Қазақша рефераттар

Өткен сабақтардан алған білім

Сынып сағаты • 2-сынып

Сабақтың тақырыбы: Тәуелсіз елім – тірегім

Бұл сынып сағаты оқушылардың Отанға деген сүйіспеншілігін арттыруға, тәуелсіздік ұғымын тереңірек түсіндіруге және өздігінен іздену дағдыларын дамытуға бағытталған.

Оқыту мақсаттары

  1. Оқушыларды Отанын сүюге, елін және жерін қорғауға тәрбиелеу.
  2. «Отан», «Тәуелсіздік», «Әнұран» туралы кеңірек түсінік қалыптастыру.
  3. Оқушылардың өз бетінше ізденуін қолдау және білімін жетілдіру.

Күтілетін нәтиже

Оқушылардың бәрі:

  • сөйлемдерді оқиды;
  • мазмұнын түсінеді;
  • бағалауға қатысады.

Оқушылардың көпшілігі:

  • тақырыпты болжайды;
  • өлеңді мәнерлеп оқиды.

Кейбір оқушылар:

  • тәуелсіздік туралы қосымша мәлімет келтіреді;
  • батыр ағаларымыз бен апаларымыздың өмірінен мысалдар айтады.

Алдыңғы білім

«Менің тұңғыш Президентім» тақырыбы бойынша білімдері еске түсіріледі.

Бағалау

Жетістік критерийлері бойынша қалыптастырушы бағалау жүргізіледі.

Сабақ жоспары

Ұзақтығы: 40 минут

Сабақтың басы

5 минут

Қызығушылықты ояту

  • Сыныпты ұйымдастыру, қалыпқа келтіру.

«Ой сергек» (сәлемдесу)

Үлкенге де сіз,

Кішіге де сіз.

Бас иеміз біз.

Топқа бөлу

Оқушылар 3 топқа бөлінеді: Отан, Тәуелсіздік, Әнұран.

Сабақтың ортасы

30 минут

Мағынаны ажырату • Ой қозғау

Әр топ өз атауына байланысты ойларын ортаға салып, қысқаша таныстырып қорғайды.

Тақырыпты болжау

Тақтаға «адасқан сөздер» ілінеді. Оқушылар сөздерді дұрыс орналастырып, сабақтың тақырыбын табады: «Тәуелсіз елім – тірегім».

Сабақ мақсатымен таныстыру

Мұғалім оқушылармен бірлесе отырып, мақсатқа сай жетістік критерийлерін анықтайды.

Сөздік жұмысы: «Әріптерді сөйлету»

Оқушылардың қызығушылығын ояту мақсатында «Тәуелсіздік» сөзінің әр әрпі арқылы құндылықтар талданады.

Т — теңдікті білдіреді.

Ә — әдептілік пен әлдікті.

У — уайымсыз уақытты.

Е — егемендік пен елдікті.

Л — «лағып, лепірме» дейді.

С — сенімділікті.

І — ілтипатты білдіреді.

З — зиялылыққа жетелейді.

Д — достыққа шақырады.

І — ізеттілікке баулиды.

К — көктегі күндей жарқырауға үндейді.

Осылайша, «Тәуелсіздік» ұғымының мағынасы құндылықтар арқылы ашылады.

Сайыс кезеңдері

  1. Мақал-мәтел айту
  2. Бәйге
  3. Тіл — өнер
  4. Жеті жұмбақ

Жетістік критерийлері

  • мақал-мәтелді орынды айта алу;
  • сұрақтарға нақты жауап беру;
  • үш тілде (қазақ, орыс, ағылшын) сөйлей алу;
  • 7 пән бойынша сұрақтарға жауап беру.

Бағалау: жетістік критерийлері бойынша.

Ой толғаныс • Жеке жұмыс

Бағалау: қол соғу арқылы

Тақырып: «Мен Тәуелсіздік ұғымын қалай түсіндім?»

Оқушылар қысқаша эссе жазады.

Сабақтың соңы

5 минут

Үй тапсырмасы

Елбасына арнап өлең шығару.

Кері байланыс (ауызша)

Оқушылар жетістік критерийлерін еске түсіріп, бүгінгі сабақ мақсатына жеткен-жетпегені туралы ой бөліседі.

Рефлексиялық шеңбер сұрақтары

  • Сабақ барысындағы көңіл күйіңіз қандай болды? Неліктен?
  • Бүгін не білдіңіз? Сіз үшін не жаңалық болды?
  • Сабаққа қатысуыңызды қалай бағалайсыз?
  • Сабақта қандай қиындықтар болды?
  • Сабақ соңындағы көңіл күйіңіз қандай? Неліктен?

Мектеп және мұғалім туралы мәлімет

Білім беру ұйымы
Береке орта мектебі КММ
Мұғалімнің аты-жөні
Ж. Е. Әлжанова