Жаңа білімді дамыту

Сабақтың тақырыбы: Я я әрпі мен дыбысы
Сабақтың мақсаты:
1. Я я әрпі мен дыбысын дұрыс дыбыстату. Я әрпі қосарлы дыбыстың таңбасы екенін меңгерту, әрпін таныту; Я я дыбысын дұрыс айтуға төселдіру; пәнаралық білімдерін қалыптастыру.
2. Оқушылардың Әліппе еліне ойша саяхат жасау арқылы ақыл - ойын, шығармашылық қабілеттерін, тіл байлығын, сөздік қорын дамыту.
3. оқушылардың таза жазуларын қалыптастыру; Жылдамдыққа, өз ойын дұрыс жеткізе білуге тәрбиелеу.

Сабақтың түрі: саяхат сабақ
Сабақтың типі: Жаңа білімді дамыту.
Әдіс - тәсілдері: Көрсету, түсіндіру, сұрақ - жауап, ойын, көрнекілік.
Сабақтың көрнекілігі: теледидар, орманның сызбасы, кеме суреті, суреттер.
Сабақтың барысы:
1) Ұйымдастыру.
а) оқушылармен амандасу.
ә) сабаққа назарын аудару.
Алфавитті біліңдер
Онда жүйе, қалып бар
Біздің қазақ тілінде
42 әріп бар

2) Үй тапсырмасын тексеру.
Г г әрпі мен дыбысы
Құлагер мәтіні
А) сұрақтарға жауап алу
- Сөйлем қай әріптен басталады?
- Сөйлем соңына қандай тыныс белгісі қойылады?
- Сөйлемдегі сөздер қалай жазылады?
ә) бағандағы сөздер мен Құлагер мәтінін мәнерлеп оқыту.
Б) гүл сөзіне дыбыстық талдау жасату

3. Жаңа білім беру
а) Теледидардан Білім кемесін көрсету . Әліппе аралына саяхат шегу
ә) Әліппе аралына жеткенше өткен әріптерге байланысты тақпақтарын, мақалдарын айтады.
б) Аралға келгеннен кейін, кемеден түсіп, орман аралаймыз. Орманның табиғат тамашаларын қызықтайды.
Жұмбақ шешу.
Екі теңдей құлағы
Дыбыс сезіп тұрады.
в) қасқыр қуып келе жатқан қоянды құтқару үшін қоян сөзін буынға бөліа, Я я әрпінің баспа, жазба түрлері және қоян сөзіне буындық, дыбыстық талдау жасалынып, таныстырылады.

4. Күн бұлттанып, Бұлттан әріптер жауғанда ойны ойналады.
Оқушылар я әрпі бар сөздер ойлайды.

5. Сөз неден құралады екен?
- Сөз дыбыстардан құралады

6. Күн ашылып ормандар құстарға толыпты. Бозторғай әні жіберіледі. Әр құстың артында оқулықтағы бағандағы сөздер жазылыпты.
Аяқ қоян қияр аяз тақия
Таяқ шаян пияз саяз дария
әр сөздің мағынасы ашылады.
Дыбыстық, буындық талдау жасалады.

7. Құстар ұяға паналапты.
Ұя сөзін буынға бөлу.
Қ. Баянбаев Ұя өлеңін мәнерлеп оқу.
8. Оқушыларға тізбектей және хормен оқыту.
9. Сурет бойынша әңгімелеу.
10. Ауылым әнімен саяхаттан қайту.
Дәптермен жұмыс.
Я я әрпінің үлкен және кіші түрлерін дәптерге жазу.
Ұя сөзіне дыбыстық талдау жасау

11. Жаңа білімді бекіту.
- Сабақ ұнады ма?
- Не туралы білдік?
Бүгінгі сабақ көңілді
Серпілттік бір сәт өмірді
Ауамыз таза болсын
Жан - жануар барлығы аман болсын.
12. Оқушыларды мадақтау.
13. Үйге тапсырма