Тапсырмаларды электронды кестелердің көмегімен шешу
Ұзақ мерзімді жоспар бөлімі
7.2A бөлім – тапсырмаларды электронды кестелердің көмегімен шешу.
Сабақ тақырыбы: электронды кесте элементтерін пішімдеу (форматтау).
Оқу мақсаттары
7.2.2.2 — электронды кесте элементтерін пішімдеу (форматтау).
Сабақ мақсаты
Электронды кестелердің элементтерін пішімдеу дағдыларын қалыптастыру.
Ойлау дағдылары
Білу, түсіну, қолдану, талдау, саралау.
Күтілетін нәтижелер
Оқушылардың басым бөлігі
- Электронды кесте элементтерін таниды және қолданады.
- Деректер типтерін жіктеп, әртүрлі тапсырмаларды орындайды.
Кейбір оқушылар
- Электронды кесте элементтерін тереңірек пішімдейді.
- Кесте мәліметтеріне сай күрделі тапсырмаларды орындайды.
Бағалау критерийлері
- Электронды кесте элементтерін пішімдейді.
- Компьютерде практикалық жұмыстарды орындайды.
Тілдік мақсаттар
Оқушылар электронды кесте элементтерін пішімдеу тақырыбын ауызша түсіндіре алады.
Лексика және терминология
Диалог және жазу үшін тіркестер
- Электрондық кестелер дамуының тарихы.
Құндылықтарды дарыту
- Өмір бойы оқуға дайын болуға тәрбиелеу.
- Топтық жұмыс арқылы бірлік пен жауапкершілікке баулу.
Пәнаралық байланыс
Математика, ағылшын тілі.
Алдыңғы білім
Мәтіндік кесте, қатар, ұяшық, баған.
Сабақтың басы (3 минут)
Ұйымдастыру кезеңі
«Жүректен жүрекке» тренингі: оқушылар шеңберге тұрып, бір-біріне жылы лебіз айтады.
Топқа бөлу
«Ақылды бейджик» әдісі арқылы екі топқа бөлінеді:
- I топ — «Ұяшық»
- II топ — «Кесте»
Бағалау
Оқушыларға бағалау парақтары таратылады. Сабақ барысында өзін-өзі бағалау жүргізіліп, мұғалім қалыптастырушы бағалау береді.
Өткен тақырыпты қайталау
«Өрмекші торы» әдісі арқылы сұрақтар қойылады:
- Кесте деген не? Оны не үшін қолданады?
- Ұяшық деген не?
- Кестеге ұяшықтарды қалай қосамыз?
- Ұяшықты немесе қатарды қалай өшіруге болады?
- Мәтіндік редакторда кесте жасау үшін қандай амалдар қолданылады?
- Мәтіндік редактордың көмегімен кестелерді қалай құруға болады?
- Мәтіндік редакторда кестені өңдеудің қандай тәсілдері бар?
- «Кестені ажырату» пәрмені арқылы қандай әрекеттер орындауға болады?
Жаңа сабаққа кіріспе
Жаңа тақырыпты бастамас бұрын Bilimland порталындағы бейнеролик арқылы оқушылардың қызығушылығы оятылады.
Тақырыпты талдау «Ойлан – Жұптас – Бөліс» әдісі арқылы жүргізіледі. Әр топ постер дайындап, қорғайды.
Автор туралы
Түркістан қаласы, М. Әбенова атындағы жалпы орта мектептің информатика пәні мұғалімі — Арысбекова Балжан Сейлханқызы.
Материалдар
-
Жүктеу
«Электронды кесте элементтерін пішімдеу»
Файлды жүктеу
-
Жүктеу
«Электронды кесте элементтерін пішімдеу»
Слайдты жүктеу