Қазақша рефераттар

Еске түсіру стратегиясы

Қорытынды сабақ • Аралас сабақ

«Өмірдің сәнін келтіретін екі-ақ нәрсе бар: бірі — математикамен шұғылдану, екіншісі — одан сабақ беру». (С. Д. Пуассон)

Сабақтар тізімі

  1. Бір айнымалысы бар сызықтық теңсіздіктерді шешу
  2. Координаталық жазықтық
  3. Тригонометриялық тепе-теңдіктер

Сабақ тақырыбы: Координаталық жазықтық

Мақсаты (білімдік)

  • Түзулердің өзара орналасуын түсіндіру және оларды сала білуге үйрету.
  • Координаталық жазықтықта берілген нүктелерді салу және нүктелердің координаталарын табу дағдысын қалыптастыру.

Мақсаты (дамытушылық)

  • Ойлау қабілетін дамыту.
  • Тапқырлық пен ізденімпаздыққа ынталандыру.

Мақсаты (тәрбиелік)

  • Дәлдікке баулу.
  • Ептілік пен еңбекқорлыққа тәрбиелеу.

Әдіс-тәсілдер

Түрлі стратегиялар: еске түсіру, ой шақыру, миға шабуыл, ой толғаныс тест.

Көрнекіліктер

  • Буклеттер, карточкалар
  • Р. Декарттың портреті
  • Суретті плакат
  • Интерактивті тақта, компьютер
  • Бағалау жетондары

Сабақтың барысы

Негізгі кезеңдер

  1. Ұйымдастыру бөлімі
  2. Еске түсіру стратегиясы
  3. Ой шақыру стратегиясы
  4. Миға шабуыл стратегиясы
  5. Ой толғаныс тест
  6. Бағалау және үй тапсырмасы

Топқа бөлу

Тақырыпты бекіту үшін сынып координаталық жазықтықтың осьтеріне сәйкес екі топқа бөлінеді:

  • І топ: Абсцисса
  • ІІ топ: Ордината
  • Координата басы: топ басшысы

Еске түсіру стратегиясы

Мұғалім тұжырымдарды оқиды. Дұрыс болса — қолды көлденең созу, қате болса — тік көтеру ұсынылады.

1) Өзара қиылыспайтын түзулер перпендикуляр деп аталады.

2) Түзудің берілген нүктесінен бір ғана перпендикуляр жүргізуге болады.

3) A(3; 0) нүктесі OY осінде жатыр.

4) Вертикаль бұрыштар өзара тең.

5) Рене Декарт — француз математигі және философы.

Рене Декарт туралы қысқаша ой

Рене Декарт — француз философы, физигі және математигі. Ол аналитикалық геометрияның негізін қалап, қазіргі математикада кең қолданылатын көптеген алгебралық белгілерді енгізді. Бүгінде кең тараған Декарт координаталар әдісі осы еңбектердің нәтижесі.

Ой шақыру: «Қарияның хаты»

«Менің саған қалдырған қазынам бір жерде жасырылған. Оны тапқың келсе: үйден жоғары қарай қораға дейін 3 қадам жүр, одан кейін оңға қарай 4 қадам бас. Немесе үйден оңға қарай құдыққа 4 қадам жүріп, кейін жоғары қарай 3 қадам барсаң — бір нүктеде түйісесің. Қазына дәл сол жерде».

Бұл тапсырма оқушыларды орын ауыстырудың бағыты мен қадам санын координаталық ойлаумен байланыстыруға жетелейді.

Миға шабуыл: «Суретшілер жарысы»

Оқушылар координаталары берілген нүктелерді тауып, жазықтықта белгілейді. Нүктелерді ретімен қосқанда сурет пайда болады.

І топ: «Абсцисса»

  • A(-6; 1)
  • Б(-6; 5)
  • С(-8; 5)
  • Ц(-8; 6)
  • И(-3; 6)
  • С(-3; 5)
  • С(-5; 5)
  • A(-5; 1)

ІІ топ: «Ордината»

  • О(4; 2)
  • Р(1; 2)
  • Д(3; 4)
  • И(2; 4)
  • Н(4; 6)
  • А(6; 4)
  • Т(5; 4)
  • А(7; 2)

Нәтиже және әңгіме

Сұрақ: Қандай сурет шықты?

Жауап: Шырша, «Т» әрпі.

Сұрақ: Қандай жыл келді?

Жауап: Тышқан жылы.

Тілегіміз: мол табыс, биік адамгершілік, жарқын болашаққа бастайтын білім.

Ойын: «Нысана көздеу»

Кім координаталық жазықтықтағы аңдардың координаталарын дұрыс анықтаса, сол оқушы «нысананы дәл көздеген» болып есептеледі:

  • 1. Аққу
  • 2. Қасқыр
  • 3. Қоян
  • 4. Түлкі

Тәрбиелік түйін

«Балалар, аққуды атуға бола ма?» деген сұрақ арқылы табиғатты аялау ойы бекітіледі: аққу — киелі құс, сондықтан оны атпайды.

Деңгейлік тапсырмалар

A тобы

Төбелері берілген тік төртбұрышты сал.

І топ

  • A(-2; 2)
  • B(-5; 2)
  • C(-5; 4)
  • D(-2; 4)

ІІ топ

  • A(-3; 2)
  • B(-6; 2)
  • C(-5; 4)
  • D(-3; 5)

B тобы

OY және OX осьтеріне қатысты симметриялы фигура сал.

C тобы

Шыққан фигураның периметрін және ауданын тап.

Қорытынды

Осы сабақта координаталық жазықтық бойынша алған біліміміз жинақталып, тапсырмалар арқылы бекітілді: нүктелерді координаталарымен салу, координаталарды анықтау, симметрия құру, периметр мен ауданды табу сияқты дағдылар қайталанды.