Қазақша рефераттар

Мәтіннің түсі

Сабақ жоспары Информатика Жаңа тақырып

Сабақтың тақырыбы: Қаріп, абзац, шегіністер мен аралықтар

Бұл сабақта мәтінді кәсіби түрде пішімдеудің негізгі элементтері қарастырылады: қаріп параметрлері, абзац баптаулары, шегіністер, аралықтар, сызғыш пен табуляция, сондай-ақ мәтінді тізім түрінде рәсімдеу.

Күтілетін нәтиже

  • Мәтін енгізер алдында, ерекшеленген бөлік үшін және бүкіл мәтін үшін қаріп түрін және өлшемін дұрыс таңдауды меңгереді.
  • Абзац параметрлерін баптауды, соның ішінде бірінші жол шегінісін түзетуді орындайды.
  • Сызғышты және табуляцияны қолдануды, сондай-ақ мәтінді тізім түрінде рәсімдеуді үйренеді.

Сабақтың мақсаты

Білімділік

Қаріп, абзац, шегіністер мен аралықтармен жұмыс істеуді үйрету және компьютерге деген қызығушылықты арттыру.

Дамытушылық

Ойлау қабілетін және танымдық белсенділікті арттыра отырып, компьютермен жұмыс істеу дағдыларын дамыту.

Тәрбиелік

Эстетикалық талғамды қалыптастыру және сабақта алған білімді орынды қолдануға тәрбиелеу.

Сабақ барысы

I. Ұйымдастыру

  • Сәлемдесу, оқушыларды түгендеу, сабаққа сәттілік тілеу.
  • Топқа бөлу: I топ — Қаріп, II топ — Абзац, III топ — Шегіністер.
  • Осы сөздер жазылған үлестірмелерді таңдау арқылы топтарға орналасу.
Дайындық

II. Үй тапсырмасын тексеру

Мәтінді пішімдеудің негізгі тәсілдерінің бірі — қаріпті өзгерту. Word бағдарламасында бұл үшін жолақтың Басты (Главная) → Қаріп (Шрифт) бөлімін немесе Қаріп жанама мәзірі бұйрықтарын қолданады.

Қаріппен жұмыс істеудің негізгі құралдары

  • Қаріп гарнитурасын (түрін) таңдайтын ашылмалы тізім.
  • Қаріп кеглі (өлшемі), пунктермен беріледі.
  • Қаріп өлшемін үлкейту және кішірейту.
  • Регистрді өзгерту: бас/кіші әріп режимдерін түрлендіру.
  • Пішімді тазалау (қаріптің барлық баптауларын алып тастау).
  • Жартылай қою, курсив, асты сызу.
  • Сызып тастау (strikethrough).
  • Жоласты белгісі: X2.
  • Жолүсті белгісі: X2.
  • Мәтінді маркермен ерекшелеу (фломастермен боялғандай әсер).
  • Мәтін түсін өзгерту.
Қайталау

Мұғалім туралы

Информатика пәні мұғалімі

Құрманғалиев Амантай Абитаевич