Өлеңдерін жатқа айтқызу

Сабақтың тақырыбы: Ғылым таппай мақтанба. Абай. (слайдымен)
Сабақтың мақсаты:
Білімділік мақсаты: Абай атамыздың өмірі, шығармашылығы туралы тереңірек білім алуына, адамның ішкі жан дүниесін түсінуге, ақынның данышпандығын тануына жол салу.
Күтілетін нәтижелер: Пәндік нәтиже: өлеңдегі негізгі ойды, идеяны аша, ұғына білуіне мүмкіндік беру.
Жүйелі іс - әрекет нәтижесі: Абай өлеңдері арқылы практикалық білім дәрежелерін одан әрі кеңейту, оқушылардың ой - өрістерін, сауаттылығын, сөйлеу тілдерін өлең жолдарындағы көркем сөздерді жинақтау арқылы молайта түсу.
Тұлғалық нәтиже: адам бойындағы жақсы - жаман қасиеттерді тани отырып, адамгершілік тәрбиесіне баулу.
Сабақтың көрнекілігі: сызба - кестелер, Абай атамыздың портреті, өмірінен суреттер, слайд.
Сабақтың барысы:
І. Ұйымдастыру кезеңі.
Оқушылармен амандасу, кезекшімен сұхбат. Құрал - жабдықтарын тексеріп шығу. Оқушылардың зейінін сабаққа аудару.
І. Қызығушылықты ояту.
- Абайды таныту арқылы біз Қазақстанды әлемге танытамыз, қазақ халқын танытамыз. Қазіргі таңда әлемде Абайды танымайтын жан жоқ десек, дұрыс айтқан болар едік. Мысалы, көршілес Ресейде Абай күндері өткізіліп тұрады.
Оқушылар Абай атамыздың өмірі туралы мәліметтерге тоқталады. Білетін мәліметтерін жаңғырту. Өлеңдерін жатқа айтқызу.
Керек дерек:
Абай – осы күнгі Семей облысындағы Шығыс деген тауды жайлаған тобықты руының ішінде, 1845 жылы дүниеге келген. Абайдың өз әкесі - Құнанбай, оның әкесі - Өскенбай, үшінші атасы - Ырғызбай. Бұлардың барлығы – ру ішінде үстемдік жүргізген адамдар.
Өскембай орта жасқа келгенде, баласы Құнанбай ер жетіп, атқа мінген. Құнанбай 1804 жылы дүниеге келген. Құнанбайдың шешесі Зере кісі ренжітпейтін жұмсақ мінезді әйел болған деседі. Мұның ақын болатын немересі Абайдың бала, бозбала күнінде аулының бәрі Зерені кәрі әже дейді екен. Кәріліктен құлағы естімейтін болған. Бабаларына дұға оқытып, үшкірте береді. Сонда өз қолындағы немересі Абай кәрі әжесінің құлағына өлең айтып келіп үшкіреді екен. Ақынның өз шешесі – Ұлжан. Ол сабырлы мінезді кісі болған.
Сонымен Абай атамыз аудармашы, мысалшы, әсем ән жазған сазгер, ұлы ойшыл, ақын, ғұлама адам болған екен. Бүгін біз Абайдың Ғылым таппай мақтанба өлеңімен танысып, топпен жұмыс жасаймыз.
Бұрын оқыған өлеңнің басқа шумақтарын еске түсіру.
Өлеңді өзім мәнерлеп оқып беремін. Оқушыларға тізбектеп, әсерлеп оқу түрін ұсыну.
Сөздік жұмысын жүргізу.
- Ақын өлеңінде бізді кім болуға шақырып тұр.

Сынып оқушыларын жылдың төрт мезгіліндегі туған күндеріне байланысты топтарға бөлу. Бөлінгеннен кейін өз тобының атауына байланысты Абайдың бір өлеңін еске түсіріп айтады.
Өз мезгіліне сәйкес өлеңін тауып, мәнерлеп оқиды. (Күз. Қыс. Жаз)
Ой қозғау.
Оқу білім бұлағы,
Білім өмір шырағы.
• Білімді неге шырақ дейміз? (оқушылар ойларын айтады)
• Автор туралы түсінік беру
• Абай аталарының жатқа білетін өлеңдерін сұрау.
• Абай туралы не білеміз?