Шығармашылық сайысы
Сайыс барысы
«Қыз өссе — елдің көркі» атты қыз сыны — ұлттық тәрбиені жаңғыртып, қыз баланың өнерін, білімін, мәдениетін және инабаттылығын дәріптейтін мәні терең тағылымды шара.
Жүргізушілердің құттықтауы
1-жүргізуші: Қайырлы күн, құрметті оқушылар мен ата-аналар!
2-жүргізуші: Бүгінгі «Қыз өссе — елдің көркі» атты қыз сыны сайысына қош келдіңіздер!
Өлең жолдары
1-жүргізуші:
Мен қазақ қыздарына қайран қалам,
Жанары жаны жаздай жайраңдаған.
«Қыз өссе — елдің көркі» деген сөзді
Қапысыз қалай айтқан қайран бабам.
2-жүргізуші:
Мың бұралған арулар билей басып,
Келеді міне ортаға толқып тасып.
Аруларын сыйлаған халқым менің,
Көңілді қошеметпен қарсы алайық!
Ескерту: Арулар сахна төріне шақырылады.
2-жүргізуші: Шалқытып мерекеде ән салайық, өнерпаз өрендерге тамсанайық. Әділдік пен шындықты арқа тұтып, әділқазылар алқасымен танысайық.
1-жүргізуші: Сайыс шарты бойынша қыздар өз нөмірлерін алып, өнерлерін көрсетеді.
Көркем нөмірлер
Ән: «Ай дидарлы анашым»
Орындайтындар: Таир, Ербол, Данияр
Би: «Қазақ қыздары»
Орындайтындар: Ерсұлтан, Даниал, Мади
Ән: «Менің анам — алтын»
Орындайтындар: Адиль, Даниал, Абдурахим
Көрініс: «Робот»
Қосымша нөмір: «Ақ мамам» (тамашалауға ұсынылады)
Ән: «Апатайым, анашым»
Орындайтын: Арғынбай, Абдурахим
Турлар мазмұны
1-тур — Өзін-өзі таныстыру
Көңілге түй сен мұны: әр бүлдіршін — ел гүлі.
Бақытты елде туғаның есіміңнен белгілі.
2-тур — Мақал-мәтел сайысы
Бұл кезеңде қатысушылардың білімі мақал-мәтел арқылы сыналады: кең даланың ежелгі қазақ халқында да өзге ұлттар сияқты салт-дәстүрі мен жөн-жосығы бар.
3-тур — Ас мәзірін дайындау
Қазақтың қонақжайлығы — ата-бабадан келе жатқан асыл дәстүр. Қандай жағдайда да «құдайы қонақпын» деп келген жанды кеудеден итермей, жылы шыраймен қарсы алып, қолдағы барын ұсыну — елдік белгісі.
4-тур — Шығармашылық сайыс
Бұл кезеңде арулар өз қиялын, шеберлігін, сахна мәдениетін танытады. Ортада «Қамажай» биі орындалады.
5-тур — «Сұлулық сыры»
Сымбатына сай киім жарасқан, өнері мен сәні үйлескен арулардың жинақылығы, жүріс-тұрысы, өзін ұстауы, сөйлеу мәдениеті бағаланады.
Әділқазылар бағалауы және қорытынды
2-жүргізуші: Енді сөзді төрешілерімізге берейік.
Бағалау кезінде ескерілетін өлшемдер:
- Ұлттық киімнің үйлесімі
- Сайыс бойындағы өзін ұстау мәдениеті
- Сөйлеу әдебі мен сөз саптауы
- Жүріс-тұрыс, сахнадағы жинақылық
Номинациялар
1-жүргізуші:
Өнеріміз сайыста — жетелейді алысқа.
Бүгінгі күннің жеңісі — достық болып қалуда.
2-жүргізуші:
Баршаңызды Наурыз мерекесімен құттықтаймыз! Наурыз құт-береке мен бірлік әкелсін!
Бұл шара — ұлттық құндылықты ұлықтайтын, қыз тәрбиесінің қадірін арттыратын тағылымды сабақ. Әдеп пен өнер тоғысқан ортада әр арудың болмысы айқындалып, көрерменге жылы әсер сыйлайды.