Қазақша рефераттар

Буын үндестігіне бағынбайтын қосымшалар

Сабақ туралы жалпы мәлімет

Сынып

5-сынып

Сабақтың түрі

Жаңа сабақ

Тақырып

  • Буын үндестігіне бағынбайтын қосымшалар
  • Буын үндестігі

Сілтеме (оқулық)

Қазақ тілі: Г. Қосымова, Ж. Дәулетбекова. Алматы: «Атамұра», 2010.

Құрал-жабдықтар

  • Интерактивті тақта
  • Көрнекіліктер: стикерлер, маркерлер, карточкалар
  • Бағалау критерийлері

Әдіс-тәсілдер

  • Жеке, жұптық, топтық жұмыс
  • Сұрақ-жауап, талдау, қорыту, бекіту
  • Ауызша және жазбаша жұмыс
  • Сыни тұрғыдан ойлау стратегиялары: «ой тастау», «топтастыру» және т.б.

Мақсат, міндет және күтілетін нәтиже

Сабақтың мақсаты

Буын үндестігіне бағынбайтын қосымшалар туралы мәлімет беру және жаттығу жұмыстары арқылы түсіндіру.

Міндеттері

  • Оқушылардың белсенділігін арттыру.
  • Сабаққа қызығушылық қалыптастыру.
  • Жаттығулар арқылы ойландыру, топтық жұмыста еркін пікір айтуға жағдай жасау.

Күтілетін нәтиже

1. Жаңа сабақ материалын меңгереді.

2. Қосымшаларды қатыстырып сөйлем құрайды және сұрақ қоя алады.

3. Көргені мен естігенін өз ойымен еркін жеткізеді.

4. Бір-біріне сұрақ қойып, пікір білдіреді.

5. Ұжымдасып еңбек етуге дағдыланады.

Сабақтың құрылымы мен кезеңдері

Ұйымдастыру кезеңі

Уақыты: 2 минут

  1. 1 Амандасу.
  2. 2 Ынтымақтастық атмосферасын құру: оқушылар шеңберге тұрып, бір-біріне жылы лебіз айтады (мысалы: «Сен бүгін өте әдемісің», т.б.).
  3. 3 Қиғаш қағаздар таратылады. Қағаз шеттері 4 түрлі түспен боялған. Сол түстерге сәйкес оқушылар 4 топқа бөлінеді.

Үй жұмысын тексеру

Уақыты: 5 минут

Мұғалімнің әрекеті

  • Үй тапсырмасын «шеңбер» форматында тексеру: әр оқушы өткен тақырып бойынша сұрақ жазады, мұғалім қағаздарды араластырып қайта таратады, оқушылар түскен сұраққа жауап жазады.
  • Оқушылардың түсіну деңгейін бақылап, сұрақтардың сапасын қадағалау.
  • Жаттығу жұмысын тексеру.

Оқушының әрекеті

  • Өткен тақырып бойынша сұрақ құрастырады.
  • Өздеріне түскен сұраққа қысқа әрі нақты жауап береді.
  • Жаттығу тапсырмасын ұсынады және қажет болса түзетеді.

Жаңа сабақ

Уақыты: 28 минут

Тақырыпты ашу (сыни ойлау)

Оқушыларға ой тастау сұрағы ұсынылады: «Әуезовтің бе, әлде Әуезовтың ба?» Осы сұрақ арқылы буын үндестігі және буын үндестігіне бағынбайтын қосымшаларға назар аудартылады.

АКТ және топтық жұмыс

322-жаттығу бойынша: «Шәкір Әбенов кім?» тақырыбында интернеттен ақпарат іздеп, оқып, қысқа слайд дайындайды.

Нәтиже

Ақпаратты іріктеу, мазмұндау және топ ішінде рөл бөлісу дағдылары қалыптасады.

«ТВ-шоу» форматы (қатысымдық тапсырма)

Мұғалім буын үндестігіне бағынбайтын қосымшаларды алдын ала қағазға жазып таратады. Оқушылар сұрақ қойған кезде сол қосымшаларды міндетті түрде қолданады, ал «қонақтар» жауап барысында қосымшаларды қатыстырып сөйлейді.

  • Әр топтан бір оқушы шығып, ортаға жайғасады.
  • Қойылған сұрақтарға жауап береді, дәлел келтіреді.
  • Қорытынды сұрақ: «Осы шоу арқылы қандай ой түйдіңдер?» — оқушылар жаңа тақырыпты өздері тұжырымдайды.

Жеке жұмыс

319-жаттығу орындалады.

Уақыты: 2 минут

Жұптық тексеру

Оқушылар дәптерлерін ауыстырып, бір-бірінің жұмысын тексереді. Кейін интерактивті тақта арқылы сыныппен бірге қайта тексеріледі.

Уақыты: 2 минут

Бағалау (оқыту үшін бағалау және оқуды бағалау)

Бағалау критерийлері сабақ басында таратылады. Топ басшысы әр тапсырмадан кейін топ мүшелерін критерийге сүйене отырып бағалап отырады.

Талантты және дарынды оқушылармен жұмыс

  • «ТВ-шоу» тапсырмасында сөйлеу мәдениеті, дәлелдеу, тілдік икемділік арқылы байқау.
  • Үй тапсырмасын орындауда жауаптың толықтығы мен сауаттылығын қадағалау.