Ақпараттық технология туралы оқушылар түсінігін молайтып, қоғамдағы және күнделікті өмірдегі ақпараттық технологияның маңызын ұғындырып, қолдану аясын түсіндіру
Сабақтың тақырыбы
Ақпараттық технологиялардың қоғамдағы рөлі (презентациямен).
Білімділік мақсаты
- Оқушылардың ақпараттық технология туралы түсінігін кеңейту.
- Қоғамдағы және күнделікті өмірдегі маңызын ұғындыру, қолдану аясын түсіндіру.
- «Ақпараттық ресурс», «ақпарат нарығы», «ақпараттық дағдарыс» ұғымдарының мәнін меңгерту.
Дамытушылық мақсаты
- Жаңа технологиялармен жұмыс істеуге қызығушылықты арттыру.
- Ақпараттық технологияға құштарлық пен танымдық белсенділікті дамыту.
Тәрбиелік мақсаты
- Қоғамды алға жылжытуға, өмірді сүюге, өркениетке ұмтылуға тәрбиелеу.
- Оқушы бойына ұлттық патриотизмді сіңіру.
Сабақ туралы қысқаша ақпарат
Көрнекіліктер
Флипчарт, музыка, асық, қағаз, қайшы, плакат, клей.
Әдіс-тәсілдер
Баяндау, түсіндіру, сұрақ-жауап, ойын.
Сабақтың түрі
Аралас сабақ.
Пәнаралық байланыс
Қазақ тілі, математика, дене шынықтыру.
Сабақтың барысы
-
1
Ұйымдастыру
Оқушылармен амандасу, сабаққа дайындықты тексеру, назарды шоғырландыру.
-
2
Өткен тарауды қорытындылау
«Стандартты программалар» тарауын қайталау, білімді практикалық тапсырмалар арқылы бекіту.
-
3
Сергіту сәті
«Балапандар биі» арқылы қысқа сергіту жаттығулары.
-
4
Жаңа сабақ
Әлеуметтік информатикаға кіріспе. Тақырып: Қоғамның ақпараттық ресурстары.
-
5
Қызықты тапсырмалар
Ойын форматындағы тапсырмалар арқылы білімді қолдану және бекіту.
-
6
Сабақты қорытындылау
«2 жүрек, 1 тілек» әдісі: екі ұнаған тұс және бір ұсыныс.
-
7
Бағалау
Смайликтер арқылы көңіл күй мен кері байланысты білдіру.
Сабақтың кіріспе сөзі
Сәлеметсіздер ме, оқушылар! Бүгінгі сабағымызда өзіміз аяқтаған «Стандартты программалар» тарауын қорытындылап, жаңа бөлім — «Әлеуметтік информатика» тарауын бастаймыз.
Топқа бөлу: «Аюлар мен құстар» ойыны
Сабақты бастамас бұрын екі топқа бөлінеміз. Ол үшін ортаға шығып, «Аюлар мен құстар» ойынын ойнаймыз:
- «Аюлар, жүріңдер!» дегенде — ормандағы аюлар сияқты қорбаңдап жүресіңдер.
- «Құстар, ұшыңдар!» дегенде — құстар сияқты қанат қағып ұшасыңдар.
- Құс болып 5–5-тен топтасып, екі топқа бөлінесіңдер.
- Әр топ информатикалық терминдерден өзіне ат қояды.
Топ ережелері
- Тыныштық сақтау.
- Бір-бірін тыңдау.
- Өз ойын ашық айту.
Бекіту: «Хан талапай» ойыны
Ойын шарты
- Ойынға 10 асық беріледі.
- Әр асықта 10, 20, 30 ұпай жазылған.
- Әр командадан 2 оқушы шығып, шашылған асықтан 5 асықтан алады.
- Қызыл асықты алған команда тапсырма орындамайды, оның орнына 20 ұпай сыйлық ретінде беріледі.
- Қалған асықтар — тапсырма.
Тапсырмалар тізімі
10 ұпай
Калькулятормен есепте: 50×2 + 10 = 110.
30 ұпай
Paint-та гүлдің суретін сал.
20 ұпай
Блокнотта төмендегі өлең жолдарын альбомдық бетке жаз:
Ана тілің — арың бұл,
Ұятың боп тұр бетте.
Өзге тілдің бәрін біл,
Өз тіліңді құрметте.
30 ұпай
Paint-та фигуралар арқылы үй құрастыр.
20 ұпай
WordPad-та өзің туралы қысқаша мәлімет жаз.
20 ұпай
WordPad-та «Информатика сабағы өтіп жатыр» деп жазып, мәтіннің астына ағымдағы күн мен уақытты түсір.
30 ұпай
Paint-ты ашып, күннің суретін сал және қасына мына жолдарды жаз:
Жарқырай бер, алтын күн,
Нұрыңа әлем жылынсын.
10 ұпай
Блокнотты ашып, «Білім кілті кітапта» мақалын жаз да, құжатты «Кітаптар» деген атпен сақта.
10 ұпай
Калькулятормен есепте: 90 + 40 − 130 = 0.
Қызыл асық
20 ұпай сыйлық.
Қатені анықтау тапсырмасы
Әр топ төмендегі мәтіндегі қателерді тауып, дұрыс нұсқасын ұсынады.
1-топқа
Мен стандартты программалармен жұмысты бастау үшін Пуск → Программалар → Интернет әрекетін орындаймын. Ашылған қатардан Блокнотты таңдап, ол арқылы сурет саламын. Paint бағдарламасы арқылы ән, әуендерді тыңдап, Калькулятормен мәтіндерді теремін және дыбыс жазу бағдарламасы арқылы есептерді шығарамын.
2-топқа
Мен компьютермен жұмыс істегенде міндетті түрде монитор мен сканерді іске қосамын. Тышқанмен әріптерді теріп, сурет салу керек болса сканерді пайдаланамын. Компьютерге дайын мәтінді қолдан енгізу үшін джойстикті қолданамын. Ал мәтінді басып шығару үшін терезелерге қағаз саламын. Принтер арқылы әндерді тыңдап, колонкаға құжаттарымды сақтаймын.
Сергіту сәті
Жаңа сабаққа кіріспес бұрын қысқаша сергіту сәтін өткіземіз: «Балапандар биі».
Жаңа сабақ
Қоғамның ақпараттық ресурстары
Бұл бөлімде ақпараттық технологиялардың қоғам өміріндегі маңызы, ақпараттық ресурстардың орны және әлеуметтік информатика ұғымына кіріспе қарастырылады.