Оқушыларға баскетбол ойынының элементтерін үйрету

Сабақ туралы мәлімет

Баскетбол. Баскетбол ойынының жалпы ережелері.

Мектеп спорт залы.

Оқушыларға баскетбол ойынының негізгі элементтерін меңгерту.

Ойын арқылы ептілік, икемділік, күш және басқа да физикалық қасиеттерді дамыту.

Ұжымшылдыққа, достыққа және ұйымшылдыққа тәрбиелеу.

Жалпы тәртіп

Жалпы дамыту

1) Бастапқы қалып: аяқ иық көлемінде, қол белде.

Басты оңға екі рет, солға екі рет айналдыру.
2) Бастапқы қалып: аяқ иық көлемінде, қолды иыққа қою.

1–2: иықты алға айналдыру. 3–4: артқа айналдыру.
3) Бастапқы қалып: аяқ иық көлемінде, оң қол жоғарыда, сол қол төменде.

1–2: алға сермеу. 3–4: артқа сермеу, қолды алмастырып орындау.
4) Бастапқы қалып: аяқ иық көлемінде, оң қол жоғарыда, сол қол белде.

1–2: солға иілу (қайталап орындау).
5) Бастапқы қалып: қол белде.

Секірудің әртүрлі тәсілдерін орындау.

Жаңа тақырып

Тақырып: Баскетбол. Баскетбол ойынының жалпы ережелері

Бір орында тұрып, допты оң және сол қолмен жерге соғып, ыршытып жаттығу.

Допты бір қолмен жетелеп жүріп, жерге соғып ыршыту.

Екі оқушы қарама-қарсы тұрып, допты екі қолмен кезек жерге соғып ыршытып, тоқтамай бір-біріне кеуде тұсынан лақтырып жаттығу.

Оқушыларды екі топқа бөліп, баскетбол элементтері бар эстафеталық ойын ойнату:

Кедергілердің арасымен допты соғып алып өту.
Допты жоғарыдан беру.
Допты төменнен беру.
Жерге қатар қойылған 5–6 шығыршықтың ішіне соғып келе жатқан допты дәл түсіріп ыршыту.
Алаңның ортасынан қалқанға қарай допты ыршытып келіп, жақындағанда тоқтап, допты шығыршыққа екі қолмен лақтырып түсіруге тырысу.

Баскетбол добымен жаттығулар орындау.

Ескерту:

Жаттығуларды қауіпсіздік талаптарын сақтай отырып орындау.