Қазақша рефераттар

Ертегіні оқыту

Сабақ туралы мәлімет

Пән

Әдебиеттік оқу (3-сынып)

Сабақтың тақырыбы

«Ит пен мысық адамға қалай үйренді?»

Сабақтың түрі

Аралас сабақ

Мақсаты мен міндеттері

Сабақтың мақсаты

Әңгімені оқыту арқылы мазмұны мен идеясын ашу.

Білімділік міндеті

Оқушыларға шығарманың мазмұнын меңгерте отырып, негізгі ойды түсінуге бағыттау.

Дамытушылық және тәрбиелік

  • Талдау, салыстыру, болжау жасау арқылы қиялын дамыту.
  • Топта жұмыс істеп, өз пікірін айтуға және өзгені тыңдауға үйрету.
  • Парасатты, сауатты өмір сүруге тәрбиелеу.

Әдіс-тәсілдер және көрнекілік

Әдіс-тәсілдер

Сөздік әдіс Әңгімелесу Түсіндіру Сұрақ-жауап

Көрнекілік

  • Ертегінің аудионұсқасы
  • Шал мен кемпір, тышқан, мысық, қасқыр, ит суреттері

Сабақ барысы

I. Ұйымдастыру кезеңі

  • Амандасу.
  • Оқулықтарын түгендеу.

II. Өткен сабақты қайталау

Үй тапсырмасы

  • «Менің анам» өлеңін оқу.
  • «Менің анашым» тақырыбында жазылған шығарманы оқыту.

III. Жаңа сабақ

Танымдық дерек

Ит туралы қысқаша мәлімет

Ит

Иттер — етқоректі жануарлар. Тістерінің ішінде ең жақсы дамығаны — азу тістер. Алдыңғы аяқтарында 5, артқы аяқтарында 4 башай болады.

Иттердің есту, көру және иіс сезу қабілеті өте жақсы жетілген, әрі үйретуге бейім. Жыныстық жағынан төбеттер 10–12 айда, қаншықтар 7–8 айда жетіледі. Буаздық мерзімі 58–65 күн.

Қызықты дерек

Күшіктер соқыр, саңырау, тіссіз туады. Құлағы 5–8 күнде, көзі 10–14 күнде ашылады, сүт тістері 20–30 күнде шыға бастайды.

Иттер орта есеппен 10–12 жыл өмір сүреді. Қызметтік тұқымдар армияда, шекара күзетінде, құқық қорғау саласында, объектілерді күзетуде және мал бағуда пайдаланылады.

Қызметтік тұқымдарға мысалдар
  • Неміс овчаркасы (шығыс еуропалық тип)
  • Кавказ овчаркасы
  • Орта Азия овчаркасы
  • Ротвейлер
  • Эрдельтерьер
  • Ризеншнауцер
  • Ньюфаундленд (сүңгуір ит)

Танымдық дерек

Мысық туралы қысқаша мәлімет

Мысық

Мысықтың дене құрылысы: бас, мойын, тұлға, құйрық, алдыңғы және артқы аяқтар. Аяқтары тұлғаны тік көтеріп тұрады, денесі ықшам әрі икемді.

Кейбір түрлері жылына 2 рет көбейеді. Марғаулар (әдетте 3–4 болады) дәрменсіз, соқыр болып туады.

Басты ерекшеліктері

  • Құлақ қалқандары айқын көрінеді.
  • Қарашығы жарыққа байланысты өзгеретін үлкен көздері бар.
  • Ұзын мұртшалары (қылшықтары) мен сезімтал мұрны арқылы бағдарлайды.

Мысық — өте сақ жыртқыш. Олжасына жақындағанда дыбысын білдірмей, тырнақтарын майлы табанына жасырып жүреді. Ал сәті келгенде лезде серпіліп, өткір тырнақтарын шығарып, аңдыған жемтігіне атылып түседі. Құйрығы қозғалыс бағытын реттеуге көмектеседі.

Ой шақыру

Балалар, сендердің үйлеріңде мысық немесе ит бар ма? Бүгін біз мысық пен иттің адамға алғаш қалай үйренгені туралы ертегімен танысамыз.

Кітаппен жұмыс

  • Ертегіні оқыту.
  • Ертегіні аудио арқылы тыңдату.

Дәптермен жұмыс

Ит пен мысықтың адамға тигізетін пайдасын жазу.

Қорытынды бөлім

IV. Сабақты қорытындылау

Өтілген тақырып бойынша негізгі ойды жинақтау, оқушылардың түсіну деңгейін анықтау.

V. Үй тапсырмасы

  • Ертегіні мәнерлеп оқу.
  • Түсінгенін айтып беру.
  • Күнделікке жазып алу.

Рефлексия және бағалау

Рефлексия сұрақтары

  • Біз бүгін нені білдік?
  • Алдағы уақытта тағы нені білгің келеді?

Оқушылар стикерге өз ойларын жазып, кері байланыс береді. Сабаққа белсенді қатысқан оқушылар мадақталады.