Ата анаңды қалай жақсы көресің

Сабақ-іс-шара

«Ең алғыр, ең талантты ана мен бала»

Бұл сайыс қазіргі заман талабына сай жанұядағы ата-ана мен баланың қарым-қатынасын адамгершілік тұрғыда нығайтуға, ата-ана рөлін айқындауға және жас ұрпақты ата-баба дәстүрімен тәрбиелеуге бағытталған.

Негізгі мақсат

Ата-ана мен баланың өзара сыйластығын, қамқорлығын, әдептілік мәдениетін дамыту.

Тәрбиелік өзек

Ұлттық салт-дәстүр мен әдет-ғұрып арқылы ізетті, инабатты тұлға қалыптастыру.

Байланыс

Мектеп пен ата-ана ынтымақтастығын күшейту, ортақ құндылықтарды бекіту.

Кіріспе сөз

Мұғалім: «Сәлеметсіздер ме, құрметті аналар, оқушылар, ұстаздар! Епті, ұйымшыл, алғыр, шапшаң жанұяны анықтайтын “Ең алғыр, ең талантты ана мен бала” атты сайысымызға қош келдіңіздер!»

Қазақ халқы жас ұрпақты тәрбиелеудің маңызын ертеден түсінген. Бала — өмірдің жалғасы, халықтың мұрагері. Кең даламызда көшпелі тіршілік кешсе де, халқымыз ұрпақ тәрбиесіне қатысты салт-дәстүрі мен әдет-ғұрпын қалыптастырған. Әже мен ана тәрбиесінің бала өміріндегі орны ерекше. Осындай тәлім алған бала болашақта ізетті, инабатты азамат болып өседі.

Шақыру жыры

Өнердің нәр береді шапағаты,

Әркімнің өнерге бар махаббаты.

Талпынып сайыскерлер шықты, кәне,

Көрермен қошеметтеп қол соғады.

Сайыскерлер

1

Қиятов Оралбек

Анасы: Ізтлеуова Ардақ
2

Елубай Саят

Анасы: Тлеубергенова Құлпынай

Жылы тілек рәсімі

Аналар мен балалар ортаға шақырылады. Барлығы шеңберге тұрып, гүл арқылы бір-біріне ізгі тілектер айтады. Тақтадағы жұлдызшада сайыскерлердің реттік нөмірлері белгіленіп, әрқайсысы өз нөмірін таңдайды.

Сайыс кезеңдері

1) Таныстыру

Ана мен бала өздерін таныстырады, отбасылық ерекшеліктерін айтады.
2) Сұрақ-жауап

Анаға және балаға арналған сұрақтар арқылы ойлау, жауап беру мәдениеті бағаланады.
3) Өз өнерін көрсету

Ән, би, көрініс, мәнерлеп оқу секілді шығармашылық қабілеттер таныстырылады.
4) «Біздің жанұя» (сурет салу)

Топ болып плакатқа жанұя суретін салып, балалар мазмұнын түсіндіреді.
5) «Маған қымбат жандар» (эссе)

Оқушылар үйден жазып келген шығармаларын оқып, отбасы құндылықтарын жеткізеді.

Әділқазылар алқасы

Сайыс болған соң, әділ бағасын беретін әділқазылар алқасы анықталады (аты-жөні іс-шарада толықтырылады).

Аты-жөні

1-кезең: Таныстыру

Ана мен бала келді ортамызға,

Сыпырды томағасын осы дұға.

Қызып келген қырандай керілтеді,

Әдеппенен, ізетпенен танысуға.

Әр ана мен бала ортаға шығып, өздерін таныстырады.

2-кезең: Сұрақ-жауап

Әділқазылар алқасының алдында әр түрлі түсті қорапшалар тұрады. Қорапшалардың ішінде сайысқа арналған сұрақтар берілген. Реттік нөмір бойынша келіп, ұнаған түсті қорапшаны таңдайды.

Ереже

Әр қорапшада 2 сұрақ: біреуі анаға, біреуі балаға.
Ойлануға 1 минут уақыт беріледі.

Сұрақтар 1

Анаға

Балаңыздың сүйікті ертегісінен рөлге еніп, қысқаша үзінді айтып беріңіз.

Балаға

Анаң саған қандай тағамдар пісіреді?

Сұрақтар 2

Анаға

Балаңыз сіздің рұқсатыңызсыз ұялы телефоныңызды мектепке алып кетсе, кешке қандай шара қолданасыз?

Балаға

«Бауырсақ» ертегісінде Бауырсақ кімдерден қашып кетеді?

Сұрақтар 3

Анаға

Балаңыз жинаған заттарыңызды жиі шашып тастаса, қалай әрекет етесіз?

Балаға

Ата-анаңды қалай жақсы көретініңді айтып бер.

Сұрақтар 4

Анаға

Үйде қонақтар отырғанда балаңыз қайта-қайта келіп мазаласа, не істейсіз?

Балаға

Өскенде кім болғың келеді?

Сұрақтар 5

Анаға

Балаңыз сізді тыңдамай қойған кезде қандай тәсіл қолданасыз?

Балаға

Анаң сені қалай еркелетеді?

Сұрақтар 6

Анаға

Балаңызды еркелеткен сәтіңізді көрсетіңіз (шағын көрініс).

Балаға

Достарыңа қандай тілек айтасың?

Қосымша ойын

Аналар өз балаларын басқа балалардың арасынан тауып алуы керек.

3-кезең: Өз өнерін көрсету

Жарайсыңдар, өрендерім — бәрің де,

Асып бір төселсінші өнерің де.

Ырза болып, біздер ғана көрелік,

Тамашалап сайыскерлер өнерін де.

4-кезең: «Біздің жанұя» (сурет салу)

Әр топ плакатқа өз жанұясының суретін салады. Балалар салған суретін таныстырып, мазмұнын түсіндіреді.

5-кезең: «Маған қымбат жандар» (эссе)

Оқушылардың үйден жазып келген шығармаларын тыңдап, ой бөлісеміз.

Қорытынды бөлім

Сайыс аяқталғаннан кейін әділқазылар ұпайды есептегенше, барлық сайыскерлер ортаға шақырылады. «Қара жорға» биі орындалады.

Өлең жолдары (А. Шәмкенов)

Ақ сүті оның өтеусіз жай қала ма?

Борышты оған небір дарқан дана да!

Тірлік сеуіп келе жатқан дүниеге —

Ей, адамдар, жол беріңдер анаға!

О, аналар, осындайсың бәрің де,

Осындайсың — жасыңдағы, кәрің де.

Сыйынатын болса өмірде құдірет,

Сыйыныңдар Ана деген тәңірге!

Соңында құттықтаулар айтылып, сыйлықтар табысталады.