Қазақша рефераттар

Аукцион сабақ

Мақсаттар

Білімділік

Оқушыларға тамақ өнеркәсібінің құрылымы, сапасы және таралу аймақтары туралы жүйелі білім беру.

Дамытушылық

Ізденіс пен шығармашылыққа бағыттау; кесте және картамен жұмыс жасау дағдыларын жетілдіру.

Тәрбиелік

Ысырапқа жол бермеуге, үнемдеуге және ұқыптылыққа тәрбиелеу.

Ұйымдастыру және сабақ форматы

Еліміздегі әлеуметтік-экономикалық өзгерістерге байланысты экономикалық білімге қызығушылық артып келеді. Осыған орай, экономикалық ой-өрістеріңізді дамыту мақсатында сабақты аукцион формасында өткіземіз.

Ойын барысында банк, капитал және кредит ұғымдарымен танысып, оларды тәжірибе арқылы қолданасыздар.

Топтарға бөліну

  • Сынып 4 топқа бөлінеді.
  • Әр топқа жетекші тағайындалады.
  • Топ жетекшісі қатысушы нөмірлерін алады.

Бастапқы капитал және кредит

Әр топ аукцион басталар алдында банктен 30% жылдық мөлшерлемемен кредит алады.

Бастапқы капитал: 1000 теңге.

Ойын соңында банкке 1300 теңге қайтаруы қажет.

Топ жетекшісі «Кредит берілді» кітапшасына қол қояды. Нөмірі бар қатысушы ғана сұрақты сатып ала алады.

Экономикалық ұғымдарға арналған сұрақтар

Аукцион — оқыта-үйрету сипатындағы ойын сабағы. Сондықтан төмендегі экономикалық ұғымдар бойынша сұрақтарға жауап береміз.

  1. 1

    Тауар құнының теңгемен белгіленуі қалай аталады?

  2. 2

    Халықаралық валюта дегеніміз не?

  3. 3

    Бағалы қағаздар мен ақша құнының бағамы қалай аталады?

  4. 4

    Елге әкелінетін және сыртқа шығарылатын тауарларды реттейтін қызмет орны қалай аталады?

  5. 5

    Қазақстан валютасының ең жоғары номиналы қандай?

Ашық лот: аукцион ережесі

Бастапқы баға

Әр лоттың бастапқы бағасы — 1000 теңге.

Сату қадамы

Әр қадам — 100 теңге.

Сыйақы

Жауап сапасына қарай 500–1500 теңге аралығында сыйлық ақша беріледі.

Баға ұсыну тәртібі

  • Аукционист ұсынған сұраққа әр топ өз бағасын ұсынады.
  • Мысалы, бір команда 200 теңге ұсынса, келесі команда 300 немесе 400 теңге ұсына алады.
  • Баға айтқан кезде қатысушы өз нөмірін көтеруі қажет.