Қазақша рефераттар

Бейнелеу өнерінің түрлерін ата

Сабақ туралы қысқаша мәлімет

Мектеп

Жаңашаруа қазақ орта мектебі

Аймақ

Атырау облысы, Қызылқоға ауданы, Қоныстану селосы

Мұғалім

Балмұханов Нұрболат Қобланұлы (бейнелеу өнері, сызу және технология пәндерінің мұғалімі)

Тақырып

«Бояулар сыры»

Мақсаттары

Білімділік

Оқушыларды бояулардың түрлерімен, негізгі және қосымша түстермен таныстыру. Түстермен жұмыс істеу тәсілдерін меңгерту.

Дамытушылық

Сурет салу дағдысын, логикалық ойлауын, есте сақтауын және елестету қабілетін дамыту. Берілген тапсырманы уақытында әрі сапалы орындауға үйрету.

Тәрбиелік

Өнерді құрметтеуге баулу, эстетикалық талғамын арттыру және ұқыптылыққа тәрбиелеу.

Құрал-жабдықтар және әдістер

Көрнекіліктер

  • Слайдтар
  • Құрастырма суреттер
  • Геометриялық фигуралардан құралған тапсырмалар
  • Әртүрлі үлгі суреттер

Әдіс-тәсілдер

  • Сұрақ-жауап
  • Топпен жұмыс
  • Құрастыру
  • Тақырыпқа сай сурет салу

Сабақтың барысы

I. Ұйымдастыру кезеңі

Оқушылармен амандасу, қатысымды белгілеу және сабаққа дайындықтарын тексеру.

II. Үй тапсырмасын тексеру (сұрақ-жауап)

Әр топқа төрт сұрақтан қойылады. Мақсат — өткенді еске түсіріп, негізгі ұғымдарды нақтылау.

I топ

  1. Бейнелеу өнері дегеніміз не?
  2. Табиғат көрінісін бейнелейтін шығарма қалай аталады?
  3. Суға тез еритін бояу түрі қандай?
  4. Қарындаш дегеніміз не?

II топ

  1. Бейнелеу өнерінің түрлерін ата.
  2. Кемпірқосақ неше түстен тұрады? Түстерін ата.
  3. Адам келбетін бейнелейтін жанр қалай аталады?
  4. Түстер нешеге бөлінеді және олар қандай?

III. «Кім шапшаң, кім тапқыр?» (құрастырма тапсырма)

Қиылған суреттерді құрастырып, шыққан бейненің қай жанрға жататынын анықтап, түсіндіреді.

IV. «Сиқырлы есептер» және жұмбақтар

Түстерді араластыру логикасын бекітуге арналған тапсырмалар және жұмбақтар.

I топ (жұмбақтар)

  • Қызылы бар, сарысы бар, құйрығы бұлғаңдаған, түзде сондай тағысы бар. Ол не?

    Жауабы: Түлкі

  • Жеміс деймін шіркін асыл, іші қызыл, сырты жасыл. Ол не?

    Жауабы: Қарбыз

II топ (жұмбақтар)

  • Оны ағаштың басынан ізде, түрлі түске боянады күзде. Ол не?

    Жауабы: Жапырақ

  • Байлауда, аяқтап сенімді, сары қозым семірді. Ол не?

    Жауабы: Қауын

Түс қосудың үлгісі (араластыру)

Мұғалім мысал арқылы негізгі түстерді араластырудан қосымша түстердің шығуын көрсетеді (мысалы: қызыл + сары, көк + сары, көк + қызыл). Топтар формуланы толықтырып, нәтижесін атайды.

V. «Сөздерден түс шығару» (әріптерді орнына қою)

Оқушылар анаграмма түрінде берілген сөздерден түстердің атауын құрастырады.

I топ

  • Лызық → қызыл
  • Арқа → қара
  • Дөгірлік → көгілдір
  • Ырқоң → қоңыр
  • Рұс → сұр

II топ

  • Лысаж → жасыл
  • Асыр → сары
  • Киясөк → сиякөк
  • Гүлкін → күлгін
  • Лызықсары → қызылсары

VI. Сурет сайысы (топтық жұмыс)

Экранда әр топқа өлең жолдары көрсетіледі. Оқушылар өлеңнің мағынасына сүйеніп, көріністі қағаз бетіне бейнелейді. Соңында топ басшылары шығып, жұмыстың идеясын және қолданылған түстерді түсіндіреді.

VII. Қорытындылау және бекіту

Сабақ соңында негізгі сұрақтар арқылы білім бекітіледі.

  • Табиғат көрінісін бейнелейтін шығарма қалай аталады?
  • Суға тез еритін бояу түрі қандай?
  • Қарындаш дегеніміз не?
  • Кемпірқосақ неше түстен тұрады? Түстерін ата.
  • Түстер нешеге бөлінеді және олар қандай?

Бағалау

Оқушылардың шығармашылық жұмыстары мен сабаққа белсенді қатысуы ескеріледі. Жақсы орындаған оқушылар мадақталып, бағаланады.

VIII. Үй тапсырмасы

Тақырып: «Түстермен жұмыс». Негізгі және қосымша түстерді қолданып, шағын композиция орындау.