Қазақша рефераттар

Оқушыларға инженер мамандығының ерекшеліктерін сипаттау

Инкарбаева Жанар Ержанқызы

10-сынып

Сабақтың тақырыбы

Инженер мамандығы – заман талабы

Сабақтың типі

Жаңа сабақты меңгерту

Сабақтың түрі

Аралас сабақ

Әдіс-тәсіл

СТО технологияларының стратегиялары

Көрнекіліктер

  • Суреттер
  • Қима қағаздар
  • Кино үзінділері

Сабақтың мақсаты

  • Білімділік: инженер мамандығының ерекшеліктерін сипаттау.
  • Дамытушылық: қызығушылықты арттыру, ойлау қабілетін дамыту, өз ойын еркін жеткізуге бағыттау.
  • Тәрбиелік: әртүрлі мамандық иелеріне құрмет сезімін оята отырып, ұлтжандылық пен отансүйгіштік рухта тәрбиелеу.

Сабақтың барысы

Ұйымдастыру кезеңі

Амандасу. Оқушыларды туған айларына қарай топқа бөлу:

I топ

Желтоқсан, қаңтар, ақпан, қыркүйек

II топ

Наурыз, сәуір, мамыр, қазан

III топ

Маусым, шілде, тамыз, қараша

I. Қызығушылықты ояту

«Бұл кім? Тауып көрші» ойыны арқылы жұмбақ шешкізіп, оқушылардың ойлау қабілетін дамыту.

1) Жұмбақ

Күміс қанат, сұңқары, көкке еркін сүңгиді. Бұлттан да тым әрі кеткен жанды кім дейді?

Жауабы: Ұшқыш

2) Жұмбақ

Өрнектеп, сәндеп, тігістерін бүгетін. Солпысын жөндеп, кім көйлек тігетін?

Жауабы: Тігінші

3) Жұмбақ

Қалпағы ақ қарасаң, дәрігер емес, бірақ ол. Дәм мәзірін қаласаң, алға ұсынып тұрады ол.

Жауабы: Аспаз

4) Жұмбақ

Өскен шашты жаратпайтын, қайшысы бар жалақтайтын.

Жауабы: Шаштараз

5) Жұмбақ

Оның тіккен бұйымы аяғыңды қаптайды. Шыға қалса жұлымы, әдемілеп баптайды.

Жауабы: Етікші

6) Жұмбақ

Білімнің дәнін тереді, балаға тәлім береді.

Жауабы: Ұстаз

7) Жұмбақ

Білімнің жолбасшысы, шәкірттің қолбасшысы.

Жауабы: Мұғалім

8) Жұмбақ

Адамның жүзін, басы мен көзін айнытпай салатын кім суретін?

Жауабы: Суретші

Жұмбақтар шешілгеннен кейін, слайд арқылы суреттер көрсетіліп, төмендегі тұжырымдар оқылады:

  • Бұл мамандық өндірісте және көлікте қажет;
  • ғылым мен техникада маңызды;
  • құрылыс, экономика және басқа да салаларда кең қолданылады.
Жауап Инженер мамандығы

Ойланайық, пікірлесейік

  1. 1) Қандай маман болуды армандайсыз? Неліктен?

  2. 2) Өзіңізді белгілі бір мамандыққа қашан және қалай дайындау керек деп ойлайсыз?

  3. 3) Адам бірнеше мамандықты меңгерсе, оның өмірі қалай өзгереді?

  4. 4) Қай уақытта адам өз еңбегінің жемісін көре алады?

II. Мағынаны ажырату

1) «Үш қадамды сұхбат» стратегиясы

Мақсаты: оқушылардың жан-жақты білімін тексеру. Әр топ бұрын өтілген тақырыптар бойынша бір-біріне 3 сұрақтан қояды.

2) «ЖИКСО-1» стратегиясы

Оқулықтағы «Инженер мамандығы» мәтінімен жұмыс: оқып, талдап, тапсырмалар орындау.

Мәтін

Инженер еңбегі ең әуелі материалдық өндірісте пайда болды: өнеркәсіпте, көлік пен байланыс саласында, сондай-ақ құрылыс бағытында кең қолданыс тапты. Қазіргі заманда ғылым мен техниканың қарқынды дамуына байланысты инженерлік еңбек экономиканың барлық саласын қамтиды: ақпараттық кеңістік, білім, мәдениет, өнер, тұрмыс және басқа да көптеген бағыттар. Сондықтан бүгінгі қоғамды инженерлік еңбексіз елестету мүмкін емес.

Қазірдің өзінде көптеген елдерде білікті инженерлердің тапшылығы байқалады. Елдің өндіріс пен техника саласында дамуына бұл мамандардың үлесі ерекше.

1-топ

Мәтінді мәнерлеп оқып, «Қазірдің өзінде көптеген елдерде білікті инженерлердің тапшылығы байқалады» сөйлеміне синтаксистік талдау жасау.

2-топ

Мәтінді аударып, «инженерлік» және «мамандардың» сөздеріне морфологиялық талдау жасау.

3-топ

Мәтін бойынша сұрақтар құрастыру; «инженер» сөзін септеп, жіктеу.

Сергіту сәті

Пантомима

Әр топ қарсыластарына 3 түрлі мамандық иесін қимыл арқылы жасырады, ал қарсы топ табады.

III. Ой толғаныс

1) «Топтастыру» стратегиясы

Мақсаты

Әр топ бірлесе отырып, «Инженер мамандығы» ұғымына байланысты ассоциациялар мен тірек сөздерден топтастыру құрады. Нәтижесінде мамандық туралы ойлар жүйеленеді.

2) Дәлелдеу жұмысы

Мақсаты

Әр топ «Инженер мамандығы – заман талабы» екенін нақты мысалдармен дәлелдейді. Бұл бөлім сабақ нәтижесін айқындауға көмектеседі.

3) «Хат жазу» стратегиясы

Мақсаты

«Бүгін сабақтан алған әсерім» тақырыбында оқушылар бір-біріне хат жазады. Мақсат — хат жазу үлгісін меңгерту және сабақта атқарған жұмыстарын сауатты жеткізуге дағдыландыру.

Үй тапсырмасы

Берілген тұжырымдардың бірін дәлелдеп келу:

  • 1-топ: Мамандық таңдауда психологтың көмегі қажет.
  • 2-топ: Мамандық таңдау — күнкөріс қамы.
  • 3-топ: Ақша болса, мамандық қажет емес.

Бағалау

Әр топ қарсылас топты «Екі жұлдыз, бір тілек» әдісімен бағалайды:

Жұлдыз 1

Күшті тұсын атап өту

Жұлдыз 2

Жақсы қырын дәлелдеу

Тілек

Жақсартуға ұсыныс айту