Өздік жұмысы Алгоритм типтері

Сабақ №12
Тақырыбы: Өздік жұмысы Алгоритм типтері .
Сабақтың мақсаты:
Білімділігі: Оқушыларды алгоритмнің командалары және оның құрылымын түсіндіре отырып, алгоритм құру кезеңдерімен таныстыру, практика жүзінде қолдануға үйрету;
Дамытушылығы: Оқушыларды сызықтық, тармақталған алгоритмнің командаларымен және блок схемасымен таныстыра отырып, алгоритм құру дағдыларын қалыптастыру, логикалық ой - өрістерін дамыту;
Тәрбиелік: Оқушыларды ұқыптылыққа, жинақылыққа адамгершілікке тәрбиелеу.
Сабақтың түрі: өздік жұмысы
Сабақтың барысы:

1. Ұйымдастыру
2. Өткен материалды қайталау
3. Өздік жұмысы
4. Сабақты бекіту
5. Үйге тапсырма

ІІ. Өткен материалды қайталау
• Алгоритм командалары есеп шартына байланысты қалай бөлінеді?
• Жай және құрама командалардың айырмашылықтары қандай?
• Сызықтық алгоритм дегеніміз не?
• Тармақталу алгоритмі мен циклдік алгоритмнің айырмашылығы қандай?
• Компьютерде есеп шығару қандай кезеңдерден тұрады?

ІІІ. Өздік жұмысы
1. Тармақталу алгоритміне мысал бола алатын мақалды айтыңыз. Ол мақалды блок - схемамен көрсетіңіз.
2. Келесі бұйрықтар тобын 16 рет қатарынан орындайтын орындаушы қайда болады?
10 метр алға жүру
Сағат тілімен 90 – қа бұрылу
3. Математика оқулығынан алгоритмге мысал келтір. Сол бойынша блок - схема құрыңдар.
4. Дені сау мысықтың баласы күніне 8 сағаттан кем емес уақыт ойнайды. Марғау деген мысықтың дені сау екенін анықтайтын алгоритм құрыңдар.
5. Алгоритмнің сөздік немесе графикалық формасын құрыңдар.
А) сабаққа сөмкені дайындау
Б) таңғы жаттығуды жасау
В) үй тапсырмасын орындау
Г) тікбұрыштың периметрін анықтау
Д) бәліш әзірлеу рецепті
6. 72 санына келтірілген төмендегі алгоритмнің нәтижесі қандай?
Басы
21 - ді қос
75 - ті алып таста
Егер алынған нәтиже 10 - нан кіші болса, онда 15 - ті қос, ал егер 10 үлкен болса, 2 - ні алып таста
Нәтижені жарияла
Соңы
Келтірілген алгоритмге блок схема құрыңдар.
Үйге тапсырма. №1 - 3 тапсырмаларды аяқтау.

Толық нұсқасын қарау