Маңғыстау облысы, Түпқараған ауданы, Баутин ауылы, Ақбота балабақшасының хореографыЖағалбаева Нұрсулу СаматқызыЖүргізуші
Іс-шара туралы
Өтетін орны
Маңғыстау облысы, Түпқараған ауданы, Баутин ауылы
Ұйымдастырушы
«Ақбота» балабақшасының хореографы — Жағалбаева Нұрсулу Саматқызы
Тақырыбы
Конституция күніне арналған «Ата Заңым — айбыным» атты ертеңгілік
Жүргізушінің кіріспе сөзі
Ата Заңым — ардағым, адамзаттың арманын аялаған. Болашаққа бастайсың, жасампаз жол көрсетесің. Әрбір бабың, әрбір тарауың — салмақты қағида.
Алтын Заңда — парасатым мен пайымым. Алтын Заңда — күш-қуатым, жалын-ыстық үнім. Сен қорғайсың бостандық пен құқықты, мейірімді анадай елжіреген жанымсың.
Құрметті ұстаздар, бүлдіршіндер және ата-аналар! Конституция күніне арналған ертеңгілігімізге қош келдіңіздер.
Ел тәуелсіздігінің кепілі — Қазақстан Республикасының Конституциясы. Қоғамның негізгі міндеттеріне сай келетін бұл құжатты бүкіл әлем жұртшылығы мойындайды.
Ата Заңымыз — елдігіміздің айқын белгісі. Көк байрағымыз көкте желбіреп, Әнұранымыз әлемге шырқалып келеді.
Рәсім
Әнұран орындалады.
Құттықтау сөзі
Ел тәуелсіздігіміздің және келешегіміздің кепілі — Конституция күніне орай сөз кезегі балабақша әдіскері Ақжігітова Ұлмекенге беріледі.
Негізгі ой
- Әр сөз, әр бап — салмақты.
- Құқық, бостандық, теңдік — жан-жақты қарастырылған.
Еркін елдің Ата Заңы — ардақты. Әрбір сөзі, әрбір бабы — салмақты. Адам құқығы, бостандығы, теңдігі — барлығы да жан-жақты қарастырылған.
Балалардың тақпақтары
Келесі кезек — бүлдіршіндердің жүректен шыққан жыр жолдары.
Анель
Ата Заңым — арман әнім,
Сенен асқан бар ма бағым.
Жалғыз саған байланысты
Елімде еркін самғағым.
Каусар
Ата Заңым — бар мұратым,
Жалғыз кие жанды ұғатын.
Жансаң бассаң, жолға салып,
Тәубаңды еске алдыратын.
Айзере
Бақытты болып жүргенім —
Сенің арқаң, Ұлы Отан.
Елім менің тірегім,
Құшағыңда гүл атам.
Аружан
Сарқылмайтын қуатым,
Тірегімсің сен, Отан.
Мәңгі соғып тұратын
Жүрегімсің сен, Отан.
Дәулет
Туған елім — гүл елім,
Қасиетіңді білемін.
Өзіңе деп жүремін
Лүпілдеген жүрегім.
Ханшайым
Барлық есік ашық дер ем
Өз елімде мен үшін.
Ата-бабам қорғап қалған —
Ұрпақтарға ел үшін.