Қоршаған ортамен таныстыру
Ұйымдастырылған оқу қызметі
Білім беру саласы
Әлеуметтік
Бөлімі
Қоршаған ортамен таныстыру
Тақырыбы
Балабақша – біздің екінші үйіміз
Мақсаты
-
Балабақшада еңбек ететін мамандармен таныстыру: медбике, аспаз.
-
Балабақшаның балаларды көп нәрсеге үйрететін және жақсылыққа тәрбиелейтін орта екенін түсіндіру.
-
Балабақша қызметкерлерінің еңбегін бағалай білуге тәрбиелеу, балаларды мейірімді болуға баулу.
Әдіс-тәсілдері
- көрсету
- таныстыру
- түсіндіру
- сұрақ-жауап
- ойын
- қорытындылау
Көрнекі құралдар
Суреттер, аспаз бен медбикенің бейнелері (немесе мамандардың атрибуттары).
Билингвалдық компонент
- Қазақша
- балабақша
- аспаз
- дәрігер
- Орысша
- детский сад
- повар
- врач
Шаттық шеңбер
Балалар шеңберге тұрып, өлең жолдарына қосылып қимыл-қозғалыстар жасайды.
Өлең
Балабақшам менің,
Жаңа қадам жасадым.
Қош болып тұр бесігім,
Мен қуанып ашамын
Балабақша есігін.
Ұйымдастырушылық кезең
Әңгімелесу
- Балалар, бүгін сүйікті балабақшамыз туралы ой-пікірімізді ортаға салайық.
- Осы балабақшада сендер нені үйрендіңдер?
- Біз күні бойы балабақшада боламыз. Сондықтан оны «екінші үйіміз» деп айта аламыз.
Өлең оқу (Мұзафар Әлімбаев)
Балабақша есігін
Үшке тола ашқанбыз.
Балапандай өсіріп,
Мәпелейді бақшамыз.
Бұл — екінші үйіміз,
Бір туғанбыз бәріміз.
Біз — осы үйдің гүліміз,
Біз — осы үйдің сәніміз.
Балалар өлеңді тыңдап, бірге қайталап айтады және жаттауға талпынады.
Сұрақ-жауап
1) Өлеңде не туралы айтылған?
2) Балабақша сендерге несімен ұнайды?
3) Неліктен балабақшаны «екінші үй» дейміз?
Қорытынды ой: біз күні бойы балабақшада боламыз, ол — біздің екінші үйіміз; біз — осы балабақшаның гүліміз әрі сәніміз.
Сергіту сәті
Сергіту жаттығулары әуенмен орындалады.
Қимыл-өлең
Кел, балақан, балақан,
Шапалақта алақан:
Жай-жай-жай!
Қозғап барлық денені,
Қолды қатты соқ енді:
Сарт-сарт-сарт!
Тықылдатып таяқты,
Ақырын бас аяқты.
Балабақша қызметкерлерімен танысу
Медбике
Біздің денсаулығымызды бақылап отыратын — медбике. Егер ауырсақ, алғашқы көмек көрсетіп, қажет жағдайда дәрігерге бағыттайды.
Сұрақ:
Балабақшада денсаулығымызды қадағалап отыратын кім?
Аспаз
Аспаз балаларға күні бойы құнарлы әрі пайдалы тағам дайындайды, уақытылы тамақтануды ұйымдастырады.
Сұрақ:
Аспаз сендер үшін не істейді?
Қысқа қорытынды
Балалар өз ойларын айтып, негізгі ойды қайталайды: «Балабақша — біздің екінші үйіміз.»
Өзін-өзі бағалау
- Балабақша дегеніміз не?
- Балабақшада кімдер қызмет етеді?
- Өз балабақшаңды жақсы көресің бе? Неліктен?
- Сенің сүйікті ойыншығың қандай?
Оқу іс-әрекетін қорытындылау
Қорытынды өлең
Бір шаңырақ астында
Тату-тәтті тұрамыз.
Бірге ішеміз асты да,
Бірге сайран құрамыз.
Балалар сұрақтарға жауап беріп, күннің негізгі ойларын бекітеді.
Күтілетін нәтиже
Біледі
Балабақшадағы сыйластық пен ұжымдық қарым-қатынас дағдыларының маңызын.
Игереді
Балабақша қызметкерлерінің атқаратын жұмыстарын (медбике, аспаз және т.б.).
Меңгереді
Өзара сыйласуды, бір-бірімен тіл табысуды және қамқор болуды.