Қазақша рефераттар

Ненің тұқымы

Сабақтың тақырыбы: Гүл, жеміс және тұқым

Сабақтың мақсаты

  • Білімділік: өсімдіктің тұқым арқылы көбеюі туралы түсінікті тереңдету.
  • Дамытушылық: оқушылардың дүниетанымын, ойлауын және пәнге қызығушылығын дамыту.
  • Тәрбиелік: табиғатқа қамқорлықпен қарауға тәрбиелеу.

Сабақтың сипаттамасы

Сабақтың түрі
Аралас сабақ
Пәнаралық байланыс
Еңбекке баулу, әдебиеттік оқу
Көрнекіліктер
Слайдтар, жеке суреттер, дидактикалық материалдар

Әдіс-тәсілдер

Сұрақ-жауап Ой қозғау Ойын Түсіндіру Венн диаграммасы «Ойлаудың алты қалпағы»

Сабақтың жүру барысы

Төменде сабақ кезеңдері рет-ретімен берілген. Мақсат — оқушылардың тұқым, гүл, жеміс туралы түсінігін жүйелеу және тәжірибелік тапсырмалар арқылы бекіту.

I

Ұйымдастыру және психологиялық дайындық

Бүгін бізде ерекше сабақ өтіп жатыр. Тәртіп пен оқу деңгейін ұстаздар көріп отыр. Ендеше тәртіпті болайық, Күн сайын жақсы оқиық. Білім — әркімге қажет.

II

Үй тапсырмасын сұрау және қорытындылау

1) Мәтін бойынша түсінік айту

«Күзде жапырақтар неге сарғаяды және неге түседі?» тақырыбы бойынша өз ойларын қысқаша баяндау.

2) Сұрақ-жауап

  • Жапыраққа жасыл түс беретін зат қалай аталады?
  • Күзде жапырақтың түсі неге өзгереді?
  • Жапырақ неге түседі?
  • Жерге түскен жапырақтар мен қураған шөптердің қандай пайдасы бар?
  • Күз мезгіліне байланысты қандай өлеңдер білесіңдер?

3) Шығармашылық жұмыс

Кепкен жапырақтан жасалған жұмыстарды көрсету және қысқаша таныстыру.

III

Жаңа сабақ: «Ойлаудың алты қалпағы» әдісі

Әр «қалпақ» — тапсырманың жеке бағыты. Оқушылар ой қозғап, салыстырып, дәлелдеп, қорытынды жасайды.

1-қалпақ: Ой қозғау (жұмбақтар)

Біреуін бердім, Онын тердім.

Жауабы: тұқым

Аласа терек Күлтеленген жалына, Ұнаса керек, Моншақ таққан малына.

Жауабы: тары

Жүзін орап гүлменен, Күнге қарап телмірер. Тіспен шағып, тілменен Дәмін татқан ел білер.

Жауабы: күнбағыс

Ой шақыру сұрақтары

  • Тұқым деп нені айтамыз?
  • Тұқым арқылы не жүзеге асады?
  • Өсімдіктер тұқым арқылы қалай көбейеді?

2-қалпақ: «Ненің тұқымы?» дидактикалық ойыны

Жемістерді тиісті тұқымдарымен сәйкестендіру. Мақсат — жеміс пен тұқымның байланысын нақтылау.

3-қалпақ: Оқулықпен жұмыс

  1. 1Мәтінді оқып, түсіндіру.
  2. 2Оқушыларға іштей оқыту, кейін тізбектей оқыту.
  3. 3Мазмұны бойынша сұрақ-жауап.

4-қалпақ: Сергіту сәті

Біз гүлдерше өсеміз, Жапырағы жайқалған. Сабақтары салалы, Желмен бірге ырғалған.

5-қалпақ: Дәптермен жұмыс

  1. 1Тақырыпты дәптерге жазу.
  2. 2Өсімдіктің тұқым арқылы көбеюін көрсететін сызба құрастыру.

Сызба үлгісі

Тұқым → Тамыр → Сабақ → Жапырақ → Гүл → Жеміс

6-қалпақ: Қорытындылау

Венн диаграммасы арқылы шырынды және құрғақ жемістерді салыстыру.

IV

Үй тапсырмасы

Оқулықтағы тақырыпты қайталау, тұқым арқылы көбею кезеңдерін мысалмен түсіндіріп келу.

V

Бағалау

Оқушылардың жауап беру белсенділігі, тапсырмаларды орындауы және топтық жұмысқа қатысуы бойынша бағалау.