Оразақын АсқарБала болғым келедіСабақтан қайтып келем екі - үш қызбен, Қыздар мәз болушы еді жүрсе бізбен

Оразақын Асқар
Бала болғым келеді
Сабақтан қайтып келем екі - үш қызбен,
Қыздар мәз болушы еді жүрсе бізбен.
Айтысып әзіл - қалжың күлісеміз
Нұр тамып, гүл жайнаған жастық жүзден.
Кәрі әкем көрінді алдан мыжырайып,
Бұл маған қыздар көрсе болар айып,
Жүріңдер, мына жақта қызық бар ,- деп
Бір шетке қыздарды ертіп кеттім тайып.
Өзім де жылдар өтіп болдым кәрі,
Мойындай қойған жоқпын бірақ әлі.
Шынардай бой түзеді ұл - қыздарым,
Сүйсінер сымбатына жұрттың бәрі.
Бардым да журналға бір жыр ұсына
Қызымның соға кеттім жұмысына.
Қызымның қасындағы құрбылары
Түртісіп қарап еді тұрмысыма.
Мен кетіп жиған қыздар күлкіден ес,
Көргендей Бұл кім? депті бір түрлі елес:
- Әкем ғой,- десе қызым, сілтеп қолын,
- Алдама,- депті бәрі,- мүмкін емес!

Алматы облысы, Кербұлақ ауданы,
Шилісу негізгі мектебінің
4 – сынып оқушысы Қасымбек Арайлым
Сынып жетекшісі Билибаева Қарлығаш Урамбаенва