Оқушылардың ойлау мен еркін сөйлеу қабілеттерін дамыту
Сабақ туралы қысқаша ақпарат
Тақырып
Ұлттық тағамдар. Сөйлем мүшелері.
Сабақтың түрі
Қайталау сабағы.
Сабақтың типі
Аралас сабақ.
Әдіс-тәсілдер
- Түсіндіру
- Әңгімелесу
- Сұрақ–жауап
- Кестемен жұмыс
- Ой жинақтау
Көрнекіліктер
Суреттер, карточкалар, ватмандар, маркерлер, стикерлер, презентация, музыка, интерактивті тақта.
Ұйымдастыру формасы
Топтық жұмыс.
Пәнаралық байланыс
Қазақ әдебиеті, тарих, бейнелеу өнері.
Мақсат пен міндеттер
Сабақтың мақсаты
Өткен тақырыптар бойынша білімдерін бекіту және қазақша жатық сөйлеуге машықтандыру.
Білімділік
Ұлттық тағам түрлерін танып-білуге және өз ойын еркін, жүйелі, тиянақты жеткізе білуге дағдыландыру.
Дамытушылық
Оқушылардың ойлау қабілетін және еркін сөйлеу дағдыларын дамыту.
Тәрбиелік
Қазақ халқының салт-дәстүрін, әдет-ғұрпын қадірлеуге және құрметтеуге баулу.
Сабақта ерекше назар
Сабақты бекіту кезеңінде мақал-мәтелдерді орынды қолдану және талдау арқылы оқушылардың тілдік қорын байыту көзделеді.
Оқушылардың бастапқы білімі
Не біледі?
- Қазақтың ұлттық тағамдары үш топқа бөлінетінін біледі.
- Соғым сою — қазақ халқының дәстүрі екенін біледі.
- Сыйлы қонақтарға ұсынылатын тағамдар туралы мәліметі бар.
- Тамаққа байланысты ырымдар мен тыйымдарды жақсы біледі.
Мақсат бірдей ме?
Оқушылардың мақсаттары қабілеттеріне байланысты әртүрлі болады. Дегенмен, ортақ бағыт — білімді қайталау, жүйелеу және сөйлеу мәдениетін жетілдіру.
Сабақ соңындағы күтілетін нәтиже
Нені біледі?
- Ұлттық тағамдардың ерекшеліктерін түсіндіре алады.
- Ет, сүт, нан тағамдарын бір-бірінен ажырата алады.
- Мақал-мәтелдер мен ырымдарды орынды қолдануды бекітеді.
Нені жасай алады?
- Берілген тапсырмаларды өз бетімен орындап, өзін-өзі тексере алады.
- Интерактивті тақта мен флипчартты тиімді қолдана алады.
- Кластер, Венн диаграммасы және бес жолды өлең құрастыра алады.
Бағалау және кері байланыс
Оқушыларды қалай бағалаймын?
Сабақтың басында және соңында оқушылар стикерге «Нені үйрендім?», «Не ұнады?», «Қандай қиындықтар кездесті?» деген сұрақтарға жауап жазады. Оқушылардың жетістіктеріне қарай бағалау парақтары арқылы қорытынды баға қойылады.
Сабақтың сәтті өткенін қалай білемін?
Оқушылардың көңіл күйіне, тапсырмаларды орындау барысына, сабақ соңындағы стикерлердегі пікірлеріне және бақылаушылар берген бағалауға сүйене отырып қорытынды жасаймын. Сонымен қатар, олардың сабаққа белсенді қатысуы мен меңгерген білімі негізгі көрсеткіш болады.
Қолдауды қажет ететін оқушылармен жұмыс
Қиындық көріп отырған оқушыға жеке тапсырмалар беріледі және қажет болған жағдайда қадамдап түсіндіру арқылы қосымша қолдау көрсетіледі.