Қазақша рефераттар

Сұрақтарына жауап беретін сөйлем мүшесі

11-сынып (орыс сыныптары) — сыныптан тыс жарыс сабақ

Емтихан жағдайының өзі — стресс. Уақыт тапшылығы оқушының қобалжуын күшейтеді. Осындай қысымды бәсеңдетуде оқушылардың зейіні мен ықыласын бір нүктеге жинақтайтын, тапқырлық пен ой ұшқырлығын дамытатын, тіл байлығын арттыратын әрі білім сапасын көтеретін сайыс сабақтарының маңызы зор.

Төменде бағдарламалық тақырыптарды қайталау, тіл дамыту жұмыстары мен грамматикалық тапсырмаларды жүйелі меңгерту мақсатында жоспарланған сыныптан тыс сабақ үлгісі ұсынылады.

Сабақтың тақырыбы

Ойлан, тап!

Сабақтың мақсаты

Емтихан алдындағы қобалжуды азайту, зейінді шоғырландыру, тіл дамыту және грамматикалық білімді бекіту.

Сабақтың түрі

Жарыс сабақ

Сабақтың барысы

I кезең. Ширату

Жылдам ойлау • Тілдік серпін

1) Тура және ауыспалы мағына

Берілген сөздердің тура және ауыспалы мағынасын анықтаңдар:

  • Ыстық — шай, ықылас, нан
  • Тас — қамал, диірмен, жүрек
  • Қара — қолғап, қол, жүрек, күш
  • Суық — су, қол, адам, күн
  • Құрғақ — жер, шүберек, сөз

2) Тұрақты тіркестер

Берілген тұрақты тіркестерді аяқтап, мағынасын түсіндіріңдер:

Ала көзімен ...
Арасынан ... өтпейді
Бармағын ...
Бүйректен ... шығару
Екі ... бір ... тығу
Екі ... төрт болды
Екі ... екі құлағына жету
Ит ... басына қаптау
Түймедейді ... ету
Үріп ... салғандай
Қас пен ... арасында

Ескерту: тіркестердің мағынасын түсіндіргенде, кемінде бір мысал сөйлем құраңдар.

II кезең. Толғаныс

Әдеби талдау • Пікір айту

Өлеңмен жұмыс

  • •Мына өлеңнің авторы кім?
  • •Өлеңдегі мөлдірі және айдыны сөздерінің орнына қандай балама сөздер қолдануға болады?
  • •Бұлақ, ауыл сөздеріне қатысты қандай мақал-мәтел білесіңдер?

Көлдердің кең мөлдірі тап осында.

Айдыны ала шұбар, құс қиқулар,

Бұлақтың тәттісі де, тазасы да,

Ауыл, мал, масаты көл жағасында.

Шағын әңгіме құрастыру

Төмендегі сөздер мен сөз тіркестерін пайдаланып, шағын әңгіме құраңдар:

ел табиғат алтын бесік көркем кең дала ну орман таза ауа асқар тау

Талап: 6–8 сөйлем, кемінде 2 эпитет және 1 теңеу қолдану.

III кезең. Ойлан, тап!

Теория • Жылдам жауап

I топқа сұрақтар

  1. Тұрлаусыз мүшелерді атаңдар.
  2. Жақсыз сөйлем дегеніміз не?
  3. Кімді? Нені? сұрақтарына жауап беретін сөйлем мүшесі қайсы?
  4. Есімше қалай жасалады?
  5. Антоним дегеніміз не?
  6. Зат есім мағынасына қарай қалай бөлінеді?
  7. Архаизм дегеніміз не?
  8. Қорқыт қай ғасырда өмір сүрген?
  9. Сан есімдер құрамына қарай қалай бөлінеді?
  10. Салалас құрмалас сөйлемдер қалай жасалады?
  11. Жалпылау есімдігіне мысал келтіріңдер.
  12. Жамбыл Жабаевтың Ұлы Отан соғысы жылдарында жазған бір өлеңін атаңдар.
  13. «Әттең, қазір жанымда әкем болғанда». Бұл сөйлемде үтір не үшін қойылған?
  14. Сөйлемнің айтылу мақсатына қарай түрлерін атаңдар.
  15. «Құс жоғары-төмен ұшып, бір қанатын сабалай берді». Бұл сөйлем құрмаластың қай түрі?

II топқа сұрақтар

  1. Тұрлаулы мүшелерді атаңдар.
  2. Жалаң сөйлемнің құрамында қандай сөйлем мүшелері болады?
  3. Зат есімнің жалғауларын атаңдар.
  4. Есімше бірде түрленіп, бірде етістік қызметін атқаратын етістіктің түрі қалай аталады?
  5. Сабақтас құрмалас сөйлемдер қалай жасалады?
  6. Жай сөйлемнің құрамына қарай түрлерін атаңдар.
  7. «Көкшетау» поэмасының авторы кім?
  8. Сын есімнің шырайлары қалай жасалады?
  9. Жіктеу есімдіктерін атаңдар.
  10. Абай Құнанбаевтың туған жерін атаңдар.
  11. Үстеулер мағынасына қарай нешеге бөлінеді?
  12. Көсемше қалай жасалады?
  13. «Өлеңім — менің бөбегім». Бұл сөйлемде сызықша не үшін қойылған?
  14. Синоним дегеніміз не?
  15. «Күн жауып кетті, оны елеген ешкім жоқ». Бұл сөйлем құрмаластың қай түрі?

IV кезең. Зерделеу

География • Таным

Тақырып: Қазақстандағы көлдер

  1. Қазақстандағы ең терең көл.
  2. Қазақстандағы ең ащы көл.
  3. Қазақстандағы ең тұщы көл.
  4. Тұщы көлдердің ішіндегі ең терең көл.

Жауап форматы

Көл атауы + 1 дерек

Дәлел

Карта/анықтамалыққа сүйену

Тіл талабы

Толық сөйлеммен айту

Топтық жұмыс

Ортақ шешім және қорғау