Тік бұрышты координаталар жүйесін түсіндіре білу

Координаталық жазықтық. Координаталары бойынша нүктені салу
6 сынып
Сабақтың мақсаты:
Білімділік: Тік бұрышты координаталар жүйесін түсіндіре білу; координаталық жазықтықтағы нүктенің координаталарын табу, координаталары бойынша нүктені салу.
Дамыту: оқушыларға Координаталық жазықтық тақырыбындағы есептерді шығара білуі мен есептеу дағдыларын дамыту.
Тәрбиелілік: шығармашылыққа, жылдамдыққа және алғырлыққа тәрбиелеу.
Сабақтың түрі: Түсіндірмелі - жаңа сабақ.
Сабақтың әдісі: Блум - таксономиясы.
Көрнекі құралдар: презентация, сызғыш түрлері, тапсырмалар.

Сабақтың жоспары: 1. Ұйымдастыру кезеңі
2. Үй тапсырмасын тексеру
3. Жаңа сабақ
4. Жаңа сабақты бекіту. Талдау
5. Қолдану. Жұптық есептер шығару
6. Үй тапсырмасы
7. Қорытындылау
8. Бағалау

Сабақтың барысы: 1. Ұйымдастыру кезеңі.
- Сәлеметсіздер ме оқушылар?
- Бүгін бізде кім кезекші? Орныңнан тұра қой.
Сыныпта кім жоқ?
- Сабаққа дайындаламыз.
- Сабақты бастаймыз.

2. Үй тапсырмасын тексеру

3. Жаңа сабақ:
Санақ басы О нүктесінде қиылысатын өзара перпендикуляр екі түзу тік бұрышты координаталар жүйесін құрайды.
Берілген нүктенің абсциссасы (х) мен ординатасы (у) координаталары. Абсциссиялар осі мен ординаталар осьінің қиылысу нүктесін координаталар басы деп атайды.
Нүктенің координаталық түзудегі орны бір ғана санмен анықталады. Енді нүктенің жазықтықтағы орнын анықтауды үйренеміз. Нүктенің жазықтықтағы орнын анықтау үшін бір - бірімен санақ басы нүктелерінде қиылысатын өзара ⊥ екі координаталық түзуден, тік бұрышты координаталық жүйе құрастырамыз.

М (- 5; 2) координаталары бойынша нүктені салу үшін:
1. абсциссалар осінен - 5 нүктесін тауып, осы нүкте арқылы Ох - ке ⊥ түсіреміз;
2. ординатасы 2 болатын нүктені тауып, осы нүкте арқылы Оу осьіне ⊥ жүргіземіз;
3. түзулердің қиылысу нүктесі – ізделінді нүкте; М (- 5; 2)

4. Жаңа сабақты бекіту:
№ 1163.(Тақтада орындалады)
Есеп шығарылып болған соң түсіндірмелі - талдау жұмысы жүргізіледі.

5. Қолдану. Жұптық есептер шығару
Оқушылар қасындағы оқушылармен жұптасып шығарады.
№ 1165, № 1168

V. Қорытынды:
1. Координаталық жазықтықтағы Оу және Ох остері қалай аталады?
2. Тік бұрышты координаталар жүйесі орналасқан жазықтық қалай аталады?
6. Үйге тапсырма: № 1173.
7. Оқушыларды бағалау.

Қостанай облысы, Амангелді ауданы,
Құмкешу жалпы білім беретін орта мектебі
математика пәнінің мұғалімі Зайкенова Бекзада Жумадилкызы