Қазақша рефераттар

Оқушыларды Ілияс Жансүгіровтың Көкшетау өлеңімен таныстыру

Сабақтың мақсаты

  • 1

    Оқушыларды Ілияс Жансүгіровтың «Көкшетау» өлеңімен таныстыру, тілдің поэтикалық болмысын ұғындыру.

  • 2

    Ойлау қабілетін дамыту, сөздік қорын молайту; өлеңмен жұмыс істеуге ықпал ету; мәнерлеп оқу шеберлігін жетілдіру; тапсырмалар арқылы ауызекі сөйлеу дағдыларын дамыту.

  • 3

    «Көкшетау» өлеңі арқылы Қазақстанның табиғатын, туған жерін сүюге баулу; мемлекеттік тілге құрмет сезімін тәрбиелеу; Отанға сүйіспеншілікті арттыру.

Сабақтың түрі

Аралас сабақ

Сабақтың әдістері

Әңгімелесу Оқу Түсіндіру Талдау Сұрақ-жауап Тіл дамыту

Көрнекіліктер

  • Ілияс Жансүгіровтың портреті
  • Шығармалары жинақталған кітап көрмесі

Сабақтың барысы

I. Ұйымдастыру кезеңі

Оқушылармен сәлемдесу, сабаққа назар аударту, оқу құралдарының дайындығын тексеру.

II. Психологиялық даярлық

«Жүректен жүрекке» әдісі арқылы жағымды көңіл күй қалыптастыру.

III. Үй тапсырмасын тексеру

Өткен сабақта Ілияс Жансүгіровтың өмірі мен шығармашылығымен таныстық. Үй жұмысын «Асық ойыны» арқылы тексерейік.

Сұрақтар

  1. Ілияс Жансүгіров қашан және қайда туды?
  2. Ілияс кімнің тәрбиесінде болды?
  3. Ілияс бала кезінен неге әуес болды және оған кім ықпал етті?
  4. Қай ақындардың айтыстарымен жақсы таныс болды?
  5. Ақынның атақты шығармаларын атаңдар.
  6. Қай поэма қазақтың мақтанышы болды?
  7. Балаларға арнаған өлеңдерін атаңдар.

Үй жұмысы бағаланады: жауаптың толықтығы, дәлдігі және сөйлеу мәдениеті бойынша.

IV. Жаңа тақырып

Мұғалімнің кіріспе сөзі: «Құлагер» поэмасы 1936 жылы жарық көрді. Бұл шығарма — ұлттық поэзиямыздың қымбат қазынасы, биік тұғыры.

Поэманың ерекшелігі — құрылымы мен көркемдік қуатында ғана емес, ел өмірінің көріністері, өткен дәуір оқиғалары және жеке адам тағдыры қатар өрілуінде.

Бүгін біз Ілияс Жансүгіровтың «Құлагер» поэмасынан алынған үзіндімен және «Көкшетау» табиғат суреттерінің көркемдік мәнімен танысамыз.

V. Сөздік жұмысы

Жаңа сөздерді оқимыз, оқушылар қайталайды, дәптерге жазып алады, мағынасы түсіндіріледі.

Қазақша
Орысша
Белгілі
известный
Мұра
наследие
Секілді
подобный
Ағын су
проточная вода
Қашық бол
остерегайся
Маржан
коралл
Меруерт
жемчуг
Ақық
перламутр, сердолик
Даңқы кеткен
прославился
Бура тас
большой камень
Кең дала
широкая степь
Шипа тау (барлық дерттен тазартатын)
гора, исцеляющая от всех болезней
Құс қиқуы
пение птиц

VI. Оқулықпен жұмыс

  • Мұғалім мәтінді оқиды, оқушылар түсініксіз сөздерді қарындашпен белгілеп отырады.

  • Мәнерлеп оқу жүргізіледі.

  • Мазмұны түсіндіріледі, негізгі ой талданады.

  • Оқушылар бір-бір шумақтан оқиды, соңында бір оқушы мәтінді толық оқып шығады.

VII. Дәптермен жұмыс

Дәптерлеріңді ашып, бүгінгі күнді жазыңдар. Төмендегі тапсырмаларды орындаңдар.

Тапсырма 1

Өлеңдегі теңеулерді табу

Теңеулерді тауып, дәптерге жазыңдар: малта тас, маржан, ақық, меруерт тас, қия құз, жақпар сарай, бура тастар.

Тапсырма 2

Ұнаған шумақты көшіру

Өзіңе ұнаған шумақты таңдап, дәптерге көшіріп жаз.

Тапсырма 3

Суретпен жұмыс

Сурет бойынша өлеңнің сәйкес шумағын тап.

VIII. Қорытынды

«Қоржын» әдісі арқылы сабақты қорытындылаймыз: негізгі түсініктерді жинақтап, жауаптарды нақтылаймыз.

Қорытынды сұрақтар

  1. Өлең жазған ақын туралы не білесіңдер?
  2. Өлеңде не туралы айтылған?
  3. Ақын суреттеп отырған таудың аты қандай? Көкшетау.
  4. Көкшетау Қазақстанның қай өңірінде орналасқан?
  5. Осы өлең бойынша қандай сурет салар едің?
  6. Қазақстандағы басқа тауларды атаңдар (мысалы, Алатау).
  7. Өлеңдегі теңеулерді оқып бер.
  8. Ілияс Жансүгіровтың «Көкшетау» өлеңі ұнады ма? Несімен ұнады?

Жинақтау сұрағы: Бүгінгі сабақта қандай жұмыстар орындадық?

Бағалау: қатысу белсенділігі, оқу мәнері, тапсырмалардың орындалуы бойынша.

Рефлексия: оқушылардың көңіл күйін және сабақтан алған әсерін қысқаша анықтау.