Қазақша рефераттар

Жауабын қысқарған сөз қатыстырып жазу

Тақырыбы: Сөз және оның мағынасы

Бұл сабақ жоспары оқушылардың өткен тақырыптарды қайталау арқылы білімін бекітуге, сөйлеу мәдениетін дамытуға және сөз туралы ұғымын кеңейтуге бағытталған. Сабақ сайыс түрінде ұйымдастырылып, әр кезең арқылы оқушының белсенділігі мен ойлау дағдысы күшейтіледі.

Мақсаты

  1. Өткен сабақта алған білімдерін қайталау арқылы оқушының ой-пікірін пысықтау, тиянақтау.
  2. Оқушының сөйлеу дағдысын жетілдіру, сөздік қорын молайту, сөз туралы түсінігін кеңейту.
  3. Сыпайылыққа және әдептілікке тәрбиелеу.

Көрнекілігі

  • Үлестірмелі қима қағаздар
  • Оқулық
  • Көк, жасыл, қызыл конверттер (ішінде тапсырмалар)

Сабақ форматы

Оқушылар үш топқа бөлініп, кезең-кезеңімен тапсырма орындайды. Әр топқа тапсырмалар жазылған конверттер ұсынылады. Мақсат — өткен материалды қаншалықты меңгергенін анықтау және білімді ойын түрінде бекіту.

Көк конверт Жасыл конверт Қызыл конверт

Сабақ барысы

I. Ұйымдастыру кезеңі

  • Сабаққа дайындықты тексеру.
  • Оқушыларды үш топқа бөлу.
  • Сайыс ережесімен таныстыру.

II. Үй тапсырмасын тексеру

Үйге берілген жаттығудағы сөйлемдерді көшіріп жазып, қысқарған сөздерге жалғаулардың қалай жалғанғанын түсіндіру. Оқушылар өз жауаптарын ауызша дәлелдейді.

III. Білімді тиянақтау (сайыс кезеңдері)

1-кезең

Алғашқы адым

Әр топ конверттегі сұрақтарға жауап береді. Қалған оқушылар тақтадағы берілген сөздерді мағынасына қарай ретімен орналастырады.

I топ (Көк конверт)

  1. Түбір сөз дегеніміз не?
  2. Сөйлем дегеніміз не?
  3. Буын үндестігі дегеніміз не?
  4. Мәтін дегеніміз не?
  5. Етістік дегеніміз не?

II топ (Жасыл конверт)

  1. Сөз тіркесі дегеніміз не?
  2. Мәтін түрлерін ата.
  3. Жай сөйлем дегеніміз не?
  4. Дыбыс үндестігі дегеніміз не?
  5. Сөйлемнің дара мүшесі дегеніміз не?

III топ (Қызыл конверт)

  1. Қыстырма сөз дегеніміз не?
  2. Қос сөздер дегеніміз не?
  3. Құрмалас сөйлем дегеніміз не?
  4. Біріккен сөз дегеніміз не?
  5. Сөйлемнің күрделі мүшесі дегеніміз не?

2-кезең

Кім жылдам

Әр топқа сөздер беріледі. Сол сөздерді пайдаланып сөйлем құрап, дәптерлеріне жазады және дауыстап оқиды.

3-кезең

Ой түйін

Әр топқа мәтін беріледі. Мәтін оқылып, оған ат қойылады. Сонымен қатар берілген мәтіннің қай түрге жататыны анықталады.

4-кезең

Ойлан, тап

Екі-үш шумақ өлең оқылады. Оқушылар өлеңнен өздері білетін тілдік бірліктерді табады: қос сөз, біріккен сөз, қыстырма сөз.

5-кезең

Мәреге жету

Оқушылармен бірге талқылау жүргізіледі: бүгін қандай сөздер туралы айтылмай қалды? Нәтижесінде қысқарған сөздер тақырыбына қатысты қосымша тапсырмалар орындалады.

Кітаппен жұмыс: 265-жаттығу

Қысқарған сөздерді толық жазу:

кг км см л г м мм

Мысалы: кг — килограмм, л — литр, т.б.

266-жаттығу

  1. Есепті көшіріп жазу және шығару.
  2. Жауабын қысқарған сөздерді қатыстырып жазу.

Үлгі жауап

Серік 300 м жол жүрді, зат салмағы 2 кг 450 г.

267-жаттығу

Сөйлемдерді оқу және қысқарған сөздерді табу.

268-жаттығу

Қысқарған сөздерді толық жазу:

  • Біріккен Ұлттар Ұйымы — БҰҰ

  • Тәуелсіз Мемлекеттер Достастығы — ТМД

  • Қазақ Ұлттық Педагогикалық Университеті — ҚҰПУ

  • Ұжым шаруашылығы — ҰШ

6-кезең

Қорытынды
  • Сұрақ-жауап арқылы сабақты қорытындылау.
  • Оқушылардың білімін бағалау.
  • Үй тапсырмасы: 269-жаттығу.

Ақпарат

Өңір
Шығыс Қазақстан облысы, Аягөз қаласы
Мектеп
К. Бозтаев атындағы жалпы білім беру мектебі
Бастауыш пән мұғалімі
Шегебаева Қарлығаш Қайрлықызы