Көлемді гүлдерді жасау тәсілімен таныстыру
Сабақ туралы мәлімет
Өңір
Павлодар облысы
Қала
Екібастұз
Ауыл
Шиқылдақ
Мектеп
Комсомол жалпы орта білім беретін мектебі
Топ
Даярлық тобы
Мұғалім
Адилхан Жанаргүл
Бөлімі
Жапсыру
Тақырыбы
Сыйлықтық гүл
Мақсаты мен міндеттері
Мақсаты
Балаларды ұжымдық жұмысқа үйрету.
Міндеті
Көлемді жапсыру жұмысын орындауды меңгерту.
Білімділігі
Гүлді жапсырудың әдіс-тәсілдерін қолдану дағдыларын толықтыру.
Кіріспе бөлім: «Шаттық шеңбері»
Балалар шаттық шеңберіне тұрып, бір-біріне гүлді ұсыну арқылы жақсы тілектерін айтады. Тілектер айтылған соң, гүл құмыраға қойылады.
Жақсы тілектер
- Деніміз сау болсын!
- Аспанымыз ашық болсын!
- Ойыншығымыз көп болсын!
- Көңілді бала болайық!
- Бәріміз дос болайық!
Сұрақ-жауап
Балалардың ойлауын, сөйлеуін дамытуға арналған бағыттаушы сұрақтар:
- Өсімдіктердің қандай пайдасы бар?
- Өсімдіктерді не үшін өсіреді?
- Мына гүл қалай аталады?
- Гүлдер қайда өседі?
- Гүлді кімдерге сыйлайды?
Негізгі бөлім: көлемді «Сыйлықтық гүл» жасау
Мұғалім балаларды көлемді гүл жасау тәсілімен таныстырады, ұжымдық жұмыста әр топтың міндетін түсіндіреді. Әр топ жасаған гүлдер мен жапырақтар біріктіріліп, ортақ композиция құрастырылады.
Жұмыс барысы (қадамдар)
- 1 Түрлі түсті қағаздан тіктөртбұрыштар қиып алу.
- 2 Жапырақтар мен гүл күлтелеріне арналған қағазды қабаттап бүктеу.
- 3 Қарындашпен жапырақтар мен гүл күлтелерінің пішінін салу.
- 4 Бөлшектерді белгіленген сызық бойымен қию.
- 5 Гүлдің ортасын қиып алып, құттықтау тілектерін дайындау.
- 6 Тілектерді ұқыпты түрде шашақтау (жіңішке тілімдер жасау).
- 7 Гүл күлтелері мен жапырақтардың ұшын қарындашпен сәл иіп, көлем беру.
- 8 Негізгі қағаз бетіне бөлшектерді үйлестіріп орналастыру.
- 9 Барлық бөлшектерді ретімен жапсыру.
Сергіту сәті
Өлең жолдары
Гүлдің ортасына,
Біздер тату баламыз,
Гүл-гүл жайнап аламыз,
Жақсы сергіп қаламыз.
Жұмысты орындау және қолдау
Мұғалімнің бақылауы
- Ұжымдық жұмыстың орындалуын бақылау.
- Әр баланың өз міндетін дұрыс атқаруын қадағалау.
- Қиналған балаларға дер кезінде көмектесу.
Оқушының әрекеті
- Жұмыс дәптеріндегі орындау үлгісіне сүйеніп жұмыс жасау.
- Өз тобына тиесілі бөлшектерді дайындап, ортақ композицияға қосу.
- Жұмысты ұқыптылық пен қауіпсіздік ережелерін сақтай отырып орындау.
Қорытынды: нәтиже және бағалау
Нәтиже
Дайын жұмысты бөлме қабырғасына ілуге де, жақын адамдарға сыйлық ретінде тарту етуге де болады.
Шығармашылық бөлім
Балаларға гүл туралы тақпақ немесе өлең айтқызу арқылы әсерін нығайту.
Бағалау
Балалардың жұмыстарын қарап, қажетті кеңестер беру, бағалау және мадақтау.