Мұғалім - өзінің білімін үздіксіз көтеріп отырғанда ғана мұғалім
Жамбыл облысы, Байзақ ауданы, Ақшолақ ауылы, Ақшолақ орта мектебінің қазақ тілі мен әдебиеті пәні мұғалімі — Байдильдаева Жаннетта.
Шығармашыл тұлға қалыптастырудың педагогикалық негізі
Халқымыздың тарихындағы ақыл-ойдың алыбы — Абай. Ол: «Адамға үш алуан адамнан мінез жұғады: ата-анадан, ұстазынан, құрбысынан. Әсіресе солардың қайсысын жақсы көрсе, содан көп жұғады», — деп айтқан.
Көңіл түкпірінде сүйікті ұстаз болуды армандамайтын мұғалім кемде-кем. Өмірдің өзі педагогикаға жаңалықтарды үсті-үстіне әкелуде: жастар тез есейеді, ал олардың адамгершілік тәрбиесі мен өмірге бейім болып қалыптасуы — өзекті мәселе.
Қазіргі білім кеңістігі және мұғалімнің жауапкершілігі
Бала үшін мектеп — өз ойын ашық жеткізе алатын ортаға айналуы тиіс. Дүниежүзілік білім кеңістігіне ену үдерісі оқу-әдістемелік жүйеге де, мұғалімдер қауымына да жаңа талаптар мен жаңа міндеттер қойып отыр.
Біз білім беру адамзаттың ортақ игілігіне айналған дәуірде өмір сүріп келеміз. Сондықтан мұғалімнің кәсіби ұстанымы мен күнделікті әрекеті оқушының тұлғалық қалыптасуына тікелей ықпал етеді.
Тақырып, мақсат және кәсіби бағдар
Педагогикалық қызметімнің тақырыбын «Шығармашыл тұлға қалыптастырудың педагогикалық негізі» деп айқындадым.
Негізгі мақсат
Оқушы тұлғасының жан-жақты дамуын зерттеу, белсенді танымдық әрекетін жетілдіруге негізделген жаңа педагогикалық технологияларды қолдану, ізденімпаздыққа баулу және танымдық белсенділігін арттыру жолдарын айқындау.
Нәтижеге бағыт
Оқушының оқу үдерісінде өзіндік ойлауын, шешім қабылдауын және жауапкершілігін жүйелі түрде қалыптастыру.
Міндеттер жүйесі
Алға қойылған міндеттер
Мақсатты жүзеге асыруға бағытталған нақты қадамдар
- 1 Оқушылардың көркем ойлау және сөйлеу іскерлігін дамытуға арналған зерттеу жұмыстарын талдау.
- 2 Пән негіздерін жан-жақты әрі өмірмен байланыстыра отырып меңгертудің тиімді тәсілдерін нақтылау.
- 3 Оқушылардың дарынын ашуға және жетілдіруге қолайлы жағдай жасау.
- 4 Кез келген ақпаратқа өзіндік талдау жасап, шешім қабылдай алатын тұлға моделін құру.
Дидактикалық ұстанымдар
Қоғам талабына сай, өмір сүруге қабілетті оқушы даярлау үшін төмендегі дидактикалық ұстанымдарды басшылыққа аламын. Бұл ұстанымдар оқушының білімді меңгеруін ғана емес, дүниетанымын қалыптастыруын да қамтамасыз етеді.
Ғылымилық
Ғылыми білімді жүйелі меңгерту арқылы оқушының дүниетанымын қалыптастыру.
Өмірмен байланыстылық
Ғылым мен тәжірибенің диалектикалық байланысын ашып, білімді өмірлік жағдаяттармен ұштастыру.
Саналылық пен белсенділік
Оқушының танымдық қызығушылығын арттырып, оқу үдерісіндегі белсенді рөлін күшейту.
Жүйелілік
Білімді бірізділікпен беріп, дағдыны кезең-кезеңімен қалыптастыру.
Жеке ерекшелікті ескеру
Әр оқушының қабілеті мен оқу қарқынын назарда ұстап, қолжетімді тапсырмалар ұсыну.
Ізгілік және үйлесімділік
Оқушыны тұлға ретінде құрметтеу және нәтижеге жеткізетін педагогикалық ықпалдардың үйлесімді жүйесін құру.
Үздіксіз ізденіс — мұғалім кәсібінің өзегі
Көздеген мақсатқа жету үшін әр мұғалім жаңа педагогикалық құндылықтарды меңгеруге, ғылыми-зерттеушілік әрекетті игеруге ұмтылады. Бұл — ең күрделі, бірақ ең қажетті үдеріс.
К. Д. Ушинский: «Мұғалім — өзінің білімін үздіксіз көтеріп отырғанда ғана мұғалім. Оқуды, ізденуді тоқтатқан сәтте, оның мұғалімдігі де жойылады», — деген.