Сабақтың мақсаты мен ерекшелігіне тоқталу
Сабақтың мақсаты
Бұл сабақ оқушылардың мәтінді толық оқып, мазмұнын терең түсінуін тексеруге және алған білімін кеңейтуге бағытталған. Сонымен бірге қазақ отбасындағы ер баланың орнын ұғындырып, негізгі идеяны ашуға мүмкіндік береді.
Білімділік
Оқушылардың мәтінді толық оқып, меңгергенін тексеру; білімін кеңейту; шығарманың идеясын ашу; қазақ отбасындағы ер баланың орнын пайымдату.
Тәрбиелік
Қазақ халқының бауырмалдық қасиетін бағалай білуге, отансүйгіштікке, достыққа, мейірімділікке тәрбиелеу.
Дамытушылық
Оқушының өз ойын мақал-мәтелдерді жүйелі қолдана отырып дәлелдеуін дамыту; сабаққа қызығушылығын, ынтасын, ізденімпаздығын арттыру; әдеби-теориялық ұғымдарын тереңдету.
Сабақтың ұйымдастырылуы
Көрнекілігі
- Интерактивті тақта
- Слайдтар
- Портрет
- Тірек-сызба белгілері
- Кеспе қағаздар
Түрі
Ізденіс сабағы.
Әдіс-тәсілдері
- Топтық жұмыс
- Проблемалық жағдаят тудыру
- Дамыта оқыту элементтері
- Сұрақ-жауап
- Шығармашылық жұмыс
- Сатылай кешенді талдау
- Мақал-мәтелдің мағынасын ашу
Сабақтың барысы
I. Ұйымдастыру кезеңі
Сабақтың мақсаты мен ерекшелігі таныстырылады, оқу әрекетіне бағыт беріледі.
II. Үй жұмысын тексеру
Тапсырма: мәтінде кездескен қиын сөздердің анықтамасын жазып келу.
- Гимнастерка
- Әскери сырт киім.
- Протез
- Жоқ мүшенің орнына ыңғайлап жасалған жасанды мүше.
- Побогрейка
- Егін шабатын машина.
- Айыл
- Ер-тоқымды жылжымайтындай ұстап тұратын жалпақ қайыс тартпа.
Мәтіннен үзінді
«Ал, ағайын, тегіс жиналсақ, сөзіме құлақ сал, — деді басқарма. Соғыстан кейін жетісіп отырған ешкім жоқ. Мына балаларды бөлісіп алайық».
Жұрт дабырлап кетті.
а) Тапсырма
Балаларды бөлісіп алу көрінісін талдау.
ә) Тапсырма
Зигфридке арнап жасалған асық жілік тойының мәнін ашу.
Пікірталас
Сыныпта қысқа пікірталас ұйымдастырылады:
- Қазақтың қаракөз бөбектерін шетелге беру дұрыс па?
- Дұрыс емес пе? Өз көзқарасыңды дәлелдермен қорға.
Талқылауда этикалық ұстаным, тарихи жағдай және адам тағдырына жауапкершілік сияқты ұғымдар назарда ұсталады.