Қазақша рефераттар

Оқушыларды мәліметтер қоры түсінігі, ақпаратты кестелік түрде өрнектеу жолдарымен және алаң түсінігімен таныстыру

Маңғыстау облысы, Бейнеу ауданы, Боранқұл селосы

Информатика пәні мұғалімі: Арна Кидиршаева

Сабақтың тақырыбы

Электрондық кестелердің негізгі ұғымдары: деректерді енгізу, редакциялау және пішімдеу

Сабақтың мақсаттары

Білімділік

  • MS Excel бағдарламасында деректер базасын құру.
  • Мәліметтер қоры ұғымын, ақпаратты кестелік түрде ұсыну тәсілдерін және өріс (алаң) түсінігін меңгерту.

Дамытушылық

  • Деректер базасын құру және қолдану дағдыларын қалыптастыру.
  • Мәліметтер қорын пайдалану арқылы оқушыларды шығармашылық жұмысқа баулу.

Тәрбиелік

  • Жеке тұлғаның интеллектуалдық дамуына ықпал ету.
  • Пәнге қызығушылық пен жауапкершілікке тәрбиелеу.

Сабақтың форматы және ресурстар

Ұйымдастыру

Сабақтың түрі
Аралас, ойын сабағы
Оқыту тәсілдері
Сұрақ-жауап, өз бетімен жұмыс, тест жұмысы
Пәнаралық байланыс
Логика

Көрнекіліктер мен құрал-жабдықтар

Көрнекіліктер

  • Кестелер
  • Тест тапсырмалары
  • Таратпа материалдар
  • Слайдтар

Құрал-жабдықтар

  • Дербес компьютер
  • MS Excel бағдарламасы
  • Ақпараттық технологиялар (ИТ)

Сабақтың жоспары

  1. I кезең

    Ұйымдастыру

  2. II кезең

    Үй тапсырмасын тексеру

  3. III кезең

    Жаңа сабақ

  4. IV кезең

    Бекіту

  5. V кезең

    Үй тапсырмасы

  6. VI кезең

    Қорытындылау

Сабақтың барысы

Ұйымдастыру кезеңі

Бүгінгі сабағымыздың мақсаты — MS Excel электрондық кестесінде деректер базасын құрып үйрену және оны ақпарат түрлерімен жұмыс барысында тиімді қолдану. Сонымен қатар, мәліметтер базасының практикада қолданылуы туралы түсінік қалыптастырамыз. Жұмысқа кіріспес бұрын, үй тапсырмасын қысқаша қайталайық.

Үй тапсырмасын тексеру

Спринт сұрақтары

1) MS Excel-де диаграмма құру командаларын ретімен орналастыр.

  • А) берілгендерді енгізу
  • Б) диаграмма
  • В) берілгендерді белгілеу
  • Г) қою

2) MS Excel электрондық кестесінің ең кіші элементінен бастап орналастыр.

  • А) жұмыс парағы
  • Б) жұмыс кітабы
  • В) ұяшық

3) Ақпарат өлшем бірліктерін өсу ретімен жаз.

  • А) мегаБайт
  • Б) бит
  • В) гигабайт
  • Г) байт

4) Бума (папка) құру үшін командалардың ретін ата.

  • А) Бума (папка)
  • Б) құру (создать)
  • В) ат енгізу

«Домино» ойыны

Оқушылар ойынның шартымен таныстырылады. Әр оқушыға жеке кеспе қағаздар беріледі: кеспе екі бөліктен тұрады — бір бөлігінде сұрақ, екінші бөлігінде басқа кеспедегі сұрақтың жауабы. Бірінші сұрақ оқылғанда, дұрыс жауапты тапқан оқушы өз кеспесіндегі жауапты оқып, кейін өзіндегі келесі сұрақты дауыстап айтады. Осылайша ойын тізбектей жалғаса береді.

Жаңа сабақ: мәліметтер қоры және Excel-дегі тізім

Мәліметтер қоры — қолданбалы бағдарламаға тәуелсіз, белгілі бір ережелер бойынша ұйымдастырылған деректерді сақтау, сипаттау және олармен әртүрлі әрекеттер орындау принциптері қарастырылған деректер жиыны.

Мысалдар

  • Кітапхана каталогі.
  • Мекеменің кадрлар бөліміндегі қызметкерлер туралы деректер.
  • Оқушылар журналы.

Мәліметтер қоры, негізінен, үлкен көлемдегі ақпаратты сақтауға және жылдам іздеп табуға қызмет етеді.

MS Excel кестелік процессорында тізім деп жолдары біртектес мәліметтерден тұратын кестені айтады. Excel ортасында мұндай тізім көбіне мәліметтер қоры ретінде қарастырылады.

Негізгі сәйкестік

Жол
жазба (record)
Баған
өріс (field)

Анықтама

Мәліметтер қоры (МҚ) — белгілі бір қасиеттері бар деректер жиыны туралы ақпаратты жүйелі түрде сақтауға мүмкіндік беретін ақпараттық модель.

Excel-де мәліметтер қорын құруға қойылатын шектеулер

  • Бірінші қатарда қайталанбайтын өріс атаулары болуы керек.
  • Келесі қатарлардың барлығы жазбалардан тұруы қажет.
  • Әр өрістегі деректер біртекті болуы тиіс: тек сандар немесе тек мәтін (араластырмау ұсынылады).