Қыс туралы өлең, жұмбақ айту
Сабақтың тақырыбы
Қыс
Сабақтың мақсаты
1) Білімділік
Оқушылардың «Қыс» тақырыбы бойынша сөздік қорын байыту, сөздерді дұрыс оқып, дұрыс айтуға дағдыландыру.
2) Дамытушылық
Жылдам ойлау, сауатты жазу дағдыларын қалыптастыру; сөздерді өзара дұрыс байланыстырып, ойды жүйелі жеткізуге үйрету.
3) Тәрбиелік
Мемлекеттік тілге құрметті арттыру, қоршаған ортаға сүйіспеншілік тәрбиелеу.
Құрал-жабдықтар мен формат
Көрнекіліктер
- Саяхат картасы
- «Күз» және «Қыс» тақырыптарына байланысты суреттер
- Қағаздан жасалған автобус
Сабақ түрі мен әдістері
- Сабақтың түрі: саяхат сабағы
- Әдістері: ойын әдісі, «автобуспен саяхат», сөйлеу жұмысы
Сабақтың барысы: «Қысқы әлемге саяхат»
Бүгін біз қыстың ғажайып әлеміне «автобуспен» саяхат жасаймыз. Әр аялдамада тоқтап, тапсырмалар орындап, білімімізді бекітеміз.
1) Ұйымдастыру кезеңі
Фонетикалық жаттығу
Алға бір адым, артқа бір адым —
Отырамыз, тұрамыз.
Сабақта «бес» аламыз.
Жұмбақ
Аяз қысып, өрнек сызып,
Терезеңді торлайды.
Кейде ұлып, кейде жұлып,
Ұйытқып боран соғады.
Айтыңдаршы, бөбектерім,
Бұл қай кезде болады?
Жауабы: Қыс.
Саяхатқа дайындық
Оқушылармен қысқаша танысу сұрақтары: «Атың кім?», «Нешінші сыныпта оқисың?», «Қайда тұрасың?». Содан соң «автобусқа» отырып, сапарды бастаймыз.
2) 1-аялдама — «Сөздік алқабы»
«Қыс» тақырыбына қатысты сөздерді мұғалімнен кейін қайталау: алдымен хормен, кейін жеке-жеке айту.
3) 2-аялдама — «Күз»
Тапсырмалар
- Күз айларын атау.
- «Күзде не болады?» сұрағына жауап беру.
- Күз туралы өлең оқитын оқушыны тыңдау.
Үлгі жауаптар
- Жаңбыр жауады.
- Жапырақ сарғаяды.
- Күн салқындайды.
- Құстар жылы жаққа ұшып кетеді.
- Қауын, қарбыз, алма, алмұрт піседі.
4) 3-аялдама — «Қыс»
- Оқулықтың 67-бетіндегі «Қыс» мәтінін оқу және аудару.
- Қыс туралы өлең оқу.
- Жұмбақ айту.
5) 4-аялдама — «Киім дүкені»
Дүкенде қыстық жылы киімдер «сатылымда». Мұғалім суреттерді көрсетеді, оқушылар киім атауларын атайды.
Сергіту сәті
Бала, бала, балақан,
Кәне, қайсы алақан?
Саусақтарың әйбәт,
Былай-былай ойнат.
6) 5-аялдама — «Орфография мұражайы»
Мұражай қызметкерлері сөйлемдерге қажетті сөздерді тауып, дұрыс орналастыруды ұсынады.
Тапсырма
- Қыс айлары: желтоқсан, _____, ақпан.
- Адамдар үстіне _____ киеді.
- Адамдар қолына _____ киеді.
- Адамдар аяғына _____ киеді.
- Қыста _____ жауады.
- Қыста _____ қатады.
7) 6-аялдама — «Құттықтау алаңы»
Оқушылар мерекелерді атап, қонақтарға жылы лебіздерін білдіреді.
Сабақты бекіту және қорытынды
- Сабақ барысында орындалған жұмыстарды қорытындылау.
- Оқушылардың еңбегін бағалау.