Жапырақтың құрылысы

Сабақтың тақырыбы: Жапырақтың құрылысы.

Сабақтың мақсаты: 1. Жапырақ жайында жалпы түсінік қалыптастыру.
Жапырақтың өсімдіктің өсу мүшесі екенін дәлелдей отырып, жапырақтың құрылысы, бөлімдері, жүйкеленуі, сабаққа орналасуы жайында түсінік беру.
2. Оқушылардың сабаққа деген қызығушылығын, еске сақтау қабілетін дамыту.
3. Кез келген түрлі өсімдіктер жапырақтарына сипаттама беруге үйрету. Табиғаттағы өсімдіктерге қамқор болуға тәрбиелеу.
Сабақтың көрнекілігі: интерактивті тақта, флипчарт, жапырақтың суреттері, кеппе шөптер.
Сабақтың әдісі: тірек – сызба, әр түрлі тапсырмалар.
Сабақтың түрі: Танымжорық – саяхат сабағы: жол жетпеген жерге ой жетеді

Сабақтың барысы: Ұйымдастыру кезеңі
Сыныпты үш топқа бөлу:
1. Ақ желкен.
2. Алқызыл желкен.
3. Жасыл желкен.
Әр топқа басшы тағайындаймын. Басшылардың бас киімі ретінде аттарына сәйкес ақ лента, қызыл лента, жасыл лента байлаймын.

1. Негізгі бөлім:
2. Бағыт жалаушаларымен көрсетілген. Кеденнен өткен сайын жалаушаларды алып отырамыз. Ақтау қаласында бізді үш кеме күтіп тұр. Сол үш кемеге мініп, үш материкке жетуіміз керек. Ақтау портының суреті бар плакатқа үш кемені жапсырып қою керек.
Ал балалар, біз шет мемлекетке шығу үшін жол құжаттарын дайындап, тиісті ұйымдардан өтуіміз керек. Сондықтан ең алдымен біз Анықтама қызметіне барамыз.
1 – топтың сұрақтары:
1. Жапырақ дегеніміз не?
2. Жапырақ қандай қызмет атқарады?
3. Жапырақтың сыртқы құрылысы қандай?

2 – топтың сұрақтары:
1. Қынап дегеніміз не?
2. Жапырақ тақтасының қызметі қандай?
3. Жапырақтың жүйкеленуі қандай?

3 – топтың сұрақтары:
1. Жай және күрделі жапырақтар дегеніміз не?
2. Жапырақ сабаққа қалай орналасқан?
3. Жапырақтың жүйкесі қандай қызмет атқарады?

Анықтама қызметінен өтіп, Каспий теңізіне жеттік. Волга өзенінің сағасына да келдік. Рессейдің жері басталды. Біз енді бірнеше кеденнен өтуіміз керек.

1 – кеден. Орнын тап және сандар сыры
1 – топ
Жапырақтың суреттері санмен белгіленген бөлімдердің аттарын жазу керек.
2 – топ
Суретте көрсетілген жапырақтар қай топқа жатады, бір – бірінен қандай айырмашылығы бар?
3 – топ
Жай жапырақтардың пішіндері қандай нәрсеге ұқсайды, реттік сандары бойынша аттарын жазыңдар.

2 – кеден. Жер қойнауы кедені.
1. Тірек – сызбамен жұмыс.

1 – топ
1. Жапырақтың сыртқы құрылысын сызу.
2. Жапырақтың қызметін сызу
2 – топ
1. Жапырақ тақтасының пішіндерін сызу.
2. Жапырақтың жүйкеленуін сызу.
3 – топ
1. Жапырақ саны.
2. Жапырақтың сабаққа бекінуі.

3 – кеден. метеорологиялық орталық кедені
Әр топтан биологиялық диктант аламын.
1 – топ
1. Жапырақтың кеңейген жалпақ бөлімі...........
2. Жапырақ сағағының орнына түтік тәрізді өсетін бөлімі.........
3. Жапырақша саны жұп болса........
4. Өткізгіш шоқтардың жапырақ тақтасында орналасуы..........