Дулатов Шешенің балаларын сүюі
4-сыныпқа арналған сабақ жоспары
Бұл сабақ Міржақып Дулатұлының «Шешенің балаларын сүюі» өлеңіне негізделеді. Негізгі мақсат — өлеңнің түйінді ойын түсініп оқу, талдау жасау және оқушыларды анаға деген құрмет пен сүйіспеншілікке тәрбиелеу.
Сабақтың түрі
Жаңа сабақ
Сабақтың типі
Дәстүрлі
Сабақтың мақсаты мен міндеттері
Білімдік
- Жаңа тақырыппен танысу.
- Өлеңдегі негізгі ойды ұғындыру.
- Түсініп, дұрыс оқуға және қорытынды шығаруға машықтандыру.
Дамытушылық
- Сөздік қорын молайту.
- Есте сақтау қабілетін арттыру.
- Өздік жұмыс жүргізуге бағыттау.
Тәрбиелік
- Анаға деген сүйіспеншілік пен құрметті нығайту.
- Адамгершілікке тәрбиелеу.
- Отбасы құндылықтарын еске түсіндіру.
Әдіс-тәсілдер және көрнекіліктер
Әдіс-тәсілдер
Талдау, жинақтау, тіл дамыту, сұрақ-жауап, әңгімелесу, ойын.
Көрнекіліктер
Плакат, үлестірмелі дидактикалық материалдар.
Ұйымдастыру кезеңі
Сабақты бастау
- Оқушылармен амандасу.
- Сабаққа дайындығын тексеру.
- Зейінді сабаққа аудару, жағымды көңіл күй қалыптастыру.
Шаттық шеңбері (өлең жолдары)
Күлімдеп күн бүгін,
Қарады маған да.
Күлімдеп күн бүгін,
Қарады саған да.
Күлімдеп күн бүгін,
Қарады баршаға.
Жаңа сабаққа дайындық: тақырыпты ашу
Сұрақ-жауап арқылы талқылау
Мұғалімнің сұрағы
«Балалар, тақтаға назар аударайық. Не көріп тұрсыңдар?»
Талқылау бағыты
Оқушылардың жауаптары тыңдалып, суреттер бойынша ана мен бала арасындағы махаббат, мейірім, қамқорлық туралы пікір алмасу жүргізіледі.
Сабақтың негізгі ойы
Бүгін біз анасының баласын қалай жақсы көретінін, оның қуанышқа бірге қуанып, қайғыға бірге күйетінін суреттейтін шығармаға тоқталамыз.
Жаңа тақырып
Міржақып Дулатұлы — «Шешенің балаларын сүюі»
Өлең мәтіні
Автор
Міржақып Дулатұлы
«Шешенің балаларын сүюі»
Кім сендерді, балалар, сүйетұғын,
Қуанышына қуанып, қайғыңа күйетұғын?
Түн ұйқысын төрт бөліп, кірпік қақпай,
Шешеӊ байғұс дамылсыз жүретұғын.
Кім сендерді, балалар, тербететін,
Еркелетіп, ойнатып, сергітетін?
Жалқау болсаң, балалар, жаман болсаң,
Қамқор анаң көз жасын көлдететін.
Кім сендерді сағынар шетке кетсең,
Ғылым іздеп, тез қайтпай, көпке кетсең?
Бетін жуған жасымен сорлы анаңа
Хат жазып тұр, төбесі көкке жетсін.
Кім сағынар сендерді келгеніңше,
Құлындарын көзімен көргенінше?
Сендер қайтып келсеңдер адам болып,
Еш арманым болмас еді өлгенімше...
Мұғалім туралы мәлімет
Мұғалім: Асхат Қ. А.
Қосымша материалдар: презентация (слайд) және сабаққа қатысты файлдар.