Қазақша рефераттар

ҚұрамыҰн - 450 гр

Қытырлақ қамырдан алма бәліші

Жеңіл, хош иісті әрі әдемі өріммен безендірілетін алма бәлішінің рецепті. Қамыры қытырлақ, салмасы жұмсақ әрі шырынды болып піседі.

Қысқаша кеңес

  • Сары май міндетті түрде салқын болуы керек — сонда қамыр қабатталып, қытырлақ шығады.
  • Қамырды тоңазытқышта тынықтыру — пішінін жақсы ұстап, жайғанда жыртылмауына көмектеседі.

Құрамы (қамыр үшін)

  • Ұн450 г
  • Тұз1 шай қасық
  • Сары май300 г
  • Мұздай су100–150 мл

Құрамы (салма үшін)

  • Алма800 г
  • Қант150–180 г
  • Ұн30 г
  • Сары май50 г
  • Лимон сөлі1 шай қасық

Қаласаңыз, салмаға аздап даршын қосуға болады — алма дәмін ерекше ашады.

Дайындау жолы

  1. 1

    Ұнды електен өткізіңіз. Тоңазытқыштағы салқын сары майды ұсақтап турап, ұнмен жақсылап араластырыңыз.

    Қоспа ұнтақталып, май түйіршіктері аздап сезіліп тұрса — дәл сол керек.

  2. 2

    Тұз қосып, мұздай суды біртіндеп құя отырып қамыр илеңіз.

    Суды бірден түгел қоспаңыз: ұнның ылғал тартуы әртүрлі болуы мүмкін.

  3. 3

    Дайын қамырды екіге бөліңіз: бір бөлігі үлкенірек, екіншісі кішірек болсын. Екеуін де целлофанға орап, тоңазытқышқа салыңыз.

  4. 4

    Салманы дайындаңыз: алманы жуып, тазалап, құрғатыңыз. Қабығын аршып, жұқалап тураңыз.

  5. 5

    Туралған алмаға қант, ұн, сары май және лимон сөлін қосыңыз. Жай отта 3–4 минут, қант ерігенше ғана қыздырып алыңыз.

    Ұзақ қайнатпаңыз — алма тым жұмсарып кетпеуі керек.

  6. 6

    Қамырдың үлкен бөлігін тоңазытқыштан шығарып, қалыңдығын шамамен 3 мм етіп жайыңыз. Жайылған қамырды қалыпқа салып, артық жерін кесіп тастаңыз.

  7. 7

    Дайын салманы қамырдың үстіне біркелкі етіп салыңыз.

  8. 8

    Қамырдың екінші бөлігін де 3 мм қалыңдықта жайып, ұзынша жолақтарға кесіңіз. Жолақтарды салманың үстіне тор (сетка) секілді өріп орналастырыңыз.

  9. 9

    Бетіне жұмыртқаның сарысын жағыңыз. 200°C-қа алдын ала қыздырылған пеште 40–50 минут пісіріңіз.

Дәмді болсын!

Дайындаған: Асыл