Қазақша рефераттар

Оқушылардың логикалық ойлауын қалыптастыру

6-сыныпқа арналған қазақ тілі пәні бойынша орта мерзімді жұмыс жоспары

Бұл жоспар 6-сынып оқушыларына қазақ тілін жүйелі меңгертуді көздейді және оқу бағдарламасының талаптарына сәйкес құрастырылған.

Негізгі мәліметтер

Пән
Қазақ тілі
Сынып
6
Сағат саны
102 сағат (аптасына 3 сағат)
Жазба жұмыстары
12

Оқулық және нормативтік негіз

Оқулық: Қазақ тілі, 6-сынып. Г. Т. Тұрсынова, А. А. Қасымбек. Алматы: «Арман–ПВ», 2011.

Тақырыптық-күнтізбелік жоспар Қазақстан Республикасы Білім және ғылым министрлігінің 2010 жылғы 9 шілдедегі №367 бұйрығымен бекітілген ҚР МЖБС (2.3.4.01–2010) талаптарына сәйкес, Ы. Алтынсарин атындағы Ұлттық білім академиясы ұсынған қазақ тілі оқу бағдарламасы негізінде жасалды.

Түсіндірме хат

Тіл — кез келген танымдық іс-әрекеттің құралы, ойлаудың формасы және оны дамытудың негізі. Білім берудің негізгі сатысында қазақ тілін оқытудың мақсаты — ана тілінің қоғамдық-әлеуметтік мәнін түсінетін, әдеби тіл нормаларын меңгерген, сөйлесім әрекеті мен қарым-қатынастық біліктілігі қалыптасқан, ұлтымыздың рухани мұраларын қастерлейтін тұлғаның дамуына мүмкіндік жасау.

Бағдарламаның жүйесі

Бағдарлама «Қазақ тілін оқытудың тұжырымдамасы» мен «Қазақ тілінің мемлекеттік білім стандартына» сай түзілді.

Оқыту міндеттері

Т

Танымдық бағыт

  • Оқушының лингвистикалық дүниетанымын қалыптастыру.
  • Тілдің қоғамдық-әлеуметтік мәнін түсіндіру.
  • Оқушылардың логикалық ойлауын дамыту.
  • Мәтін арқылы танымдық қызығушылықты арттыру.
  • Мәтіннің тілдік және танымдық қызметін, дүниетанымдық және тәрбиелік құндылығын түсіндіру.
П

Практикалық бағыт

  • Әдеби тіл нормаларына сай дұрыс сөйлеу дағдыларын қалыптастыру.
  • Тілдік жағдаяттарға сәйкес тиімді қарым-қатынас жасау тәсілдерін үйрету.
  • Тілдік сауаттылықты арттыру және шығармашылық қабілеттерді дамыту.
  • Сөйлесім әрекетіне қажетті заңдылықтар мен талаптарды меңгерту.
  • Тілдік-эстетикалық талғамды қалыптастыру.
  • Сөйлеу мәдениеті талаптарына сай тілдік құзыреттерді дамыту.

Күтілетін оқу нәтижелері (6-сынып)

6-сыныпқа арналған «Қазақ тілі» оқулығын аяқтағаннан кейін оқушылар төмендегі білім мен дағдыларды меңгеруі тиіс:

  • Сөзжасамның және морфологияның жалпы тіл жүйесіндегі орнын түсініп, лингвистикалық дүниетанымын кеңейту.
  • Морфологиялық білімді ауызша және жазбаша сөйлеуде орынды қолдануға дағдылану.
  • Түбір мен қосымшалардың фонетикалық, лексикалық және морфологиялық заңдылықтарға сүйене отырып байланысатынын ұғыну.
  • Сөз таптарының әрқайсысына морфологиялық тұрғыдан сипаттама бере білу.