолдану арқылы мәтіннің мазмұнын ашу.
  • Ой-өрісті, сөйлеу дағдыларын дамыту.
  • Мәтінді өз бетінше түсініп, сұрақ қоя білу; өз көзқарасын айту және қорғау дағдыларын жетілдіру.

Оқыту нәтижелері

1) Сұрақ қояды, жауапты ойластырады

Мәтін мазмұнына сай сұрақтар құрастырып, ойланып жауап беруге дағдыланады.

2) Пікірін қорғайды

Өз көзқарасын білдіріп, дәлелдей алады.

3) Өзін-өзі бағалайды

Критерий негізінде өзін бағалауға үйренеді.

Негізгі идея

Оқушылардың ойлау және сөйлеу қабілеттерін дамыту; мәтінмен жұмыс барысында диалог, дәлел және шығармашылықты ұштастыру.

Тапсырмалар құрылымы

Негізгі тапсырмалар

  1. 1Ассоциация құру.
  2. 2Топтық тапсырмалар.
  3. 3Шығармашылық тапсырмалар.

Кейінгі тапсырма

Оқулықпен жұмыс: ертегіні оқу, мазмұнын айту және мәтін соңындағы шығармашылық тапсырманы орындау.

Әдіс-тәсілдер

Сын тұрғысынан ойлау (СТО) Топтық жұмыс Ойын әдісі Диалог Сұрақ-жауап Шығармашылық жұмыс АКТ Өзін-өзі бағалау

Сабақ барысы

I. Ұйымдастыру

Психологиялық ахуал

Күлімдеп күн бүгін, қарады маған да.

Күлімдеп күн бүгін, қарады саған да.

Күлімдеп күн бүгін, қарады баршаға.

Топқа бөлу

Түстер бойынша 3 топқа бөлінеді.

II. Үй тапсырмасын тексеру

Тапсырма

  • Мәтін мазмұнын айту.
  • «Жұлдызды сәт» ойыны арқылы тақырып бойынша сұрақ-жауап.

Үлгі сұрақтар (қысқаша жауаптарымен)

Бір апта өткен соң қайда келіп жетті?
Италияға.
Қай теңізде шомылды?
Жерорта теңізінде.
Неліктен балықтың аузына әдейі кіруге тырысты?
Айырдай тісіне ілікпеу үшін.
Өзін қандаймын деп санады?
Ақылдымын деп санады.
Балықтың іші қандай болды?
Тастай қараңғы.
Оқиға кімнің басынан өтті?
Мюнхаузеннің.

III. Жаңа сабаққа дайындық (қызығушылықты ояту)

1) Сөзжұмбақ

Сұрақтар арқылы автордың аты-жөнін анықтау және өткен мәтіндер бойынша ұғымдарды еске түсіру.

  • «Артиллерист», «зеңбірек», «қайық» сөздері қай мәтінде кездеседі? — «Акула».
  • Кемені суда ұстап тұратын тетік — зәкір.
  • «Ісініп» сөзінің баламасы — домбығып.

2) Автор туралы мәлімет

Джанни Родари туралы қысқаша ақпарат слайд арқылы ұсынылады.

3) Елтанымдық байланыс

Италия және оның қалалары туралы қысқаша мәлімет слайд арқылы беріледі.

IV. Ой қозғау (топтық сұрақтар)

1-топ

  • «Ғажайып жаңбыр» қандай болады?
  • Егер ғажайып жаңбыр жауса, сен не істер едің?

2-топ

  • Жол неден салынады?
  • Егер жол шоколадтан салынса, сен не істер едің?

3-топ

  • Ойлан: жол шоколадтан басқа тағы неден салынуы мүмкін?

V. Топпен жұмыс (ассоциация және шығармашылық)

1-топ

«Жаңбыр» сөзіне ассоциация құрады.

2-топ

«Жол» сөзіне ассоциация құрады.

3-топ (шығармашылық)

«Жаңбыр» тақырыбына 5 жолды өлең құрастырады.

Әр топтан бір оқушы шығып, жұмысты қорғайды.

VI. Мағынаны тану (мәтінмен жұмыс)

1) «Оқы, оқығанды көңілге тоқы!»

Оқушылар мәтінді өз бетінше оқып, жұппен немесе топ ішінде бір-біріне түсіндіреді.

1-топ

«Ғажайып жаңбыр» мәтінін оқып, түсіндіреді.

2-топ

«Шоколадтан салынған жол» мәтінін оқып, түсіндіреді.

3-топ

«Жаңбыр», «жол» тақырыбында мақал-мәтел жазады немесе 5 жолды өлең құрастырады.

2) Қорғау

Әр топтан бір оқушы мәтін мазмұнын қысқаша әңгімелейді.

3) Талдау сұрақтары

  • Джанни Родари шығармалары қандай жанрға жатады?
  • Осы мәтіндердің негізгі ойы қандай?

VII. Сергіту сәті

«Ұзын мұртты құмырсқа...» қимыл-қозғалысқа негізделген сергіту жаттығулары орындалады.

VIII. Қорытынды

Көңіл күйді бағалау

Смайликтер арқылы белгілеу: көңілді, көңілсіз, ойлануда.

Рефлексия сұрақтары

  • Сабақ неліктен жақсы өтті?
  • Неліктен жақсы өтпеді?

IX. Үй тапсырмасы

  1. 1 Ертегіні оқу және мазмұнын айту.
  2. 2 Мәтін соңындағы шығармашылық тапсырманы орындау.

X. БББ кестесі (уақыт болса)

Білемін

Сабаққа дейінгі білім.

Білдім

Сабақтан кейін меңгергенім.

Білгім келеді

Келесіде зерттегім келетіні.

XI. Бағалау

Өзін-өзі бағалау

Бағалау парағы және критерийлер бойынша оқушылар өз жұмыстарын бағалайды.

Топ басшысының қорытындысы

Топ басшысы бағалау нәтижесіне қысқаша сараптама жасап, топтың ортақ шешімін жариялайды.