Қазақша рефераттар

Логикалық есептерді шығара білу

Логикалық есептер сайысы (сыныптан тыс жұмыс)

Мақсаты

  • Логикалық есептерді шығара білу.
  • Шығармашылық қабілеттерін дамыту.
  • Ынтымақтастыққа тәрбиелеу.

Көрнекілігі

  • Пойыздың суреті.
  • Конверттер.
  • Плакаттар.
  • Ұлы ғұламалардың портреттері.

Ереже

  • Қойылған сұрақтарға дұрыс әрі нақты жауап беру.
  • Әр дұрыс жауапқа 1 ұпай беріледі.
  • Тәртіп сақтау және өзара құрмет көрсету.

Мұғалімнің кіріспе сөзі

Сайысқа шақыру

Міне, залда тыныштық — естілмейді дыбыс түк. Мұны біз де қоштаймыз, кешіккендерді тоспаймыз. Ғылымдардың ғылымы — математика жайында логикалық есептер сайысын бастаймыз!

Қош келдіңіздер, қадірлі ұстаздар мен оқушылар, математиканың жанкүйерлері! Бүгін біз математиканың қыр-сырын танып, көңілді демалып, білімімізді сынау үшін жиналдық.

Математика туралы ой

Жас достар, мұны жақсы ұғайық: математика ғылымы құрметтеуге лайық. Дүниедегі құбылыстың мәнін, табиғаттың қозғалысын — бәрін де есепсіз түсіну мүмкін емес. Есеп — дүниенің кілті.

Сюжет: «Логикалық есептер пойызы»

Тыңдаңыздар! Тыңдаңыздар! «Логикалық есептер» пойызы №11 орта мектебінің аялдамасына келіп тоқтады. Пойыз жолдың бірінші желісінде — абай болыңыздар!

Пойыз да келіп қалды. Ендеше білім сапарына аттанғалы тұрған қатысушыларды ортаға шақырамыз: 5 «А», 5 «Ә», 5 «Г», 6 «А», 6 «Ә» сынып оқушыларын.

Әділқазылар алқасы

  • Мұсабекова Н. М.

  • Байсугурова Р. Ж.

  • Джумабаева Ж. Т.

  • Омарова А. Е.

  • Ботаева Роза

    10 «А» сынып оқушысы

Тегін жолдама шарты

«Логикалық есептер» пойызына тегін жолдама беріледі. Бір ғана шарт бар: әр топ сәлемдесіп, өзін таныстырады.

Құрметті жолаушылар! Пойызға отырғызу басталды. Асығыңыздар, сақ болыңыздар! Ал енді сапарға аттанайық. Сәт сапар!

Рефлексия

«Көңіл-күй шкаласынан» өз көңіл-күйіңізге сәйкес суретті таңдап алып, белгілеп қойыңыздар (тақтадағы сурет бойынша).

1-аялдама: «Математикалық эстафета» (Блиц-турнир)

Әр топ сұрақтарға жылдам жауап береді. Дұрыс жауап — 1 ұпай.

1-топ

  1. Үстелдің 4 бұрышы бар. Егер бір бұрышын кесіп тастаса, неше бұрыш қалады?

    Жауап: 5

  2. Мектеп ауласында 18 шырша өсіп тұр. Тағы 4 емен және 3 шырша отырғызылды. Мектеп ауласында барлығы неше шырша бар?

    Жауап: 20

  3. Төртеуі 4 сағат шахмат ойнады. Әрқайсысы қанша сағат ойнады?

    Жауап: 4 сағат

  4. Қатар тұрған үш санның қосындысы да, көбейтіндісі де 6-ға тең. Ол қандай сандар?

    Жауап: 1, 2, 3

  5. Түнгі сағат 11-де жаңбыр жауса, 48 сағаттан соң күн шығады деуге бола ма?

    Жауап: Жоқ, себебі 48 сағаттан соң қайтадан түн болады.

2-топ

  1. Жанұяда 3 ұл бар. Әр ұлдың 1 әкесі бар. Жанұяда неше бала бар?

    Жауап: 4

  2. 1 жұмыртқаны қайнатуға 3 минут кетсе, 5 жұмыртқаны қайнатуға неше минут керек?

    Жауап: 3 минут

  3. Бөлмеде 4 мысық отыр. Әр мысықтың алдында 3 мысық отыр. Бөлмеде барлығы неше мысық отыр?

    Жауап: 4

  4. Екі аяғымен түрегеп тұрған адамның салмағы 50 кг. Бір аяғымен тұрған адамның салмағы неше кг?

    Жауап: 50 кг

  5. Адамның 10 қолында неше саусақ бар?

    Жауап: 50

3-топ

  1. Сағат тілі тәулігіне неше рет тік бұрыш жасайды?

  2. Мектепке келе жатқан 5 балаға қарсы жолда тағы 4 бала жолықты. Мектепке неше бала барды?

  3. Екі адам 4 сағат шахмат ойнады. Олардың әрқайсысы неше сағат ойнады?

  4. 4 пен 5-тің арасына қандай таңба қойылса, 4-тен үлкен, 5-тен кіші сан шығады?

  5. Жанұяда 2 ұл бар. Әр ұлдың 2 әпкесі және 1 әкесі бар. Әр қыздың бір анасы бар. Жанұяда барлығы неше адам бар?

4-топ

  1. Ұшақ Семейден Алматыға дейін 1 сағат 20 минут ұшады, ал кері қарай 80 минут ұшады. Бұл айырмашылықты қалай түсіндіресің?

  2. Кім барлық тілде сөйлейді?

  3. Қандай жолмен ешқашан адам жүрмейді?

  4. 4 ұлда неше саусақ бар?

  5. Түзудің бойынан 4 нүкте ал. Ұштары осы нүктелер болатын неше кесінді пайда болады?

5-топ

  1. Алты 7-ден 100 санын жаз.

  2. Биіктігі 6 метр бағанға ұлу өрмелеп шығып келеді. Күндіз 4 метр көтеріледі, түнде 3 метр төмен түседі. Ол неше күнде төбесіне шығады?

  3. 10 метр сатыдан секіріп, жарақаттанбай түсуге бола ма? Қалай?

  4. 18 санын 2, 3, 4, 5, 6, 7, 8, 9 сандарына көбейткенде цифрлардың қосындысы өзгермейді. Осындай қасиеті бар тағы екі таңбалы сан бар ма?

  5. Үш түйеқұс ұшып келе жатты. Аңшы олардың бірін атып алды. Қаншасы қалды?

Ескерту

Кейбір сұрақтардың жауабы мәтінде берілмеген. Оларды талқылау барысында топтар өз дәлелін келтіріп, шешімін қорғайды.