Қазақша рефераттар

Болашақ тобы

Сандар әлеміне саяхат

Бұл — математикалық апталық аясында өткізілетін сайыс-сабақ. «Бүгінгі білім — ертеңгі байлығымыз» қағидасын негізге ала отырып, оқушылар математикадан алған білімдерін бекітіп, шапшаңдық пен ұйымшылдықты шыңдайды.

Сабақ мақсаты

  • Білімге құштарлықты арттыру, жан-жақты ізденуге ынталандыру.
  • Жарысу мәдениетін қалыптастыру, жеңіске ұмтылуға баулу.
  • Ұлттық тәрбиені ұштастыра отырып, ұйымшылдыққа тәрбиелеу.

Түрі

Сайыс сабақ

Пәнаралық байланыс

Ана тілі, дүниетану

Көрнекілігі

  • Слайдтар
  • Мақал-мәтелдер
  • Кеспе есептер
  • «Ғарыш кемелері» түріндегі тапсырмалар

Мұғалімнің кіріспе сөзі

Балалар, математикалық апталыққа арналған бүгін біз сайыс-сабақ өткіземіз. Математикадан алған білімдерімізді осы сайыста шыңдаймыз. Енді ойын шарттарымен танысайық.

Сайыстың құрылымы

Ұйымдастыру бөлімі

  • Топтастыру
  • Әр топтың девизін айту
  • Топ басшыларының таныстырылымы

Кезеңдер

  1. Қызықты шаршылар (топ басшылары сайысы)
  2. Сандар сыры
  3. Кім шапшаң? (ғарыш кемелерімен тапсырмалар)
  4. Мақал-мәтел сайысы (кубизм әдісі)
  5. Қорытындылау

І кезеңге дайындық: 3 топ

1-топ

Болашақ

Девизі: «Еліміздің болашағы — біз боламыз!»

2-топ

Білім

Девизі: «Білімді мыңды жығады.»

3-топ

Достық

Девизі: «Бәріміз біргеміз — берік іргеміз!»

І кезең: «Қызықты шаршылар»

Топ басшылары интерактивті тақтамен жұмыс істейді. Мақсат — логикалық ойлау мен жылдам жауап беруді көрсету.

Сұрақтар мен жауаптар

  1. Сабалақ деген атпен 7 жасында Абылайды қай би өз қамқорлығына алды? Жауап: Төле би.
  2. 7 күндік аптаны енгізген мемлекет? Жауап: Вавилондықтар.
  3. Кубтың көлемін қалай табамыз? Жауап: Ұзындығын, енін, биіктігін көбейту арқылы.
  4. Ені мен ұзындығын көбейту арқылы нені табамыз? Жауап: Ауданды.
  5. Ағайынды 5 жігіт келеді. Әрқайсысында бір-бірден қарындасы бар. Барлығы неше ағайынды? Жауап: 6.
  6. Мен 1 адаммен келемін. Ол әкем емес. Ол маған кім? Жауап: Анам.
  7. «Жеті ғаламды» атаңыз. Жауап: Оңтүстік, Солтүстік, Батыс, Шығыс, Аспан, Жер, Жерасты.
  8. Берілген геометриялық фигуралардан не құрастыруға болады? Жауап: Құс ұясын.

ІІ кезең: «Сандар сыры»

Әр топқа бір санның мағынасын, қолданылуын және ұлттық-танымдық қырларын ашу тапсырмасы беріледі.

І топ

7 саны

7 санына қатысты ұғымдар мен мысалдарды келтіріп, «жеті» санының сырын ашу.

ІІ топ

5 саны

5 санының мәнін ашу, өмірмен байланысты мысалдар келтіру.

ІІІ топ

3 саны

3 санына қатысты тұрақты тіркестер мен танымдық деректерді жинақтау.

ІІІ кезең: «Кім шапшаң?»

Апталықтың ашылуы 12 сәуір — Ғарышкерлер күнімен тұспа-тұс келді. Осы кезеңде қай топ «алғаш болып ғарышқа ұшады»? Топтарға ғарыш кемесіне жазылған тапсырмалар беріледі. Ең жылдам әрі дұрыс орындаған топ жеңіске жетеді.

І топ тапсырмасы

1) Сөзжұмбақ

  1. Жеті күннің бірі.
  2. ___ ауыз сөздің тобықтай түйіні бар.
  3. 21 : 3 нешеге тең?

2) Ауызша сұрақтар

Қосымша ауызша сұрақтарға жауап беру.

ІІ топ тапсырмасы

1) Сөзжұмбақ

  1. ___ атасын білмеген — жетесіздің белгісі. (Жеті)
  2. Үш жұрттың бірі.
  3. 99 : 33 нешеге тең?

2) Ауызша сұрақтар

Қосымша ауызша сұрақтарға жауап беру.

ІІІ топ тапсырмасы

1) Сөзжұмбақ

  1. Бір елі ауызға ___ елі қақпақ.
  2. Жұма — аптаның нешінші күні?
  3. 25 : 5 нешеге тең?

2) Ауызша сұрақтар

Қосымша ауызша сұрақтарға жауап беру.

ІV кезең: Мақал-мәтел сайысы (кубизм әдісі)

Оқушылар берілген мақал-мәтелдердегі бос орындарға тиісті сандарды қойып, мағынасын түсіндіреді.

  1. ___ аяқтыда бота тату, ___ аяқтыда бөле тату.
  2. ___-лік болмай, тірлік болмас.
  3. ___-еуі түгел болса, төбедегі келеді; ___-ауы ала болса, ауыздағы кетеді.
  4. Білімді ______-ды жығады, білекті ____-ді жығады.
  5. Ағайын ___-ау, ана ___-еу.
  6. Жігіттің құны ______ жылқы, ары ______ жылқы.

V кезең: Қорытындылау

Топ басшыларының сөзі

Әр топ басшысы өз командасының жұмысын қорытындылап, әсерімен бөліседі.

Ұпайларды есептеу

Топтар жинаған ұпайларын есептеп, интерактивті тақтадағы слайд арқылы сабақ қорытындыланады.

Нәтиже

Бұл сайыс-сабақ оқушылардың математикалық сауаттылығын арттырып қана қоймай, ұлттық құндылықтарды мақал-мәтелдер арқылы ұштастырып, бірлесіп жұмыс істеу дағдысын нығайтады.